Framkvæmdastjóri NEI-sinna: Kallar Össur lygara

Það er ljóst að NEI-sinnar Íslands eru tjúllaðir vegna þess að samningaferli Íslands og ESB er formlega hafið. Menn missa sig algerlega og AMX-vefnum, mest hægri af öllu hægri hér á landi, ofbýður.

Dæmi: Framkvæmdastjóri NEI-samtakanna, bloggarinn Páll Vilhjálmsson, kallar Össur Skarphéðinsson,utanríkisráðherra landsins, lygara:

"Lygi til heimabrúks, um að Ísland væri á leið í könnunarviðræður, og lygi á erlendum vettvangi, t.d. að þjóðin standi að baki umsókn Samfylkingar, er starfsaðferð Össurar Skarphéðinssonar utanríkisráðherra. Hér heima hefur Össuri orðið ágengt og á sæti í ríkisstjórn."

Morgunblaðið vitnar núorðið oft í PV. En meira að segja AMX-vefnum ofbýður orðfæri framkvæmdastjórans og þar segir um tilvitnunina hér að ofan:

"Þó smáfuglarnir hefðu valið mildari orð en Páll verður ekki undan því vikist að viðurkenna að Páll hefur rétt fyrir sér. Össur sagði viðræðurnar við ESB vera könnunarviðræður en nú er orðið ljóst það sem bent var á að þær eru fátt annað en fullgildar aðildarviðræður þar sem Ísland lagar sig að ESB - en ekki öfugt."

AMX-menn geta ekki á sér setið og taka undir þetta, kalla þar með Össur einnig lygara.

ÞAÐ ER MEÐ ÓLÍKINDUM HVAÐ LAGST ER LÁGT!

Athugasemdir

[Þorsteinn Briem, 28.7.2010 kl. 20:54]

"Þingsályktun

um aðildarumsókn að Evrópusambandinu.

Alþingi ályktar að fela ríkisstjórninni að leggja inn umsókn um aðild Íslands að ESB og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning. Við undirbúning viðræðna og skipulag þeirra skal ríkisstjórnin fylgja þeim sjónarmiðum um verklag og meginhagsmuni sem fram koma í áliti meiri hluta utanríkismálanefndar."

Nefndarálit meirihluta utanríkismálanefndar

Þingmenn í Samfylkingunni, Vinstri grænum, Framsóknarflokknum og Sjálfstæðisflokknum, ítem Þráinn Bertelsson, greiddu atkvæði með umsókn Íslands um aðild að Evrópusambandinu.

Samþykkt á Alþingi 16. júlí í fyrra: 33 þingmenn sögðu já en 28 nei og 2 greiddu ekki atkvæði. (Gunnar Bragi Sveinsson sagði nei.)

Þingsályktun um aðildarumsókn að Evrópusambandinu

[Þorsteinn Briem, 28.7.2010 kl. 20:56]

Þingmenn framsóknarmanna sem greiddu atkvæði með þingsályktun um aðildarumsókn að Evrópusambandinu:

Birkir Jón Jónsson, Guðmundur Steingrímsson og Siv Friðleifsdóttir.

Þingmenn vinstri grænna sem greiddu atkvæði með aðildarumsókninni:

Álfheiður Ingadóttir, Árni Þór Sigurðsson, Bjarkey Gunnarsdóttir (varamaður Björns Vals Gíslasonar), Katrín Jakobsdóttir, Lilja Mósesdóttir, Steingrímur J. Sigfússon, Svandís Svavarsdóttir og Ögmundur Jónasson.

Einnig greiddu atkvæði með aðildarumsókninni, auk allra þingmanna Samfylkingarinnar, sjálfstæðismaðurinn Ragnheiður Ríkharðsdóttir og Þráinn Bertelsson, utan þingflokka.

Sátu hjá:

Guðfríður Lilja Grétarsdóttir og Þorgerður Katrín Gunnarsdóttir.

Og Sjálfstæðisflokkurinn tapaði NÍU þingmönnum í alþingiskosningunum í fyrra.

[Þorsteinn Briem, 28.7.2010 kl. 21:31]

SKOÐANAKANNANIR.

"24. October 2005

Least corruption in Iceland

Iceland ranks #1 of 159 countries included in the Transparency International Corruption Perceptions Index 2005. Iceland's CPI 2005 score of 9.7 and CPI 2004 score of 9.5 is the top score overall."

News - Least corruption in Iceland

[Hólmfríður Bjarnadóttir, 28.7.2010 kl. 22:15]

PV er náttúrlega bara svolítið galin útgáfa af íslendingi og ég held að fáir taki  raunverulega mark á því sem hann segir. Ég horfi alla vegana í hina áttina þegar ég sé einhver öfgaskrif frá honum.

[Hólmfríður Bjarnadóttir, 28.7.2010 kl. 22:17]

Ég er hins vegar afar stolt af Össurir vini mínum og félaga þessa dagana. Hann og ríkisstjórnin okkar er að feta með okkar laskaða þjóðfélag inn á þann veg sem ég tel að komi okkur aftur á réttan kjöl

[Þorsteinn Briem, 28.7.2010 kl. 22:55]

SKOÐANAKANNANIR OG KOSNINGAR.

