Leita í fréttum mbl.is

Gleymdi Styrmir Krónunni?

Styrmir GunnarssonStyrmir Gunnarsson, fyrrum ritstjóri Morgunblaðsins, hefur ekki sagt skilið við sitt gamla blað og skrifar þar reglulega pistla um samfélagsmál. Sá sem ritar þessi orð getur stundum tekið undir með Styrmi enda hefur Styrmir góða yfirsýn yfir landsmálin. Nú um stundir ber mest á Styrmi sem öðrum ritstjóra(?) Evrópuvaktarinnar.

Í pistli í sunnudagsMogganum sem ber yfirskriftina; Sálarkreppa hins lokaða klíkusamfélags segir Styrmir það vera skoðun sína að Íslandi og Íslendingnum hafi ekki tekist að sameinast eftir kreppuna sem skall á árið 2008. Hann miðar við Norðmenn eftir hina skelfilegu atburði sem áttu sér stað þar í landi í lok síðustu viku, en viðbrögð þeirra hafa vakið aðdáun; að berjast gegn hinu vonda með enn meira lýðræði, opnun samfélagsins og umræðu.

Styrmir liggur ekki á skoðunum sínum: "Þótt hrunið haustið 2008 sé einhver dramatískasti atburður sem orðið hefur í lífi íslenzku þjóðarinnar á lýðveldistímanum hefur það ekki orðið til þess að sameina þjóðina. Kannski vegna þess að á yfirborðinu snýst það að mestu um peninga og peningar sundra yfirleitt fólki en sameina ekki.

Þó er það svo, að hrunið á sér dýpri rætur. Það snýst ekki einvörðungu um peninga. Það snýst um samfélagsgerðina, samskipti og tengsl okkar í milli, hið lokaða samfélag fámennisins, fjölskyldu-, vina- og kunningjatengsl. Ef við tökumst ekki á við þær rætur vandans verður nýtt hrun."

En Styrmi tekst einnig að koma inn á vandamálin í Evrópu, en eins og kunnugt er, er hann í stjórn Nei-samtakanna: "...það er hins vegar aldrei of seint að hefja opnar umræður um grundvallarveikleikana í samfélagsgerð okkar. Þegar við horfum til Evrópu, úr þeirri fjarlægð, sem við búum við hér, sjáum við vel þá bresti sem eru í sameiginlegu gjaldmiðilskerfi evruríkjanna en við sjáum ekki jafn vel brestina í okkar eigin þjóðfélagsgerð."

En Styrmir: Hvað með krónuna? Hversvegna sneiðir Styrmir svo listilega framhjá þeirri staðreynd að gjaldmiðilshrunið (og eftirköst þess, sem enn í dag leiða til aukinnar verðbólgu hér á landi og skuldaaukningar heimila) er eitt af höfuðvandamálum efnahagslífsins? Nei, sennilega má ekki ræða það, eða það er hreinlega ekki vilji til þess!

Styrmir er einnig mikill talsmaður beins lýðræðis og telur að það geti leyst mikið af okkar vandamálum og segir einfaldlega: "Hið beina lýðræði er svarið."

Á sama tíma er Styrmir hluti af samtökum, sem vilja draga ESB-málið til baka og ekki veita þjóðinni þann rétt að kjósa um aðildarsamning í þjóðaratkvæðagreiðslu!

Hvað er lýðræðislegra en að vinna að góðum samningi, ræða hann á lýðræðislegan hátt og ganga svo til atkvæða?

Hvernig gengur þetta upp?

 

 


« Síðasta færsla | Næsta færsla »

Athugasemdir

1 Smámynd: Þorsteinn Briem

Frá árinu 1944 þar til í fyrra voru hér ENGAR þjóðaratkvæðagreiðslur, ekki einu sinni um aðild Íslands að Atlantshafsbandalaginu (NATO) eða Evrópska efnahagssvæðinu, en frá árinu 1908 til 1944 voru hér sex þjóðaratkvæðagreiðslur.

Þjóðaratkvæðagreiðslur á Íslandi


Á lýðveldistímanum liðu því 66 ÁR án þess að hér væri haldin þjóðaratkvæðagreiðsla og þar af var Sjálfstæðisflokkurinn VIÐ VÖLD Í 54 ÁR
, rúmlega 80% af þeim tíma sem liðinn er frá stofnun lýðveldis hér.

Ríkisstjórnatal


Núverandi forseti Íslands, sem aldrei hefur verið í Sjálfstæðisflokknum, synjaði að staðfesta frumvarp um fjölmiðla 2. júní 2004 og frumvarpið var dregið til baka.

