Leita í fréttum mbl.is

Inga Sigrún Atladóttir í FRBL: Höfum mikið að bjóða!

Inga Sigrún AtladóttirInga Sigrún Atladóttir, bæjarfulltrúi í Vogum, skrifar grein um ESB-málið í dag, en það er alltaf  ánægjulegt þegar konur tjá sig um þetta mál, enda mikil "kallaslagsíða" á því. Inga Sigrún segir:

"Ég tel aftur á móti að Ísland hafi mikið að bjóða grönnum sínum í Evrópu og ég tel að við höfum skyldur til að miðla þeim verðmætum sem við höfum. Þá er ég ekki að tala um orku, fisk eða landbúnaðarvörur heldur lýðræðishefð og friðarboðskap sem Íslendingar hafa varðveitt í margar kynslóðir, ekki bara í orði heldur líka í framkvæmd.

Markmið Evrópusambandsins er að jafna og bæta kjör í aðildarríkjunum. Evrópusambandið byggir á þeirri sýn að friður á milli sjálfstæðra ríkja verði best tryggður með samskiptum og samvinnu, gagnkvæmum skilningi og jafnræði í réttindum og lífskjörum.

Íslendingar hafa staðið sig mjög vel í að móta reglur um réttindi fólks á vinnumarkaði og miðlað þannig áherslum íslensks vinnumarkaðar um velferð og réttindi inn í samevrópskar reglur. Aðild ASÍ að Evrópusambandi stéttarfélaga hefur gefið sambandinu tækifæri til að standa þá vakt með miklum sóma. Á sama hátt getum við nýtt sérþekkingu okkar og reynslu til að hafa áhrif í friðar- og lýðræðismálum innan Evrópusambandsins."

Öll greinin 


« Síðasta færsla | Næsta færsla »

Athugasemdir

1 Smámynd: Eggert Sigurbergsson

Friðarboðskap í staðin fyrir vinnu? Staðreyndin er einfaldlega sú að innganga í tilvonandi sambandsríki kallar á atvinnuleysi, sérstaklega á meðal ungs fólks, enda er ekki hægt að kalla fram "stöguleika" nema með launalækkunum og atvinnuleysi þegar sveigjanleiki gjaldmiðilsins er horfin.

Ég held að langflestir Íslendingar taki atvinnu fram yfir hugsanlega friðarboðskap-áhrif enda er atvinnuleysi mesta böl sem hægt er að leggja á fólk.

Það sem þessi þjóð þarf a að halda er alvöru stjórnmálamenn sem hafa getu og nennu til að gera það sem þarf í hagstjórninni enda er að koma í ljós að það er síður en svo skjól í tilvonandi sambandsríkinu og Evrunni.

Eggert Sigurbergsson, 26.7.2011 kl. 16:12

2 Smámynd: Þorsteinn Briem

Eggert Sigurbergsson,

Evrópska efnahagssvæðið
er SAMEIGINLEGUR VINNUMARKAÐUR og EKKERT breytist í þeim efnum með aðild Íslands að Evrópusambandinu.

"Evrópska efnahagssvæðið (EES) er sameiginlegt markaðssvæði 30 ríkja í Evrópu sem komið var á með EES-samningnum og tók formlega gildi 1. janúar 1994.

Aðild að EES eiga öll 27 aðildarríki Evrópusambandsins, sambandið sjálft og 3 aðildarríki Fríverslunarsamtaka Evrópu (EFTA)."

"Fjórfrelsið svokallaða gildir á öllu svæðinu en það felur í sér frjáls vöru- og þjónustuviðskipti, frjálsa fjármagnsflutninga OG SAMEIGINLEGAN VINNUMARKAÐ.

Að auki kveður EES-samningurinn á um samvinnu EES-ríkjanna á sviði félagsmála, jafnréttismála, neytendamála, umhverfismála, menntamála, vísinda- og tæknimála o.fl."

Evrópska efnahagssvæðið

Þorsteinn Briem, 26.7.2011 kl. 16:36

3 Smámynd: Eggert Sigurbergsson

Steini,

Við inngöngu munum við taka upp Evru enda er það skylirði að hálfu tilvonadi sambandsríkis.

