Ungir bændur á lágu plani! Rangfærslur og hræðsluáróður!

Samtök ungra bænda voru stofnuð voru stofnuð síðastliðinn vetur. Afstaða ríkisstyrktra bænda á Íslandi gagnvart ESB er kunn: Bændur vilja ekki í ESB og þeir taka þá ,,lýðræðislegu“ afstöðu að vilja ekki einu sinni ræða málið.

Nú hafa þessi samtök ungra bænda bæst í þann hóp og framlag þeirra er eins ómálefnalegt og hægt er að hugsa sér.

Samtökin birta í dag í bæði Fréttablaðinu og Morgunblaðinu stórar (og dýrar) auglýsingar þar sem í fyrirsögn segir: ,,Við viljum ekki senda afkomendur okkar í Evrópusambandsherinn“

Í fyrsta lagi að þá er ekki neinn Evrópusambandsher til, eins og er gefið í skyn í auglýsingunni. Hún er því í hæsta máta villandi. Það hefur ENGIN ákvörðun verið tekin um stofnun Evrópuhers!

Það er langt í það að slíkur her verði myndaður og andstaða við slíkt í mörgum löndum. Írland er t.d. hlutlaust og verður aldrei með í slíkum her.  Þetta vita kannski ungir bændur, en kjósa þá að setja málið fram með öðrum hætti!

Í öðru lagi:Ef af aðild yrði myndu Íslendingar örugglega vera á móti slíkum her, þar sem landið hefur verið hlutlaust í báðu heimsstyrjöldunum.

Í Lissabon-sáttmálanum er kveðið á um heimildir aðildarríkja ESB til að taka þátt í friðarskapandi aðgerðum og fleira (greinar 42-46). Þær eru byggðar á samþykktum Sameinuðu þjóðanna (SÞ) og fara eftir viðmiðum þeirra. Kynnið ykkur þetta, ungu bændur!

Svo er það kostnaðurinn, því ekki eru auglýsingar sem þessar ókeypis og varla eru Samtök ungra bænda fjársterk samtök. Hver borgar þessa ómálefnalegu vitleysu sem þessar auglýsingar eru?
Og eru Samtök ungra bænda með þessum auglýsingum að gefa tóninn í máli sem þau vilja ekki ræða?

Hverskonar endemis vitleysa er þetta!

Það væri nær fyrir Samtök ungra bænda að snúa sér og eyða peningunum í að reyna að stuðla að málefnalegri umræðu um bága stöðu íslensku íslenskra bænda, sem fá 10.000 milljónir íslenskra króna á ári í stuðning úr vösum og veskjum íslenskra skattborgara.

Í framhaldi af þessu má einfaldlega spyrja hvort þessar auglýsingar séu greiddar með almannafé?

Með þessu fara Samtök ungra bænda með ESB-umræðuna niður á áður óþekkt plan!

Þetta er falsáróður og þá er það bara spurningin hvort þetta sé það sem koma skal frá þessum ungu samtökum, eða eiga þau eftir að þroskast?

Yfirlýsing: Evrópusamtökin harma ómálefnalega umræðu sem þessa. Samband Íslands við Evrópu og umheiminn hefur sjaldan eða aldrei verið jafn mikilvægur málaflokkur og einmitt nú, í kjölfar efnahags og gjaldmiðilshruns á Íslandi.

Mjög mikilvægt er að umræða um málefni ESB sé málefnaleg og byggð á staðreyndum, en ekki rangfærslum og hræðsluáróðri.

Evrópusamtökin skora á Samtök ungra bænda að hafa það að leiðarljósi, vilji þeir á annað borð taka þátt í umræðunni.

 

Athugasemdir

[Þorsteinn Briem, 28.5.2010 kl. 10:08]

Lissabon-sáttmálinn (Treaty of Lisbon):

• "Withdrawal from the Union: the Treaty of Lisbon explicitly recognises for the first time the possibility for a Member State to withdraw from the Union."

"Article 49 A

1. Any Member State may decide to withdraw from the Union in accordance with its own constitutional requirements."

Lissabon-sáttmálinn (Treaty of Lisbon) - Sjá bls. C 306/40

"Does the Treaty of Lisbon create a European army?

No. Military capabilities remain in national hands. The Treaty foresees that Member States can make available civilian and military resources to the Union for the implementation of its Common Security and Defence operations.

However, any Member State has the right to oppose such operations and all contributions to them will be always on a voluntary basis.



A group of Member States who are willing and have the necessary capability will be able to undertake disarmament operations, humanitarian and rescue tasks, military advice and peace-keeping tasks. No Member State can be forced to participate in such operations."

[Guðmundur Jónsson, 28.5.2010 kl. 10:08]

þessi auglýsing er á margan hátt sérstök, þarna er verið að auglýsa opinber umæli kanslara Þýskalands og afstöðu hennar til hers ESB, engu logið og engu bætt við. 

