Sjálfstæðir Evrópumenn: Stofnfundur á föstudag

Eins og greint var frá hér á blogginu í gær, stendur til að stofna samtök sjálfstæðra Evrópumanna í Þjóðmenningarhúsinu n.k. föstudag. Eru það aðilar sem eru beintengdir inn í Sjálfstæðisflokkinn sem standa að stofnun samtakanna. Í frétt í Fréttablaðinu er talað við Benedikt Jóhannesson, sem er einn forvígismanna.

Í fréttinni segir: ,,Benedikt segir að markmiðið með stofnun samtakanna sé að vekja upp jákvæða Evrópu­­umræðu innan Sjálfstæðis­flokksins. Benedikt telur ekki tímabært að upplýsa hvort fleiri sitjandi þingmenn Sjálfstæðisflokksins en Ragnheiður standi að baki samtökunum eða hvort varaformaðurinn, Þorgerður Katrín Gunnarsdóttir, sé þar á meðal. „Hún veit hins vegar af þessu", segir Benedikt."

Benedikt var gestur í síðdegisútvarpi Rásar 2 í dag

Öll fréttin

 

Athugasemdir

[Ívar Pálsson, 9.2.2010 kl. 18:44]

Nú skýrast þá línurnar og pukrinu lýkur: Sá fjórðungur Sjálfstæðisfólks sem vill ESB-aðild kemur þá fram á sínum forsendum og hlýtur fylgi samkvæmt því en eins og á landsfundi og í kosningunum að komast áfram á tvíræðninni.

Sjálfstæðir Evrópumenn er þversögn eins og Frjálsir fangar.

Þegar Bjarni Benediktsson talaði sem skýrast gegn ESB og Icesave um áramótin þá fór fylgi flokksins hæst. En þegar hann aðspurður sagðist ekki myndu draga ESB- umsóknina til baka ef hann kæmist til valda þrátt fyrir 75% fylgi gegn henni í flokknum,  þá varð mörgum ljóst að enginn árangur næst gegn vinstri óstjórninni þegar þessi afstaða er í stjórn flokksins. 

[Jón Valur Jensson, 9.2.2010 kl. 20:10]

Sjálfstæðisflokkinum er ekki treystandi. Það þarf ekki aðeins nýjan vinstri flokk í landið (af augljósum ástæðum), heldur líka nýjan hægri flokk og þjóðlegan miðjuflokk að auki. – Góður Ívar: "Sjálfstæðir Evrópumenn er þversögn eins og Frjálsir fangar." – En ég bloggaði á tveimur vefsíðum í dag um þá ósvinnu, að til stendur, að þetta nýja áhugamannafélag um sameiningu við evrópska stórríkið verði formlega stofnað í sjálfu Þjóðmenningarhúsinu – gamla Safnahúsinu, merkisbera íslenzkra bókmennta og okkar sjálfstæðu menningar!