Upptaka Evru MUN VALDA AUKNU ATVINNULEYSI ENDA ER ÞAÐ STÖÐUGLEIKINN!

Sveigjanleiki hagkerfisins sem eigin gjaldmiðill veldur þegar "gróðærið" reynist innistæðulaust kallar fram miklar hækkanir á innflutum vörum en mun vægari á innlendum vörum framleiddum innanlands með innlendu vinnuafli sem eykur samkeppnishæfni innlends vinnuafls og kemur í veg fyrir gríðarlegt atvinnuleysi. Ég man þá tíð að t.d husgagnabólstrun var stór iðngrein hér á landi og skapaði vinnu við að viðhalda og enndurvinna verðmæti.

Einu stjórntækið í Evrulandi eru beinar launalækkanir, sem leggjast ekki jafnt á alla, og aukið atvinnuleysi sérstaklega hjá ungu fólki. Þessi Evrulands stjórntæki hlífir alveg þeim sem lifa á fjármagni öfugt við það sem gerist á Íslandi þegar eigendur fjármagns þurfa að taka þátt í aðlöguninni sem er óhjákvæmleg eftir langvarandi gróðærissukk.

Evrulandsframtíðin ræðst af því hvort komið verði á sameiginlegu Fjármálaráðuneyti, til að byrja með, þar sem ákveðið verður í hvað og hve miklu verði varið til samfélagsmála sem mun valda hnignun og visnun útkjálkasvæða  og annarra jaðarsvæða sem eru annað hvort dýr í rekstri eða hafa ekki hátæknivætt hagkerfi til að standa undir uppbyggingunni á kjarnasvæðum meginlandsins.

Öll vandamál er varða vexti, verðtryggingu, viðskiptahalla eða stýrivaxtaákarðanir sem valda "carry trade" áhrifum eru heimatilbúin vandamál getulítilla stjórnmálamanna sem þó eru óþreitandi, sumir hverjir, til að koma með og predika patent lausnir sem síðan reynast innihaldslausar og byggjast fremur á pólitískum draumsýnum en nokkru öðru. Má þar nefna óhefta frjálshyggju, forræðishyggju ríkisins og smíði stórvelda þar sem lýðræði er fjarlægt hugtak. Ekkert af þessu mun koma fólkinu til góða heldur fámennum hópum "rétttrúaðra"

Eggert Sigurbergsson, 26.7.2011 kl. 19:23

4 Smámynd: Þorsteinn Briem

Eggert Sigurbergsson,

Með upptöku evru EYKST HÉR ATVINNA.

VEXTIR
munu LÆKKA og VERÐBÓLGA MINNKA.

Þar af leiðandi eiga íslensk fyrirtæki miklu auðveldara með að fjármagna framkvæmdir, gera langtímaáætlanir og greiða afborganir og vexti af lánum á réttum tíma en áður, bæði fyrir og eftir bankahrunið hér haustið 2008.

Og það á að sjálfsögðu einnig við um einstaklinga hér.

Erlend fyrirtæki munu fjárfesta hér mun meira en áður. Hér koma að öllum líkindum erlendar matvöruverslanir og erlendir bankar stofna hér útibú, líkt og í Eistlandi þegar eistneska krónan var bundin gengi evrunnar.

Og evran var tekin upp í Eistlandi nú um áramótin.

Evrópska efnahagssvæðið er
sameiginlegur vinnumarkaður.

Þúsundir útlendinga eru og hafa verið í láglauna- og hálaunavinnu hérlendis, til dæmis fiskvinnslu, byggingavinnu, ræstingum, afgreiðslustörfum og Netleikjum CCP.

Útlendingar, aðallega Pólverjar, halda fiskvinnslunni hér gangandi um allt land.


Og þúsundir Íslendinga eru í hálauna- og láglaunavinnu erlendis, til að mynda læknar, hjúkrunarfræðingar, byggingaverkamenn og ræstingafólk.