Það gott til þess að vita að  Evrópusamtökin eru ekki sammál Merkel um að stofna her í  ESB en Hún hefur bara verulega meira vægi en Evrópusamtökin í ESB.

[Þorsteinn Briem, 28.5.2010 kl. 10:15]

Lissabon-sáttmálinn - Treaty of Lisbon

[Þorsteinn Briem, 28.5.2010 kl. 11:03]

"7. If a Member State is the victim of armed aggression on its territory, the other Member States shall have towards it an obligation of aid and assistance by all the means in their power, in accordance with Article 51 of the United Nations Charter.

This shall not prejudice the specific character of the security and defence policy of certain Member States.

Commitments and cooperation in this area shall be consistent with commitments under the North Atlantic Treaty Organisation [NATO], which, for those States which are members of it, remains the foundation of their collective defence and the forum for its implementation."

Lissabon-sáttmálinn (Treaty of Lisbon) - Sjá bls. C 306/35

[Evrópusamtökin, www.evropa.is, 28.5.2010 kl. 11:32]

Spurningin er kannski þessi: Er þessi auglýsing ungum bændum til framdráttar? Er þetta allt og sumt sem þeir hafa til málanna að leggja?

[Þorsteinn Briem, 28.5.2010 kl. 11:39]

"Article 51 of the United Nations Charter [Stofnsáttmála Sameinuðu þjóðanna] reads as follows:

"Nothing in the present Charter shall impair the inherent right of individual or collective self-defense if an armed attack occurs against a Member of the United Nations, until the Security Council has taken measures necessary to maintain international peace and security.

Measures taken by Members in the exercise of this right of self-defence shall be immediately reported to the Security Council and shall not in any way affect the authority and responsibility of the Security Council under the present Charter to take at any time such action as it deems necessary in order to maintain or restore international peace and security."

• Chapter VII: Action with Respect to Threats to the Peace, Breaches of the Peace and Acts of Agression

[Þorsteinn Briem, 28.5.2010 kl. 12:40]

"Í 1. mgr. 21. gr. samkeppnislaga nr. 8/1993 [sagði] svo:

"Óheimilt er að veita rangar, ófullnægjandi eða villandi upplýsingar í auglýsingum eða með öðrum hætti eða beita öðrum slíkum viðskiptaaðferðum sem sama marki eru brenndar, enda séu upplýsingar þessar og viðskiptaaðferðir fallnar til að hafa áhrif á eftirspurn eða framboð vara, fasteigna, þjónustu eða annars þess sem haft er á boðstólum í atvinnustarfsemi sem lög þessi taka til."

Fráleitt væri að gagnálykta frá ákvæðinu þannig að heimilt sé að ljúga í auglýsingum sem samkeppnislög taka ekki til. Þvert á móti ber að lögjafna frá ákvæðinu þannig að bannað sé að ljúga í öllum auglýsingum, hvort sem samkeppnislög ná til þeirra eða ekki.

Slík lögjöfnun á stoð í grunnreglu samningaréttarins um að orð skuli standa en lögfræðingar eiga til að orða hana svo á latínu: Pacta sunt servanda."

Vísindavefurinn - Má ljúga í auglýsingum?

Du Er Fuld Af Løgn - Eurovision

[Ómar Bjarki Kristjánsson, 28.5.2010 kl. 15:41]

Já þetta er ótrúlegt og bændum (líka þeim eldri) til stórskammar.

Þetta er jafnvel verra en "bretar og spánverjar koma og  veiða uppí kálgörðum" etc.

Það mál hefur nú verið afgreitt snyrtilega eins og kom fram í máli Giorgio Gallizioli og Armando Astudillo, sem sitja í sjávarútvegsnefnd framkvæmdastjórnar Evrópusambandsins.   Og sérstaklega finnst mér athyglisvert,  að það er staðfest það sem eg hef marg, margoft stafað ofan í heimsksýn og aðra ruglustrumpa sem skrifa og skrifa að litlu viti og minna en engri þekkingu um málefnið á vegum LÍÚ.

"Í prinsippinu gætu spænsk eða bresk skip siglt á Íslandsmið, en þau hafa ekkert þangað að gera því þau munu ekki geta krafist veiðiheimilda, sem verða byggðar á veiðireynslu."

Að þetta er nefnilega málið.  Og flestir skilja ekki prinsippið um  "equal access to waters"  að það eitt og sér hefur enga merkingu ef ekki er um veiðiheimild eða kvóta að ræða.  Mjöög einfalt.

Það er með ólíkindum fáfræði sumra sem skrifa um ESB og jafnframt eftirtektarvert hve fáir leggja á sig að kynna sér mál 1% eða meira- hvað þá í botn,  heldur bulla bara eins og hálfvitar.