Fylgi flokkanna samkvæmt skoðanakönnun Capacent Gallup vikuna 25.-31. mars 2009, einungis 24-30 dögum fyrir alþingiskosningarnar 25. apríl 2009:

Samfylkingin 29,4% en fékk 29,8% í alþingiskosningunum,

Vinstrihreyfingin - grænt framboð 27,7% en fékk 21,7% í alþingiskosningunum,

Sjálfstæðisflokkurinn 25,4 en fékk 23,7% í alþingiskosningunum,

Framsóknarflokkurinn 10,7% en fékk 14,8% í alþingiskosningunum,

Borgarahreyfingin 3% en fékk 7,2% í alþingiskosningunum,

Frjálslyndi flokkurinn 1,4% en fékk 2,2% í alþingiskosningunum.

Kosningar til Alþingis 25.4.2009

Capacent Gallup 8.4.2009: Lítil breyting á fylgi flokkanna í mars

[Þorsteinn Briem, 28.7.2010 kl. 23:52]

"Evrópureglur eru hlutlausar gagnvart eignarhaldi á orkufyrirtækjum, viðkomandi ríki getur sjálft skipað þeim málum, að sögn Elviru Méndez Pinedo, sérfræðings í Evrópurétti."

Aðildarríki Evrópusambandsins ráða sjálf eignarhaldi á orkufyrirtækjum

[Þorsteinn Briem, 29.7.2010 kl. 04:06]

Í alþingiskosningunum 25. apríl í fyrra fengu Vinstri grænir um 20% færri atkvæði í kosningunum en skoðanakönnun Capacent Gallup á fylgi flokkanna sýndi í sama mánuði og kosningarnar voru haldnar.

Framsóknarflokkurinn fékk hins vegar um 40% fleiri atkvæði í kosningunum og Borgarahreyfingin um 140% fleiri atkvæði en skoðanakönnunin sýndi.

Þar af leiðandi er ÚTILOKAÐ að einhver geti núna FULLYRT hvort samningur um aðild Íslands að Evrópusambandinu verður samþykktur hér í þjóðaratkvæðagreiðslu EFTIR TVÖ ÁR.

Kosningar til Alþingis 25.4.2009

Capacent Gallup 8.4.2009: Lítil breyting á fylgi flokkanna í mars

[Gunnlaugur I., 29.7.2010 kl. 17:09]

Palli Vill blaðamaður segir að Össur Skarp sé "lygari" og það sér hver maður sem kynnir sér málflutning hans og hégómlegt flaður hans í ESB málinu.

Auðvitað stendur þjóðin ekkert að baki þessari ESB umsókn.

Þjóðin er í sárum og illa sundruð vegna þessarar bannsettu ESB umsóknar og mikill meirihluti þjóðarinnar vill ekkert með þessa ESB umsókn hafa að gera.

Össur er ekki þjóðin og verður sem betur fer aldrei !

Þjóðin mun bæði hafna gjörspilltu ESB valdaapparatinu og einnig skaðræðisgripnum Össuri næst þegar hún fær tækifæri til !

[Einar Solheim, 29.7.2010 kl. 17:35]

Gunnlaugur. Þú ert ekki þjóðin. Þú veist ekkert hvað þjóðin mun gera. Ef þú værir svona snjall, þá gætum við bara sparað okkur bæði kosningar og þjóðaratkvæðisgreiðslur. Staðreyndin er að Össur var kosinn á þing. Það er staðreynd að Samfylking og VG mynduðu ríkisstjórn. Það er staðreynd að þessi flokkar samþykktu að ganga til viðræðna við ESB og að niðurstöður þeirra viðræðna skyldu lagðar fyrir þjóðina. Það er staðreynd að slík tillaga var samþykkt með sannfærandi meirihluta á alþingi. Það er staðreynd að þessar aðildarviðræður eru hafnar. Það er hins vegar óskhyggja hjá þér að samningi verði hafnað. Eins og er veist þú ekkert um það. Skoðunarkannanir hafa EKKERT formlegt stjórnsýslulegt gildi, þannig að við verðum bara að sjá hvað verður. En í guðana bænum - hættu að tala fyrir því hvað þjóðin mun gera. Þú getur haldið áfram að lýsa þínum óskhyggjum, en þú veist ekki frekar en ég hvað þjóðin mun gera að nokkrum árum liðnum.

ps: Ert þú enn með kosningarrétt hér á Íslandi? Eða ertu bara að rembast við að halda Íslandi í skítnum svo þú fáir sem mest fyrir evrur þínar þegar þú kemur hingað í heimsókn?

[Gunnlaugur I., 30.7.2010 kl. 13:13]

Alveg rétt hjá ykkur strákar ég er ekki þjóðin, ekki frekar en þið.

Ekki frekar en vindhaninn Össur Skarphéðinsson, er sem betur fer ekki þjóðin og verður aldrei ! 

En þjóðin okkar mun samt verða svo gæfusöm að hún mun bæði hafna honum og ESB helsinu.

[Einar Solheim, 30.7.2010 kl. 13:30]

Össur fer a.m.k. með formlegt embætti í þágu þjóðarinnar. Hann er fulltrúi hennar í ákveðnum málaflokkum hvort sem þér líkar betur eða verr. Honum var falið það vald af kjósendum.

Hef takmarkaða trú á því að ÞJÓÐIN muni hafna ESB þegar kostir og gallar liggja fyrir. Það er einhver óskhyggja hjá þér og ekki veit ég á hverju hún grundvallast.