Nú eru stýrivextir Seðlabanka Íslands 4,25% en Seðlabanki Evrópu ákveður stýrivexti á öllu evrusvæðinu og þeir eru nú 1,5%.

Og bankastjóri Seðlabanka Íslands telur meiri líkur en minni á að bankinn HÆKKI stýrivexti á næstunni vegna aukinnar verðbólgu.

Árið 2010 voru fluttar hér út vörur fyrir 561 milljarð króna en inn fyrir 441 milljarð króna.

Mest viðskipti voru við Evrópska efnahagssvæðið, 82% af vöruútflutningi og 61% af vöruinnflutningi.


Frá áramótum
hefur gengi evru gagnvart íslensku krónunni HÆKKAÐ um 7,9% og gengi evrunnar hefur HÆKKAÐ GRÍÐARLEGA gagnvart íslensku krónunni undanfarin ár, 122% frá ársbyrjun 2006.

VERÐ á matvælum
og öðrum vörum frá Evrópulöndum hefur því HÆKKAÐ hér verulega.

EINNIG AÐFÖNGUM
frá öðrum Evrópulöndum, til dæmis alls kyns landbúnaðartækjum, tilbúnum áburði, kjarnfóðri og olíu.

Og að sjálfsögðu einnig á vörum og aðföngum frá öðrum löndum en á evrusvæðinu, þar sem búa 332 milljónir manna.

En frá því evruseðlar voru settir í umferð í ársbyrjun 2002 hefur gengi evru gagnvart Bandaríkjadal HÆKKAÐ um 61%. Og við kaupum til að mynda olíu í Bandaríkjadollurum.

Verð á íslenskum landbúnaðarafurðum hefur því HÆKKAÐ mikið í verslunum hér undanfarin ár, sem veldur HÆKKUN á vísitölu neysluverðs og þar af leiðandi HÆKKUN á verðtryggðum lánum, til dæmis bænda vegna íbúðarhúsnæðis og útihúsa.

En með aðild Íslands að Evrópusambandinu og upptöku evru FÉLLI VERÐTRYGGING HÉR NIÐUR.

Þorsteinn Briem, 26.7.2011 kl. 20:58

5 Smámynd: Þorsteinn Briem

ERLENDIR BANKAR Í EISTLANDI.

"
The biggest financial service providers are commercial banks. There were six commercial banks and eleven branches of foreign banks in Estonia at the end of 2008."

Þar af voru sænsku bankarnir Skandinaviska Enskilda Banken (SEB) og Swedbank með samtals 70% markaðshlutdeild.


Statistical Yearbook of Estonia 2009

Þorsteinn Briem, 26.7.2011 kl. 21:02

6 Smámynd: Þorsteinn Briem

Gjaldmiðlar Danmerkur, Litháens og Lettlands eru bundnir gengi evrunnar, sem er gjaldmiðill 332ja milljóna manna.

EISTLAND
tók upp evru nú um áramótin og þar JÓKST IÐNFRAMLEIÐSLA UM ÞRIÐJUNG Á EINU ÁRI, frá apríl í fyrra.

Eurostat - Industrial production:


"In April 2011 compared with April 2010, production of capital goods grew by 9.7% in the euro area and by 9.5% in the EU27.

Intermediate goods increased by 5.7% and 5.5% respectively.

Durable consumer goods rose by 5.2% in the euro area and by 2.8% in the EU27.

Non-durable consumer goods gained 3.1% and 3.4% respectively."

"Among the Member States for which data are available, industrial production rose in eighteen and fell in five.

The highest increases were registered in Estonia
(+31.8%), Latvia (+13.7%), Sweden (+10.5%) and Germany (+9.9%)."

Þorsteinn Briem, 26.7.2011 kl. 21:07

7 Smámynd: Jón Valur Jensson

Við, þjóðin, ætlum ekkert að bjóða þessu evrópska brauðfótastórveldi.

Það getur bara átt sig.

Ekki okkur!

Jón Valur Jensson, 27.7.2011 kl. 01:18

8 Smámynd: Lúðvík Júlíusson

Mjög góð og málefnaleg grein hjá Ingu Sigrúnu.