Davíð Oddsson, þáverandi forsætisráðherra, 17. maí 2004 um að forseti Íslands synji að staðfesta frumvarp um fjölmiðla:


"Forseti [Íslands] blandar sér varla í löggjafarmál persónulega, þó að hann kunni að vera höfundi þessarar greinar ósammála um vald sitt skv. 26. gr. stjórnarskrárinnar."

Þorsteinn Briem, 30.7.2011 kl. 12:01

2 Smámynd: Eggert Sigurbergsson

Það er munur að vera í Evrópusambandinu, þar er fullveldi afsalað án þjóðaratkvæðagreiðslu nema á Írlandi en þeir feldu sáttmálan eins og þekkt er. En eins og sönnum lýðræðiselskandi stjórnvöldum er einum lagið þá var bara kosið aftur til að "kalla fram RÉTTA" niðurstöði með gengdarlausum áróðri og orðalagsbreytingum. Ef við álpumst inn í ESB þá er það það ekki á stefnuskrá sambandsins að lýðræðislegar ákvarðanir fái að ráða eins og ESB-istar heimta að gildi hér þegar þeir vilja sölsa Ísland undir "lýðræði" sambandsins.

"

All EU member states had to ratify the Treaty before it could enter into law. A national ratification was completed and registered when the instruments of ratification were lodged with the government of Italy. The month following the deposition of the last national ratification saw the Treaty enter into force across the EU.

Under the original timetable set by the German Presidency of the Council of the European Union in the first half of 2007, the Treaty was scheduled to be fully ratified by the end of 2008, thus entering into force on 1 January 2009. This plan failed however, primarily due to the initial rejection of the Treaty in 2008 by the Irish electorate in a referendum, a decision which was reversed in a second referendum in 2009. Ireland, as required by its constitution, was the only member state to hold referendums on the Treaty. The Czech instrument of ratification was the last to be deposited in Rome on 13 November 2009.[19] Therefore, the Treaty of Lisbon entered into force on 1 December 2009."

Þessi nýji Lisbon sáttmáli minkar atkæðavægi 9 minnstu landanna, sem öll eru stærri en Ísland, að meðaltali um 340%  og mest 900 til 1.200% hjá minnstu þjóðunum. Það er markvist verið að breyta fámennari þjóðum í beinar hjálendur stærri þjóða sambandsríkisins og mun þessi þróun halda áfram enda er bara á Írland þar sem þarf að óttast mótstöðu vegan lýðræðislegra kosningum um nýja sáttmála á færibandi.

Voting weights in both the
Council of Ministers and the European Council
member stateNiceLisbon
votes %pop. in
millions %
 Germany298.4%8216.5%
 France298.4%6412.9%
 United Kingdom298.4%6212.4%
 Italy298.4%6012.0%
 Spain277.8%469.0%
 Poland277.8%387.6%
 Romania144.1%214.3%
 Netherlands133.8%173.3%
 Greece123.5%112.2%
 Portugal123.5%112.1%
 Belgium123.5%112.1%
 Czech Republic123.5%102.1%
 Hungary123.5%102.0%
 Sweden102.9%9.21.9%
 Austria102.9%8.31.7%
 Bulgaria102.9%7.61.5%
 Denmark72.0%5.51.1%
 Slovakia72.0%5.41.1%
 Finland72.0%5.31.1%
 Ireland72.0%4.50.9%
 Lithuania72.0%3.30.7%
 Latvia41.2%2.20.5%
 Slovenia41.2%2.00.4%
 Estonia41.2%1.30.3%
 Cyprus41.2%0.870.2%
 Luxembourg41.2%0.490.1%
 Malta30.9%0.410.1%
total345100%498100%
required majority25574%32465%




Eggert Sigurbergsson, 30.7.2011 kl. 12:49

3 Smámynd: Þorsteinn Briem

Malta hefur að sjálfsögðu ekki mörg atkvæði í Evrópusambandinu, frekar en mörg önnur ríki sem fengið hafa aðild að sambandinu.

Samt sem áður eru öll þessi ríki enn í Evrópusambandinu, enda þótt þau geti sagt sig úr sambandinu.

Þorsteinn Briem, 30.7.2011 kl. 13:12

4 Smámynd: Þorsteinn Briem

Af 27 ríkjum Evrópusambandsins eru einungis sex sem geta talist stór, Þýskaland, Frakkland, Bretland, Ítalía, Spánn og Pólland.

Fjögur þeirra
eru með evru og Pólland tekur að öllum líkindum upp evru eftir nokkur ár, líkt og Lettland og Litháen, sem eru með gjaldmiðla bundna við gengi evrunnar, eins og Danmörk.

"The euro
is consequently used daily by some 330 million Europeans and over 175 million people worldwide use currencies which are pegged to the euro."

Þorsteinn Briem, 30.7.2011 kl. 13:20

5 Smámynd: Þorsteinn Briem

Finninn Timo Summa, sendiherra Evrópusambandsins á Íslandi:

"Margir Íslendingar hafa áhyggjur af því að áhrif Íslands innan Evrópusambandsins verði lítil þegar á hólminn er komið.

Summa telur ekki ástæðu til þess að óttast það.


"LÍTIL LÖND í Evrópusambandinu á borð við heimaland mitt, Finnland, geta haft MJÖG MIKIL ÁHRIF ef þau eru virk innan sambandsins og beita sér fyrir þeim málefnum sem skipta þau máli.

Auðvitað hafa lönd mismikið vægi þegar kemur til atkvæðagreiðslna en það er nær aldrei gripið til þeirra.

Yfirleitt er ferlið þannig að ákvörðunum er frekar slegið á frest, ef ekki næst samstaða um þær, en síður kosið um þær.

Ég hef stýrt yfir hundrað stórum fundum aðildarríkjanna og á þessum fundum hefur
ALDREI, ekki einu sinni, verið kosið um niðurstöðuna.

RÍKIN
setjast niður, RÖKRÆÐA OG KOMAST AÐ NIÐURSTÖÐU SEM ALLIR GETA SÆTT SIG VIÐ."

Sendiherra Evrópusambandsins á Íslandi - Skilningur á sérstöðu Íslands

Þorsteinn Briem, 30.7.2011 kl. 13:24

6 Smámynd: Gunnar Heiðarsson

Hvaða lýðræði felst í því að minnihluti þjóðarinnar skuli geta farið af stað með þjóðina í viðræður við ESB um aðild og á meðan verði meirihlutinn að bíða þar til samningur er orðinn til, hvenær sem það svo verður.

Ef meðlimum evrópusamtakana er svo umhugað um lýðræði hefðu þeir að sjálf sögðu barist fyrir því að kosið yrði um hvort fara ætti í viðræður við ESB!

Í því felst lýðræðið, ekki að kjósa eftir á, heldur fyrirfram.

Þau rök að verið sé að "kýkja í pokann" og að ekki hafi verið hægt að gera upp hug sinn fyrr en samningur liggi á borðinu, er eins vitlaus og hugsast getur. Það er vitað hvað við fáum, það er vitað hvað við verðum að láta, einungis er eftir að sjá á hversu löngum tíma þau skipti fara fram og hvort við högnumst hugsanlega eitthvað á þeim tíma.

Endanleg niðurstaða liggur ljós fyrir!

Gunnar Heiðarsson, 30.7.2011 kl. 13:25

7 Smámynd: Þorsteinn Briem

Eiríkur Bergmann Einarsson forstöðumaður Evrópufræðaseturs Háskólans á Bifröst:

"Til að mynda er Svíþjóð aðeins gert að innleiða hluta af heildar reglugerðaverki Evrópusambandsins.

Og ef við beitum svipuðum aðferðum og Davíð Oddsson gerði í sínu svari getum við fundið út að okkur Íslendingum er nú þegar gert að innleiða ríflega 80 prósent af öllum þeim lagareglum Evrópusambandsins sem Svíum er gert að innleiða."

Þorsteinn Briem, 30.7.2011 kl. 13:25

8 Smámynd: Þorsteinn Briem

"Stefán Már Stefánsson, prófessor í Evrópurétti við lagadeild Háskóla Íslands, segir það í raun engu skipta hver afstaða ríkisstjórnarinnar sé til Evrópusambandsins þegar komi að lögfestingu ESB-gerða.

Atli Gíslason, óháður þingmaður Vinstri grænna, hefur sagt að mögulega sé verið að innleiða fleiri ESB-reglugerðir en þörf sé á vegna EES-samningsins. Þannig sé smám saman verið að laga Ísland að regluverki Evrópusambandsins.

"Það fer bara eftir því hve margar gerðir eru á ferðinni og hverju er verið að breyta," segir Stefán Már.

Í fréttaskýringu um mál þetta í Morgunblaðinu í dag segist hann ekki vita til þess að Íslendingar hafi tekið upp fleiri gerðir en nauðsynlegt sé til að uppfylla EES-samninginn en hugsanlega sé stundum of rúm túlkun lögð til grundvallar því hvað falli innan samningsins."

Íslandi ber skylda til að innleiða ESB-gerðir

Þorsteinn Briem, 30.7.2011 kl. 13:27

9 Smámynd: Þorsteinn Briem

"Á Íslandi veitti Alþingi stjórnvöldum heimild til að staðfesta EES-samninginn með því að samþykkja lög um Evrópska efnahagssvæðið nr. 2/1993 12. janúar 1993."

Fyrsta ráðuneyti Davíðs Oddssonar 30. apríl 1991 - 23. apríl 1995

Þorsteinn Briem, 30.7.2011 kl. 13:28

10 Smámynd: Þorsteinn Briem

Davíð Oddsson þáverandi forsætisráðherra 6. febrúar 2004 - Aldarafmæli þingræðis á Íslandi:

"ÞINGRÆÐIÐ er ekki varið beinum ákvæðum í stjórnarskrá og hefur aldrei verið.

Á hinn bóginn er óumdeilt að sú hefur alltaf verið ætlan manna að hér ríkti þingræði, – eins og aðdragandinn að heimastjórninni og skipun fyrsta ráðherrans ber með sér, – og víst er að þeir stjórnarhættir hafa fyrir löngu öðlast venjuhelgaðan sess, sem í raun skapa þeim stjórnarskrárvarða stöðu.

En með því að inntak þessa stjórnlagahugtaks er hvergi skilgreint lögum, þeim mun meiri er ábyrgð þeirra sem að framkvæmd þess koma."

Davíð Oddsson, þáverandi forsætisráðherra, 17. maí 2004 um að forseti Íslands synji að staðfesta fjölmiðlalögin, sem hann svo gerði 2. júní 2004:


"Forseti [Íslands] blandar sér varla í löggjafarmál persónulega, þó að hann kunni að vera höfundi þessarar greinar ósammála um vald sitt skv. 26. gr. stjórnarskrárinnar.

Það sem gerðist 13. janúar 1993 [yfirlýsing Vigdísar Finnbogadóttur forseta Íslands um að hún myndi ekki ganga gegn þeirri ákvörðun sem LÝÐRÆÐISLEGA KJÖRIÐ Alþingi hefði LÖGLEGA tekið] sýnir ríka tilfinningu fyrir samspili æðstu handhafa ríkisvaldsins og þeirri virðingarskyldu sem á þeim hvílir innbyrðis."

Þorsteinn Briem, 30.7.2011 kl. 13:41

11 Smámynd: Gunnar Heiðarsson

Steini alltaf jafn duglegur, 8 af 10 athugasemdum koma frá honum!!

Gunnar Heiðarsson, 30.7.2011 kl. 15:58

12 Smámynd: The Critic

Eggert: Það hefur ekkert ríki afsalað sér fullveldi með inngöngu í ESB,þetta vita þeir sem það vilja vita, annaðhvort ertu viljandi með blekkingar eða veist hreinlega ekki betur. 

Gunnar: Steini er þó með heimildirnar og staðreindirnar á hreinu, það hafið þið nei sinnar ekki í ykkar skrifum sem samanstanda oftast af blekkingum og samsæriskenningum. 

The Critic, 30.7.2011 kl. 16:56

13 Smámynd: Snorri Hansson

37% þjóðarinnar ætlar að teyma meirihlutann í hrynjandi ESB.

Ástæða? Svar: Af því að Steini Briem er með staðreindirnar á hreinu!!

Snorri Hansson, 30.7.2011 kl. 18:06

14 Smámynd: Þorsteinn Briem

Örn Ægir Reynisson,

Sjálfstæðisflokkurinn og Framsóknarflokkurinn geta ENGAN VEGINN kennt útlendingum um það HVERNIG bankarnir hér voru einkavæddir, að lánshlutfall Íbúðalánasjóðs var hækkað í 90% árið 2004 og Kárahnjúkavirkjun reist þegar það var samkvæmt Samtökum atvinnulífsins:

"... staðreynd að á atvinnuleysisskrá er ekki að finna iðnlærða byggingamenn, menn með réttindi á stórvirkar vinnuvélar eða vana byggingaverkamenn."

ÖLL
þessi atriði ollu hér OFÞENSLU og á því bera Sjálfstæðisflokkurinn og Framsóknarflokkurinn ÁBYRGÐ.

Og þeir eiga að sjálfsögðu að gangast við þeirri ÁBYRGÐ, í stað þess að kenna sífellt ÖÐRUM um það sem aflaga fór í ÞEIRRA EIGIN stjórnartíð, ásamt aftaníossum sínum hér á Netinu.

Þorsteinn Briem, 30.7.2011 kl. 18:50

15 Smámynd: Þorsteinn Briem

Langtímaskuldir Landsvirkjunar, sem er í eigu íslenska ríkisins og þar með allra Íslendinga, voru í árslok 2008 um þrír milljarðar Bandaríkjadala, um 360 milljarðar króna, andvirði þriggja Kárahnjúkavirkjana.

Vaxtagjöld
Landsvirkjunar árið 2008 voru 178 milljónir Bandaríkjadala, um 20 milljarðar króna.

Og árið 2008 tapaði Landsvirkjun 345 milljónum Bandaríkjadala, um 40 milljörðum króna.

Þorsteinn Briem, 30.7.2011 kl. 19:44

16 Smámynd: Jón Ásgeir Bjarnason

http://www.landsvirkjun.is/fjarmal/lykiltolur/

Þó þú sért sanntrúaður Steini má kanski benda á að 2008 var eina tapár Landsvirkjunar síðustu 4 ár.  Það segir ýmislegt um málstað þinn.

Samanlagður hagnaður þennan tíma 380 milljónir USD.

Skuldir hafa minnkað árlega og eru 230 milljónum lægri í lok 2010 en 2006.

Landsvirkjun er langtímafjárfesting á nýtingu raunverulegra verðmæta úr auðlindum Íslands.  Eitthvað annað en skýjaborgar Samfylkingartrúða og ESB jáarana. Eða svo sýnist manni ansi oft skína í gegn.

Jón Ásgeir Bjarnason, 30.7.2011 kl. 20:21

17 Smámynd: Eggert Sigurbergsson

The Critic

Það vita allir að þjóð afhendir hluta af fullveldi sínu við að ganga í ESB. Algengasta form fullveldisafsals er að fullveldið fer í sameiginlegan "pott" aðildarríkja gegn ákveðnu vægi atkvæða. Okkar atkvæðavægi í Lisbon sáttmálanum verður >0.1% og skiptir þá engu hve miklu fullveldi við verðum að afsalað um ókomin ár.

Við afsölum okkur 100% fullveldi um ákvörðun veiða á milli 12 og 200mílnanna gegn >0,1% atkvæðavægi sem þýðir að landlukta þjóð eins og Tékkland hefur meira en 21 falt atkvæðamagn en við þegar kemur að ákvörðunum sem snerta fiskveiðar við Ísland. 

Eggert Sigurbergsson, 30.7.2011 kl. 22:04

18 Smámynd: Þorsteinn Briem

Jón Ásgeir Bjarnason,

Það væri nú harla einkennilegt ef skuldir Landsvirkjunar hefðu ekki minnkað eitthvað undanfarið.

En við Íslendingar eigum EKKI stóriðjuyrirtækin og nú þurfa þau að greiða hér MUN LÆGRI LAUN en áður í erlendri mynt vegna GENGISHRUNS íslensku krónunnar, sem varð vegna margra ára ÓSTJÓRNAR Sjálfstæðisflokksins og Framsóknarflokksins.

Íslenskir starfsmenn
stóriðjufyrirtækjanna geta því keypt MUN MINNA en áður fyrir þær íslensku krónur sem stóriðjufyrirtækin greiða þeim í laun.

VERÐMÆTI
starfa þeirra hefur hins vegar AUKIST og hefðu starfsmennirnir fengið greidd laun í evrum hefði KAUPMÁTTUR þeirra EKKI HRUNIÐ með gengishruni íslensku krónunnar.

Fengju þeir hins vegar gríðarlegar launahækkanir nú í íslenskum krónum vegna gengishrunsins myndu allir aðrir íslenskir launamenn krefjast sömu hækkana á sínum launum með tilheyrandi verðbólgu.

Og að sjálfsögðu MÆRIR þú EVRÓPSKA MARKAÐI.

Í fyrra var flutt hér út ál fyrir 216 milljarða króna, þar af 97,2% til Evrópska efnahagssvæðisins og kísiljárn fyrir 15,3 milljarða króna, þar af 81,5% til Evrópska efnahagssvæðisins.

5.4.2011:


"Heimsmarkaðsverð á áli er komið upp fyrir 2.600 dollara tonnið. Verðið hefur hækkað nokkuð stöðugt síðan í fyrrasumar þegar það fór niður fyrir 1.900 dollara.

Flutt var út ál frá Íslandi fyrir 222 milljarða á síðasta ári sem var 52 milljörðum meira en á árinu 2009.

Ef verð á áli heldur áfram að hækka má gera ráð fyrir að þessi útflutningur verði enn meiri á þessu ári.

Fyrir hrun
fór heimsmarkaðsverð á áli upp fyrir 3.000 dollara tonnið, en það lækkaði verulega þegar verð á hrávörum lækkaði haustið 2008.

Álfyrirtækin
hafa í upphafi þessa árs tilkynnt um að hagnaður þeirra verði meiri en reiknað var með í áætlunum."

Verð á áli hækkar enn

Þorsteinn Briem, 30.7.2011 kl. 22:18

19 Smámynd: Þorsteinn Briem

Árið 2010 voru fluttar hér út vörur fyrir 561 milljarð króna en inn fyrir 441 milljarð króna.

Mest viðskipti
voru við Evrópska efnahagssvæðið, 82% af vöruútflutningi og 61% af vöruinnflutningi.

Til Evrópusambandsins fóru um 78% vöruútflutnings og þaðan komu 52% vöruinnflutnings
.

Hlutdeild Evrópska efnahagssvæðisins í vöruútflutningi hefur aukist frá árinu 2006 en þá var hún 75%.

Árið 2010 voru fluttar hér út sjávarafurðir fyrir 220,5 milljarða króna.

Útflutningsverðmæti sjávarafurða jókst um 5,7% frá árinu 2009 á gengi hvors árs en útflutningsmagnið dróst saman um 5,5%.


Af heildarútflutningi sjávarafurða fóru 73% til Evrópska efnahagssvæðisins, 9,1% til Asíu og 5,3% til Norður-Ameríku.

Sjávarafurðir
voru 39,3% alls vöruútflutnings árið 2010, þriðja árið í röð með minni hlutdeild en iðnaðarvörur.

Útflutningur sjávarafurða árið 2010


Árið 2010 var afgangur á vöruskiptum við útlönd sem nam 120,2 milljörðum króna en 90,3 milljarða króna afgangur var á þeim árið 2009.

Verðmæti
vöruútflutnings jókst um 12% frá árinu 2009 til 2010 á gengi hvors árs og vöruinnflutnings um 7%.

Iðnaðarvörur
voru 55,4% alls vöruútflutnings í fyrra og verðmæti þeirra jókst um 27,7% á gengi hvors árs.

Árið 2010 voru fluttar út iðnaðarvörur fyrir 280 milljarða króna, þar af 90% til Evrópska efnahagssvæðisins.

Árið 2010 voru fluttar hér út landbúnaðarvörur fyrir níu milljarða króna, sem er 20,6% aukning á föstu gengi frá árinu 2009, og þar af fóru 60% til Evrópska efnahagssvæðisins.

Síðastliðið ár komu 66,7% af mat- og drykkjarvörum frá Evrópska efnahagssvæðinu og 88,3% af eldsneyti og smurolíum.

Vöruviðskipti við útlönd árið 2010

Þorsteinn Briem, 30.7.2011 kl. 22:38

20 identicon

Örn Ægi:  Lög frá Alþingi  banna gengistryggð lán.  Samt þurfti Hæstarétt til að banna gengistryggð lán.

Svo eru einhverjir vextir samþykktir af íslenskum stjórnvöldum.

Hvernig heldur þú að þetta mál hafi farið í ESB ríki?

Alþingi Íslendinga hefur látið ansi mörg mál fara í gegnum þingið án þess að ræða um þau.

Skiptir ekki máli hvort þau eru séríslenskt eða ekki.

Þurfti ekki að ræða á Alþingi lög um innistæðurtryggingar eða lög um hvort að selja megi kökur eða ekki?

Getur verið að ESB sé ekki vandamálið heldur Alþingið á Íslandi?

Stefán Júlíusson (IP-tala skráð) 30.7.2011 kl. 22:41

21 identicon

Örn:  Ég sé að þú ert sáttur við 5% verðbólgu í efnahagslægð.

Stefán Júlíusson (IP-tala skráð) 31.7.2011 kl. 00:59

22 Smámynd: Jón Frímann Jónsson

Eggert, Það er blekking að tala bara um atkvæðamagnið í Framkvæmdastjórn ESB eða Ráðherraráði ESB. Vegna þess að ákvarðanir eru teknar á þrem stöðum innan ESB.

Ráðherraráði ESB, Framkvæmdastjórn ESB og síðan á Evrópuþinginu. Samanlagt vald aðildarríkjana er því meira en það sem andstæðingar ESB hafa verið að halda fram á Íslandi undanfarin ár.

Það sem þeir halda fram er í reynd ekkert annað en blekking og hefur aldrei verið neitt annað.

Ennfremur þá afsala íslendingar sér engum rétti varðandi ákvarðanir um fiskveiðar í íslenskri lögsögu. Það eina sem breytist er skipulag á útgáfu kvóta, sem að hluta til færist til Ráðherraráðs ESB (þar sem það er samið um málið). Sú staðhæfing sem þú setur hérna fram um fiskveiðar er því röng.

Örn. Það er nú bara þannig að EES samningurinn er að renna sitt skeið á enda og mun gera það á næstu 10 árum að óbreyttu. Enda þjónar EES samningurinn hlutverki sínu illa í dag, enda saminn á þeim tíma þegar uppbygging og starfsemi ESB var önnur og heimurinn var annar.

Enda átti EES samningurinn aldrei að vera neitt annað en skammtímasamningur á milli ESB og EFTA ríkjanna.

Hagsmunum íslendinga er best borgið með því að ganga í ESB sem fyrst. Enda mun kreppan enda í heiminum eftir nokkur ár. Það er hætta á því að á Íslandi muni ríkja langvarandi kreppuástand með íslensku krónuna sem gjaldmiðil.

Þetta er hætta sem er raunverleg sé horft til sögu íslensks efnahags eftir svona heimskreppur í heiminum.

Jón Frímann Jónsson, 31.7.2011 kl. 04:03

23 Smámynd: Eggert Sigurbergsson

"Í fyrra var flutt hér út ál fyrir 216 milljarða króna, þar af 97,2% til Evrópska efnahagssvæðisins..."

100% af álinu sem flutt er til Evrópu er í dollurum og rúmlega helmingurinn fer í umskipun í Rotterdam enda ein helsta dreifistöð fyrir ál á heimsmarkað. ESB er með 6% toll á innflutningi á áli til eigin nota þrátt fyrir að vera sjálft ófært um að afla þess áls sem þeim er nauðsynlegt enda sést að Ísland, Noregur og Mósambík eru helstu byrgjar ESB á áli og hafa tollalausan innflutning EN FÁ SAMT GREITT Á TOLLVERÐINU :) ÁN ÞESS AÐ VERA Í ESB !

"the high energy cost industries of the EU
pays per year to its three largest duty free
supplying countries Norway, Iceland &
Mozambique (which are low energy cost
countries) more than 200 million Euros
bonus above world markets? FACE KNOWS
"

"Because of the tariff on raw aluminium, the EU market of ingots and billets is clearly a closed system and as a consequence Europe pays the highest prices in the world for the metal"


Eggert Sigurbergsson, 31.7.2011 kl. 04:24

24 Smámynd: Gunnar Heiðarsson

Critic, þú segir að Steini sé með heimildir og staðreyndi á hreinu! Heimildirnar hef ég ekki nennt að sannreina, enda mokar hann inn þvílíku magni af þeim að það væri full vinna. Varðandi staðreyndirnar er annað að segja, þær eru oftar en ekki hæpnar eða beinlínis rangar. Að ætla sér í andsvör við þennan mann er útilokað fyrir vinnandi fólk,ég er löngu hættur að lesa þær en einstaka sinnum tel ég þær.

Það er nefnilega svo merkilegt að heimildir og staðreyndir eru ekki það sama, það er hægt að vitna til allra bullukolla sem þekkjast, í löngu máli, en hafa samt rangt fyrir sér allann tímann!

Athugsemd mín við Steina var einungis sú að hann fyllir athugasemdadálk þessa bloggs aftur og aftur, svo vart verðir komið inn á hana. Þetta ættu aðstandendur síðunnar að athuga, ef þeir vilja láta fara fram eðlilegar umræður hér. Ef þessi síða er hins vegar áróðurssíða er þessi aðferð Steina góð og gild!

En ég spyr aftur, eins og í fyrstu athugsemd minni. Hvar er lýðræðið þegar fámennur hópur færa að fara með þjóðina í aðildarviðræður við ESB og hinn stóri meirihluti fær ekkert um það að segja fyrr en samningur liggur fyrir?

Þessari spurningu hefur ekki verið svarað, þó bloggið fjalli einmitt um lýðræði og þar sé því haldið fram að það sé ekki lýðræðislegt að stöðva aðildarumsóknina! Þar segir meðal annars: "Hvað er lýðræðislegra en að vinna að góðum samningi, ræða hann á lýðræðislegan hátt og ganga svo til atkvæða?" Þetta ætti vissulega við ef meirihluti væri fyrir þessum samningsviðræðum.

En það væri eins hægt að snúa spurningunni við: Hvað er lýðræðislegra en að kjósa um það hvort farið skuli í samningsviðræður?

Gunnar Heiðarsson, 31.7.2011 kl. 09:03

25 Smámynd: Þorsteinn Briem

Eggert Sigurbergsson,

Þú heldur náttúrlega að ekkert hvalkjöt hafi verið flutt héðan til Japans, heldur graðgi Hollendingar í sig allan hvalinn í höfninni í Rotterdam, samkvæmt Hagstofu Íslands.

Grænfriðungar í Rotterdam hlekkja sig við skip með hvalkjöt frá Íslandi


Og ENGIR bílar séu samkvæmt Hagstofu Íslands fluttir frá Japan til Íslands, nema þeir séu fluttir ÁN VIÐKOMU í Rotterdam, stærstu höfn Evrópu.

"Nánast allt álið (97%) er flutt til Rotterdam, þaðan sem það er flutt til viðskiptavina okkar í Þýskalandi og Sviss."

"Álið sem framleitt er í Straumsvík er meðal annars notað í framleiðslu Audi bifreiða."

Alcan á Íslandi hf.


Þýskaland og Sviss
eru að sjálfsögðu Í EVRÓPU og báðum ríkjunum VEGNAR VEL, enda eiga Svisslendingar MEST viðskipti við ríki í Evrópusambandinu.

Við Íslendingar seljum hins vegar EKKI ál og kísiljárn, heldur raforku til stóriðju.

Landsvirkjun hefur tekið LÁN ERLENDIS fyrir sínum framkvæmdum, þannig að ERLENDIR lánardrottnar hafa fengið VAXTAGJÖLD fyrirtækisins, sem voru 178 milljónir Bandaríkjadala, um 20 milljarðar króna, árið 2008.

Í árslok 2008 voru langtímaskuldir Landsvirkjunar um þrír milljarðar Bandaríkjadala, um 360 milljarðar króna, andvirði þriggja Kárahnjúkavirkjana.

23.3.2011:


"Landsvirkjun og Evrópski fjárfestingarbankinn (EIB) skrifuðu í dag, 23. mars, undir nýjan lánasamning að fjárhæð 70 milljónir evra, að jafnvirði 11,3 milljarðar króna.

Lokagjalddagi lánsins er á árinu 2031 og ber lánið millibankavexti, auk hagstæðs álags.

Í lánasamningnum er ákvæði um lágmarks lánshæfiseinkunn ríkissjóðs.

Lánið er mikilvægur áfangi í fjármögnun Búðarhálsvirkjunar en Landsvirkjun undirritaði sambærilegt lán frá Norræna fjárfestingarbankanum þann 16. mars síðastliðinn að fjárhæð 70 milljónir Bandaríkjadollara [um átta milljarðar króna]."

Þorsteinn Briem, 31.7.2011 kl. 12:42

26 Smámynd: Snorri Hansson

Já Steini Briem og hvað með það?

Snorri Hansson, 31.7.2011 kl. 14:37

27 Smámynd: Anna Sigríður Guðmundsdóttir

Steini Briem! Ég veit ekki hvað mér finnst um Styrmi gamla, og þekki hann ekki persónulega, en málið snýst ekki um persónuna Styrmi Gunnarsson, heldur málefnin.

Málið snýst ekki um ESB, heldur hræðsluáróður heimsmafíunnar, sem lofar okkur gulli og grænum skógum, ef við göngum í ESB. Styrmir Gunnarsson ræður engu um hvernig ESB-mafían vinnur, og það er skylda okkar allra að velta fyrir okkur málefninu, en ekki mönnunum!

ESB er bara lítill hluti af heimsmafíunni, og bjargar engu á Íslandi.

Við verðum að stjórna okkar málum sjálf.

Bendi á síðuna hans Jóhannesar Björns: vald.org.

M.b.kv.

Anna Sigríður Guðmundsdóttir, 31.7.2011 kl. 14:58

28 Smámynd: Þorsteinn Briem

Anna Sigríður Guðmundsdóttir,

Ég skrifa ekki þessar færslur Evrópusamtakanna og hef hér ekki minnst einu orði á Styrmi Gunnarsson.

Hins vegar átti Styrmir Gunnarsson stóran þátt í að móta hér þjóðfélagið SÍÐASTLIÐNA ÁRATUGI með ritstjórn stærsta dagblaðs landsins, Morgunblaðsins, í 36 ár.

Á skrifstofu Styrmis komu flestir sem mikil áhrif höfðu í þjóðfélaginu, menn í viðskiptalífinu og öllum stjórnmálaflokkum.

"Styrmir Gunnarsson var ritstjóri Morgunblaðsins og var talinn mjög áhrifamikill í krafti þeirrar stöðu. Hann hefur að eigin sögn alla tíð verið dyggur stuðningsmaður Sjálfstæðisflokksins."

"Á skólaárum sínum kynntist Styrmir mörgum mikilsmetandi mönnum sem áttu eftir að verða áberandi í þjóðlífinu seinna meir. Þeirra á meðal voru Ragnar Arnalds, Halldór Blöndal, Jón Baldvin Hannibalsson og Sveinn Eyjólfsson.

Styrmir lauk laganámi við Háskóla Íslands og hóf svo störf við Morgunblaðið 2. júní 1965 og varð ritstjóri blaðsins árið 1972."

"Styrmir lét af ritstjórastarfi 2. júní 2008.

Þá hafði hann unnið hjá Morgunblaðinu í 43 ár, þar af 36 sem ritstjóri.
"

Styrmir Gunnarsson

Þorsteinn Briem, 31.7.2011 kl. 15:53

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband