Jón Bjarnason tekur sér stöðu á vígvellinum (eins og honum einum er lagið!)

ESB-málið er pólitískt hörkumál, á því leikur enginn vafi. Menn taka sér stöðu á hinum pólitíska vígvelli.

Nýjasta útspil hæstvirts landbúnaðar og sjávaútvegsráðherra, Jóns Bjarnasonar, er kannski ágætis dæmi um um það. Frá "útspilinu" segir í frétt á vísir.is og í fréttum Stöðvar tvö í kvöld (á 14. mínútu fréttatímans).

Í fréttinni segir: "Á fundi í deilunefnd Alþjóðaviðskiptamálastofnunarinnar á föstudaginn lýsti Ísland yfir stuðningi sínum við Noreg og Kanada í máli þeirra gegn Evrópusambandinu vegna reglugerðar Evrópusambandsins sem kveður á um bann við innflutningi á selaafurðum inn á markaðssvæði ESB. Þá óskaði Ísland jafnframt eftir því að taka þátt í málsmeðferð kærunefndar í máli Kanada og Noregs gegn Evrópusambandinu sem þriðji aðili."

Hér má lesa um selveiðar, en árið 2006 námu útflutningstekjur Kanada af þeim um 18 milljónum dollara, en þjóðarframleiðsla Kanada var árið 2010 um 1500 billjónir dollara (billjón = þúsund milljarðar).

Árið 2009 setti ESB innflutningsbann á selavörur frá Kanada vegna verndarsjónarmiða. Þá hefur hart verið deilt um þær aðferðir sem beitt hefur verið við selveiðar.

Fréttatilkynning ráðuneytis Jóns Bjarnasonar um málið. 

Einnig eru viðbrögð við útspili ráðherra hér 

Í þessu samhengi mætti kannski spyrja hverjar útflutningstekjur Íslands af selveiðum séu? Ef þær eru þá nokkrar!

Þessi frétt frá Selasetrinu á Hvammstanga hlýtur að teljast athyglisverð í þessu samhengi!  

Athugasemdir

[Sleggjan og Hvellurinn, 30.3.2011 kl. 11:05]

Jón grípur hvert tækiæri til að vera á móti ESB... þó tilefnið er fáránlegt. Og skaðinn mikill.

[Ólafur Björn Ólafsson, 30.3.2011 kl. 11:21]

Að sjálfsögðu fara þeir í mál sem telja sig órétti beitta...

Ekki er svo verra að sá er sótt er að félag það sem aðsetur hefur í Brussel og meiri hluti þjóðarinnar vill ekkert þangað sækja.

Hitt er svo annað mál að mér hefði persónulega verið nákvæmlega sama þó Jón hefði látið ógert að ana svona fram.

Svo er Jón að fylgja sinni stefnu og VG en það er ekki það sama og að "grípa hvert tækifæri". Þegar stefnan er mótuð þá er farið eftir henni, eruð þið kanski ekki að fylgja eftir ykkar stefnu eða "grípið þið bara tækifæri " til að vera fylgjandi ESB aðild???

Skaðinn er svo enginn við það að Jón vilji fylgja Kanadamönnum, frekar að meiri skaði hljótist ef landið verður skuldum vafið ESB ríki sem tilheyrir mest Bretum og Hollendingum eftir samþykt ICESAVE.

Með kveðju

Kaldi

[Stefán Júlíusson (IP-tala skráð) 30.3.2011 kl. 12:20]

Ég, Evrópusinninn, styð Jón í þessu máli. 

Þó svo að við munum fara í ESB, þá merkir það ekki að við eigum aðra Bandamenn eins og Noreg og Kanada.

Við munum þá tala þeirra máli innan ESB.

[Sleggjan og Hvellurinn, 30.3.2011 kl. 15:05]

Ólafur

Á Jón ekki að fylgja stefnu ríkisstjórnarinnar? Enda er hann ráðherra í ríkisstjórn og skrifaði undir stjórnarsáttmálann.

[Kjartan Sigurgeirsson, 30.3.2011 kl. 15:58]

Er þetta ekki mótspil gegn Samfylkingu sem samþykkti árásir Nato á Líbýu?, dæmigert fyrir þessa flokka.

[Stefán Júlíusson (IP-tala skráð) 30.3.2011 kl. 16:02]

Hvað hefur ESB með Samfylkinguna að gera?  Það eru fleiri en stuðingsmenn hennar sem sjá hvað ESB er.

[Jón Valur Jensson, 30.3.2011 kl. 16:45]

Þið gangið hér út frá snarvitlausum forsendum um útflutningstekjur Kanada. Hvað eru 1500 billjónir dollara (billjón = þúsund milljarðar) mikið fé? 1500 Kanadadollarar (sá dollar er heldur verðminni en Bandaríkjadalur) eru 178.290 krónur. 1500 Kanadadollarar sinnum þúsund milljarðar (1 með 12 núllum á eftir) = 1.500.000.000.000.000 Kanadadollarar = 178.290.000.000.000.000 ísl. kr. eða 178.290.000 milljarðar króna. Íbúar í Kanada eru um 34 milljónir. Þessar útfutningstekjur Kanada myndu jafngilda því að þær væru á hvert einasta mannsbarn þar að verðmæti 5.244.000.000 krónur, sem sagt yfir 5,2 milljarðar kr. á hvert mannsbarn!