Sagt er hér að ofan í athugasemdum að: ""Fjórfrelsið svokallaða gildir á öllu svæðinu en það felur í sér frjáls vöru- og þjónustuviðskipti, frjálsa fjármagnsflutninga OG SAMEIGINLEGAN VINNUMARKAÐ."

Hið rétta er að fjórfrelsið ætti að gilda á öllu svæðinu en gerir það ekki.  Ísland hefur nýtt sér heimild til þess að skerða frjálsa för fólks og fjármagns.

Það er rangt að benda ekki á þetta vegna þess að þessi skerðing á fjórfrelsinu er ein helsta ástæða þess að þeir sem aðhyllast kosti fjórfrelsisins telja EES gagnlaust og vilja ganga í ESB.

Fjórfrelsið er betur skilgreint og útskýrt með þessum hætti:

Fjórfrelsið er hugtak sem vísar til frelsis til flutninga

1) fólks,2) varnings, 3) þjónustu og 4) fjármagns

innan Evrópska efnahagssvæðisins (EES), innri markaðar Evrópusambandsins (ESB) og Íslands, Liechtenstein og Noregs fyrir ríkisborgara Evrópu eða þessara ríkja.

Lúðvík Júlíusson, 27.7.2011 kl. 09:24

9 Smámynd: Lúðvík Júlíusson

Aðal kostur evrunnar umfram krónuna er að evran er stöðugri.

Það er ekki bara efnahagslegur ávinningur af evrunni fyrir okkur Íslendinga heldur líka samfélagslegur.

Lítill sveiflukenndur gjaldmiðill færir eignir og kaupmátt á milli fólks, byggðarlaga og fyrirtækja óháð raunverulegum árangri eða framlagi þeirra til samfélagsins.  Hún bæði verðlaunar og refsar af handahófi.

Fræðilega séð þá er sveiflukennd króna góð fyrir efnahagslífið en bak við þetta fræðilega stendur samfélag sem fer allt á annann endann.

Stuðningsmenn krónunnar verða að útskýra hvers vegna ferðaþjónustuaðili eða fiskverkandi úti á landi verði að sætta sig við 25% lægri tekjur, og jafnvel fara í þrot, vegna styrkingar krónunnar til að kæla fasteignabólu í 101 RVK.

Lúðvík Júlíusson, 27.7.2011 kl. 10:42

10 identicon

“Aðild ASÍ að Evrópusambandi stéttarfélaga hefur gefið sambandinu tækifæri til að standa þá vakt með miklum sóma,„ segir í greininni eftir Ingu.

ASÍ hefur staðið sig eins og bleyður á vaktinni fyrir Íslendinga. Gylfi Arnbjörnsson, taglhnýtingur Samfylkingarinnar og vel haldinn yfirstéttar Göltur, hefur staðið sig eins og hetja fyrir hvítflibbana á Íslandi en svikið verkalýðinn. Guð hjálpi ESB ef hann verður þar innsti koppur í búri.

Þetta er ekki blaðagrein sem kemur til með að hjálpa málstað ESB sinna.

dreki (IP-tala skráð) 27.7.2011 kl. 13:42

11 Smámynd: Þorsteinn Briem

"Samstarf á vettvangi Norðurlandanna var lengi vel þungamiðjan í alþjóðastarfi ASÍ."

Á undanförnum árum hefur hins vegar samstarf á Evrópuvettvangi vaxið mjög, einkum eftir að Ísland gerðist aðili að samningnum um Evrópska efnahagssvæðið (EES).

Auk samstarfs á vettvangi alþjóðlegrar verkalýðshreyfingar á ASÍ aðild að samstarfi aðila vinnumarkaðarins í EFTA-ríkjunum og Efnahags- og félagsmálanefndar Evrópusambandsins.

"Þá er ASÍ virkur þátttakandi í starfi Alþjóðavinnumálastofnunarinnar, ILO, sem fulltrúi íslensks launafólks."


