Jón Karl í Fréttablaðinu

Jón Karl Helgason, bókmenntafræðingur, skrifar grein í Fréttablaðið í dag. Hann er einn af þeim sem er með í nýjum samtökum, STERKARA ÍSLAND.

Í grein sinni segir Jón m.a.:,,Við fögnum því að aðildarumsókn hafi nú verið send til Brussel og teljum brýnt að Ísland nái sem hagstæðustum samningum, auk þess sem fram fari upplýst og skynsamleg umræða hér á landi um kosti og ókosti aðildar. Miklu skiptir að umræðan sé ekki bundin við hagsmuni einstakra atvinnugreina eða hópa heldur taki mið af heildarhagsmunum samfélagsins og sé mótuð af skýrri framtíðarsýn, þar sem hagur komandi kynslóða sé í fyrirrúmi."

Öll grein Jóns Karls

Athugasemdir

[Jón Valur Jensson, 4.2.2010 kl. 03:27]

Stutt er grein Jóns Karls og að sama skapi ekki djúprist, en laus er hún við brennimerkingu andstæðinga. Einu hjó ég sérstaklega eftir:

"Síðastliðið vor efndi hópur einstaklinga úr ólíkum áttum til undirskriftarsöfnunar undir kjörorðinu „Við erum sammála", þar sem íslensk stjórnvöld voru hvött til að sækja um aðild Íslands að Evrópusambandinu."

Er ekki rétt að minna ykkur á, að einn þeirra, sem gerðust þátttakendur í nefndri undirskriftasöfnun, var Indriði H. Þorláksson, einn aðal-Icesave-samningamaðurinn og sá sem skrifaði undir Svavarssamninginn fyrir hönd ráðherrans Steingríms J. Og nú hlýtur að mega spyrja: Getur verið, að Indriði hafi beitt sér í Icesave-málinu með þeim hætti, sem hann gerði, til þess að við mættum þókknast Evrópubandalaginu og beygja okkur fyrir ranglátum kröfum þess og viðleitni þess til að koma sér undan því að taka sjálft á ábyrgð sinni á málinu? (sbr. að ESB var í raun bótaskylt vegna tilskipunar 94/14/EC!).

[Hólmfríður Bjarnadóttir, 4.2.2010 kl. 14:06]

Góð grein og málefnaleg. Er eindregin stuðningsmaður ESB umsóknarinnar og er í hópnum STERKARA ÍSLAND.  Bráðnauðsynlegt að vekja athygli að þessum málstað. Nóg er af niðurrifinu og neikvæðninni.