Trúið þið þessu? Af hverju eru þá ekki allir farnir til Kanada?

Þjóðarframleiðsla (GDP) á mann í Kanada er skv. CIA Fact Book $39.600 (annaðhvort í Kanadadollurum eða US$, en munurinn er lítill) eða 4,7 milljónir á mann, sem sagt harla langt frá 5,2 milljörðum, sem eiga að vera útflutningstekjur þar á mann skv. Evrópusamtökunum.

Í CIA Fact Book stendur um Kanada:

"Exports: $406.8 billion (2010 est.)

$323.3 billion (2009 est.)" – sem sé margfalt undir ykkar mati.

Hver sér um svona hluti fyrir ykkur?

[Stefán Júlíusson (IP-tala skráð) 30.3.2011 kl. 16:53]

Jón Valur:  Ég styð þig;) 

Ég vil hvalveiðar og selaveiðar við Ísland.

Við verðum að berjast fyrir okkar réttindum og Jón Bjarnason gerir það núna;)

[Jón Valur Jensson, 30.3.2011 kl. 17:05]

Gott, Stefán. Hvað kemur það líka öðrum við, þótt afurðir af selveiðum reynist lítill hluti af útflutningi Kanadamanna? Er ekki prjónles lítill partur af okkar útflutningi – á þá að vanvirða starf prjónafólks? Selveiðar eru ekki aðeins lögmætur atvinnuvegur, heldur einnig nauðsynlegar til að halda aftur af hringormi og til að takmarka gegndarlaust át sels á fiski.

En Stefán minn, vertu ekki að gera þér neinar gyllivonir. Ef þínum bandamönnum (ESB-sinnum) tekst að troða okkur hinum inn í ESB, verða hvalveiðar, selveiðar og hákarlaveiðar í reynd bannaðar hér við land.

Alvöru-Íslendingar láta ekki bjóða sér þetta. Segðu NEI við ESB!

[Stefán Júlíusson (IP-tala skráð) 30.3.2011 kl. 17:10]

Við alvöru Íslendingar mundun berjast fyrir veiðum innan ESB;)

En Jón Valur, þú hefur rétt fyrir þér. 

Gaman að því að við skulum vera sammála.  Þessi harði ESB sinni og þú;)

Margir halda einmitt að við þurfum alltaf að vera með innan ESB, en það er ekki raunin. 

Margir ESB sinnar þurfa að átta sig á því að allt frá Brussel er ekki skipun.

[Ólafur Björn Ólafsson, 30.3.2011 kl. 18:19]

Þruman, Sleggjan, Hvellurinn og Hamarinn ,Jón er fyrst og fremst Ráðherra VG og honum ber sem slíkum að fylgja stefnu VG og svo að sjálfsögðu egin sannfæringu.

Það er alltof mikið foringjaræði í íslenskri pólitík en ríkisstjórnarsamstarfið byggist víst á ákveðnu samkomulagi á milli flokkana en það er engum þingmanni skylt að fara eftir öðru en egin sannfæringu.

Svo miðað við rök þau er komið hafa frá Jóni V, þá styð ég þau frekar en að hlusta á ESB vandræðaliðið...

Kaldi

[Evrópusamtökin, www.evropa.is, 30.3.2011 kl. 22:14]

Heildarþjóðatframleiðsla Kanada:

GDP $1.600 trillion (2010) (US$1.522 trillion)
GDP growth 5.6% (2009/Q1 to 2010/Q1)
GDP per capita PPP: $43,100 (2008) (US$41,016)
 

[Jón Valur Jensson, 31.3.2011 kl. 02:35]

Stefán minn, þú segir annars vegar: "Við alvöru Íslendingar mundum berjast fyrir veiðum innan ESB;) [...] Margir ESB sinnar þurfa að átta sig á því að allt frá Brussel er ekki skipun."

Þetta lýsir mikilli bjartsýni í huga þínum – þú horfir fram hjá lagalegu alræði, sem ESB væri fengið í hendur með aðildarsamningi (accession treaty).

Hins vegar segir þú í sömu færslu: "En Jón Valur, þú hefur rétt fyrir þér. – Gaman að því að við skulum vera sammála. Þessi harði ESB sinni og þú;) – Margir halda einmitt að við þurfum alltaf að vera með innan ESB, en það er ekki raunin."

Þú setur þetta kannski í skiljanlegra samhengi! Mér sýnist þú aftur á móti vera að reyna að eta kökuna og eiga hana – eða öllu heldur: gagnrýna kökusneiðina, sem þér var bent á (vonda stefnu ESB í sel-, hákarla- og hvalveiðimálum, ekki viltu þá vondu stefnu), og samt virðistu ætla þér að gleypa alla kökuna ("þiggja" "inngöngu", [alræðiskennda] "aðild").

Ertu farinn að stunda andlega loftfimleika?

Hlakka til svars frá þér.