[Jón Frímann Jónsson, 28.5.2010 kl. 16:57]

Ég er ekki hissa á þessum hræðsluáróðri samtaka Ungra Bænda, enda er þetta skilgetið afkvæmi Bændasamtaka Íslands og er líklega fjármaganað þaðan að fullu.

Um Evrópuher og þá umræðu hef ég þetta að segja. Allir þeir sem halda því fram að við inngöngu í ESB skapist herskylda hérna á landi eru annaðhvort að ljúga eða eru hreinlega svona fáfróðir að þeir vita ekki betur.

Í tilfelli ungra bænda þá er þetta bara lygi hjá þeim. Eitthvað sem mig grunar að þeir viti fullvel, enda er þar ekki ómenntað fólk á ferðinni.

Um meintan evrópuher þá er enginn pólitískur vilji til stofnunar slíks hers innan ESB, Spánn og Bretland eru sem dæmi á móti slíku um þessar mundir vegna hagsmuna þeirra gagnvart Bandaríkjunum. Frakkar eru líklegast til einnig á móti þessu, þó á öðrum forsendum en Spánverjar og Bretar.

Þess má einnig geta að áður en Ísland gekk í EES þá var líka hræðsluáróður um her notaður. Hægt er að fræðast um það hérna.

[Jón Frímann Jónsson, 28.5.2010 kl. 17:57]

Guðmundur, þrátt fyrir ýtarlega leit mína þá finn ég ekki neina fréttir af umræddri ræðua Angelu Merkel um hugmyndir hennar um evrópuher. Það er svo sem nóg að eldri fréttum um þessar hugmyndir, en ekkert frá því í ár.

[Guðmundur Jónsson, 29.5.2010 kl. 10:21]

Myndasaga

[Jón Frímann Jónsson, 29.5.2010 kl. 10:28]

Guðmundur, hlægilegt svar frá rökþrota manni.

[Jón Valur Jensson, 29.5.2010 kl. 15:25]

"Spurningin er kannski þessi ..." segja Evrópusamtökin og blaðra svo um íslenzka ungbændur, eftir að hafa sjálf bullað með afneitunum sínum á áformum um evrópskan her, sem valdamesta manneskjan í Evrópubandalaginu, kanzlari Þýzkalands, helfur sjálf boðað sem nauðsynlegan. Er þá spurningin fyrst og fremst um íslenzka bændur?!

[Þorsteinn Briem, 29.5.2010 kl. 16:58]

Starfsemi NATO á Norður-Atlantshafi felst í björgun og eftirliti, rétt eins og Landhelgisgæslu Íslands. Og umferð flutningaskipa og olíuskipa mun trúlega aukast mikið á Norður-Atlantshafi á næstu árum.

Og hér skiptir engu máli hvort Bandaríkjamenn eru með einhverja hermenn á Miðnesheiði. NATO-herskip eru oft í íslenskri landhelgi og höfn, þar sem danski sjóherinn, sem er í NATO, sér um eftirlit í fiskveiði- og efnahagslögsögu Færeyja og Grænlands.

"HDMS [Her Danish Majesty's Ship] Vædderen (F359) [Hrúturinn] is a Thetis-class ocean patrol vessel of the Royal Danish Navy. She is employed to exercise Danish sovereignty in waters around the Faroe Islands and Greenland."

Her Danish Majesty's Ship Vædderen (F359) - Wikipedia

• Samkomulag á milli Íslands og Noregs
• Yfirlýsing Íslands og Danmerkur
• Samkomulag á milli Bretlands og Íslands um varnarsamstarf

Utanríkisráðuneytið - Varnar- og öryggismál

Önnur NATO-herskip, til dæmis norsk, bresk, kanadísk, bandarísk, þýsk, hollensk, frönsk og spænsk, koma einnig reglulega í íslenska landhelgi og höfn.

Bandaríkjamenn voru hér meðal annars með björgunarþyrlur og þegar ljóst var að þær færu héðan þurfti að stækka þyrlusveit Landhelgisgæslunnar.

"The CFSP [Common Foreign and Security Policy of the European Union] sees the NATO responsible for the territorial defence of Europe and "peace-making" while since 1999 the European Union is responsible for implementation missions, such as peace-keeping and policing of treaties etc."

Common Foreign and Security Policy of the European Union

[Jón Valur Jensson, 29.5.2010 kl. 17:12]

Vædderen, glæsilegt skip, er hér í höfninni núna.

Reiðubúinn að koma í veg fyrir valdatöku Narrlistans!

[Þorsteinn Briem, 29.5.2010 kl. 17:24]

Alltaf gaman að sjá Vædderen.

Er farinn út í sólskinið!