Alþýðusamband Íslands (ASÍ)

Þorsteinn Briem, 27.7.2011 kl. 18:05

12 Smámynd: Jón Valur Jensson

Evran er alveg laus við að vera "stöðug", Lúðvík, ég hélt þú vissir það nú orðið.

Jón Valur Jensson, 27.7.2011 kl. 23:12

13 Smámynd: Lúðvík Júlíusson

Jón Valur, "stöðugri"

Lúðvík Júlíusson, 27.7.2011 kl. 23:21

14 Smámynd: Jón Valur Jensson

Það er nú tímaspursmál, hve stöðug hún verður - eða "stöðugri".

Er stöðugleiki annars dygð eða ágæti? Hreyfanleiki er góður, sveigjanleiki líka. Nú pínast Grikkir og Írar vegna ósveigjanleika ... evrunnar, miðað við þann sveigjanleika sem þeir þyrftu á að halda!

Jón Valur Jensson, 28.7.2011 kl. 02:20

15 Smámynd: Lúðvík Júlíusson

Jón Valur, skuldsett ríki pínast rétt eins og skuldsettar og skattpíndar fjölskyldur hér á landi í kjölfar gengishrunsins.

Fjölskyldur og fyrirtæki í Grikklandi og Írlandi geta haldið áfram að gera langtíma áætlanir og viðskipti á meðan íslenskar fjölskyldur og fyrirtæki hafa ekki hugmynd um hvað aðföng og afurðir þeirra munu kosta í næstu viku.  Ísland er ekki í öfundsverðri stöðu.

Finnst þér í lagi að vel rekin fyrirtæki séu sett á hausinn og fjölskyldur reknar úr húsnæði sínu vegna gengisflökkts og handstýringar til að redda hagstjórnarmistökum stjórnvalda?  Kallast það dyggð?

Lúðvík Júlíusson, 28.7.2011 kl. 09:48

16 Smámynd: Jón Valur Jensson

Þú talar um gengisflökt, sem þó hefur verið óverulegt (dollar verið um 115 kr., evran um 165 kr. og pundið nál. 188 kr. um mánaða skeið) og fullyrðir: "íslenskar fjölskyldur og fyrirtæki hafa ekki hugmynd um hvað aðföng og afurðir þeirra munu kosta í næstu viku," en þetta er augljóslega stórfelldar ýkjur. Hins vegar ruku stýrivextir í Grikklandi upp úr 10% nýlega þrátt fyrir að það er á evrusvæðinu, sem þínir líkar hafa haldið fram að myndi keyra niður alla vexti hér!

Jón Valur Jensson, 28.7.2011 kl. 12:13

17 Smámynd: Lúðvík Júlíusson

Jón, meðaltöl blekkja.  Hérna geturðu séð gengissig íslensku krónunnar.

Innlend fyrirtæki sem reiða sig á innflutt hráefni hafa þurft að borga sífellt meira fyrir þær.  Annað hvort greiða þau lægra kaup, hækka verð eða leggja niður starfsemina.  Miðað við verðbólguna þá er verðið hækkað og neytendum sendur reikningurinn.

Gengið hefur lækkað um ca 6% frá áramótum og um 0,6% síðasta mánuð.  Það þýðir að kaupmáttur hefur færst frá almenningi til útflutningsfyrirtækja.  Hvað hefur gerst sem réttlætir þennan tilflutning?  Ekkert, þessir aðilar hafa ekkert til þess unnið.

Grikkland er einmitt dæmi um að ríki sem eru aðilar að ESB missa ekki fullveldið, sjálfstæðið eða hagstjórnarvald.  Þau geta og mega klúðra sínum málum.  Hér hefðu vextir rokið upp úr öllu valdi ef stjórnvöld hefðu ekki bannað nær öll önnur sparnaðarform en innistæður og ríkisskuldabréf.  Nú er munurinn sá að Grikkir vita að þeir eru í vandræðum og eru að vinna við að leysa hann en Íslendingar halda margir að hér sé allt í himna lagi.

Lúðvík Júlíusson, 28.7.2011 kl. 12:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband