Um 50% vilja halda aðildarviðræðum áfram við ESB

Helmingur íslensku þjóðarinnar vill halda aðildarviðræðum áfram við ESB, samkvæmt nýrri könnun sem Félagsvísindastofnun hefur gert og sagt var frá í kvöldfréttum RÚV.

Mest fylgi við aðildarviðræður er meðal flokksmanna Samfylkingar (90%) og VG (55%).  Um 30% sjálfstæðismanna vilja halda áfram, en hjá Framsókn er þessi tala um 25%.

Athugasemdir

[Örn Ægir Reynisson, 29.1.2012 kl. 21:49]

Ekkert að marka þessar skoðanakannanir samkvæmt ýmsum skoðanakönnunum vildi þjóðin borga icesave annað kom nú í ljós. En hvað segja kratar um fiskveiðimálin t.d. Makrílinn /Paste

Árangurslausar makríl­viðræður - for­stjóri HBGranda telur að Íslendingum yrði sem ESB-þjóð aðeins leyft að veiða fyrir 5 milljarða í stað 25 milljarða 2011

29. janúar 2012 klukkan 17:02

Eggert Benedikt Guðmundsson

Árangurslausum viðræðum til lausnar makríl-deilunni milli Íslands, Færeyja, Noregs og ESB lauk föstudaginn 27. janúar í Bergen. Eftir fundinn sagði Friðrik J. Arngrímsson, framkvæmdastjóri LÍÚ, þörf á grundvallarbreytingu á afstöðu viðsemjenda Íslendinga. „Það er afar langt á milli aðila og afstaða ESB og Norðmanna þarf að breytast mjög til að einhverjar líkur séu á að ná samkomulagi,“ sagði hann í samtali við Morgunblaðið 28. janúar.

Eggert Benedikt Guðmundsson, forstjóri HBGranda, sagði í viðtali á sjónvarpsstöðinni ÍNN sem fyrst var sent út miðvikudaginn 25. janúar að reikna mætti með því að Íslendingum hefði verið leyft að veiða makríl fyrir um 5 milljarði króna á árinu 2011 væru þeir í ESB, það er um fimmtung af því aflaverðmæti makríls sem þeir nutu á árinu en það var um 25 milljarðar evru í heild – álíka mikið og talið er að verðmæti loðnuveiða verði á árinu 2012. Eggert Benedikt taldi miklu skipta að ná samkomulagi um heildarafla makríls en kröfur ESB og Noregs á hendur Íslendingum væru með öllu óviðunandi.

Steingrímur J. Sigfússon, sjávarútvegs- og landbúnaðarráðherra, sat fundi í Brussel miðvikudaginn 25. janúar og ræddi við fulltrúa framkvæmdastjórnarinnar þar á meðal í klukkustund við Mariu Damanaki, sjávarútvegsstjóra ESB. Eftir fundinn sagði Steingrímur J. við Morgunblaðið að þau hefðu rætt makríl-deiluna og hann haldið fram því sjónarmiði að ekki mætti tengja hana aðildarviðræðum ESB og Íslands.

Í viðtali við Morgunblaðið 7. janúar 2012 sagði Jón Bjarnason að hann hefði talið varlegra að ákveða einhliða makrílkvóta fyrir árið 2012 áður en hann var settur af sem sjávarútvegs- og landbúnaðarráðherra. Í samtalinu sagði Jón orðrétt:

„Hótanir hafa komið beint frá æðstu yfirmönnum Evrópusambandsins um að þetta tvennt væri

tengt [aðildarviðræðurnar og makríldeilan]. Ég gerði grein fyrir stöðu málsins í ríkisstjórn í byrjun desember að loknum árangurslausum fundi strandríkjanna á Írlandi. Um leið tilkynnti ég að við myndum taka okkur sömu hlutdeild 2012 og við höfum haft tvö undanfarin ár. Sumir ráðherrar voru mjög taugaóstyrkir yfir því að ákvörðun mín um makrílveiðarnar myndi hafa áhrif á ESB-viðræðurnar. Ég lagði mikla áherslu á að við stæðum á okkar rétti. Í beinu framhaldi af því að hafa gert ríkisstjórninni grein fyrir málinu gaf ég út makrílkvóta Íslendinga 2012. Það þarf að fara að undirbúa veiðarnar og ástæðulaust að láta þetta vera eitthvert vafamál.“

Í október 2010 rituðu þrír framkvæmdastjórar ESB: Štefan Füle stækkunarstjóri, Maria Damanaki sjávarútvegsstjóri og Karel De Gucht viðskiptastjóri bréf til ríkisstjórnar Íslands þar sem þeir tengdu makríldeiluna, aðildarviðræðurnar og viðskiptahagsmuni Íslands gagnvart ESB. Jón Bjarnason, þáverandi ráðherra, og Össur Skarphéðinsson utanríkisráðherra mótmæltu þessari tengingu. Hún hefur ekki horfið enda ekki á valdi framkvæmdastjórnarinnar að rjúfa hana því að ráðherraráð ESB fer með yfirstjórn aðildarviðræðnanna og hvert ESB-ríki hefur neitunarvald um framgang þeirra. Bretar og Írar hafa lýst mikilli óánægju vegna makrílveiða Íslendinga ásamt Skotum sem ekki eiga aðild að ESB enda (enn) hluti Bretlands eða Sameinaða konungdæminu (UK).

Richard Lochhead, sjávarútvegsráðherra Skota, sagði með öllu óviðunandi að ekki næðist samkomulag um makríl, framtíð stofnsins væri í hættu tækist ekki að halda heildarafla innan viðunandi marka.

Tómas H. Heiðar, aðalsamningamaður Íslands í viðræðunum, sagði við Morgunblaðið að fundurinn í Bergen hefði verið gagnlegur og yrði viðræðunum haldið áfram í Reykjavík 14.-17. febrúar.

[Sleggjan og Hvellurinn, 30.1.2012 kl. 00:51]

Þegar vilji þjóðarinnar kemur í ljós með góðri hlutlausari könnun þá er ekkert að marka hana

[Sleggjan og Hvellurinn, 30.1.2012 kl. 00:52]

Ég vona bara þegar þessi niðurstaða lyggur fyrir að við öll viðrum vilja þjóðarannar og sameinumst öll um að fá sem besta samning í hús svo við þjóðin getur tekið lokaákvörðun.

Ég held að bæða NEI og Já sinnar geta verið sammála þessu.