Sjávarútvegsráðherrar funda í Reykjavík

Á vef MBL.is segir: ""Að mati Sigurgeirs Þorgeirssonar, skrifstofustjóra sjávarútvegsráðuneytisins, er ólíklegt að ESB beiti fyrirhuguðum refsiheimildum á Íslendinga í makríldeilunni. Skýr ákvæði EES-samningsins komi í veg fyrir að hægt sé að beita heimildunum gegn Íslendingum.

Evrópuþingið og forsætisnefnd Evrópusambandsins náðu í gær samkomulagi um að beita þær þjóðir sem stunda ofveiði á sameiginlegum fiskistofnum refsiaðgerðum, meðal annars í formi löndunarbanns á allar fiskafurðir. ,,Ég tel ólíklegt að ESB muni beita harðari refsingum en alþjóðlegar skuldbindingar þeirra segja til um,“ segir Sigurgeir.

Sjávarútvegsráðherrar ríkja við Norður-Atlantshaf halda árlegan fund sinn í Reykjavík 3.-4. júlí. Gert er ráð fyrir því að Maria Damanaki, sjávarútvegsstjóri Evrópusambandsins, sæki fundinn, að sögn Sigurgeirs. Aðild að þessum samráðsfundum eiga Kanada, Grænland, Ísland, Færeyjar, Noregur, Rússland og Evrópusambandið." 

Sjá: http://mbl.is/frettir/innlent/2012/06/28/ottast_ekki_refsiheimildir/ 

Athugasemdir

[Örn Ægir Reynisson, 28.6.2012 kl. 14:34]

Það er sama hvað þið ruglið hér hjá Evrópusamtökunum alltaf skjóta nyjar og nýjar sannanir upp kollinum Steingrímur J Sigfússon hefur ráðið ESB Dana til að meta Íslenska hagmuni í landbúnaðarmálum þvert ofan í allar yfirlýsingar og ruglukollurinn Össur er tilbúin að opna okkar heilögu landhelgi fyrir erlendum fiskiskipum.Núverandi ríkisstjórn er óhæf ríkisstjórn hreinræktuð leppstjórn hins brennandi Evrópusambands og trojuhestur erlendra afla ásamt mörgum öðrum sem eru á múturspenanum  frá Brussel.

 Enn og aftur niður með Evrópusambandið og til fjandans með Evruna

[Þorsteinn Briem, 28.6.2012 kl. 15:04]

Örn Ægir Reynisson,

Þú minnir mig á bónda einn á Norðurlandi sem hélt því fram að allir Reykvíkingar væru hinir verstu menn.

Hann hafði einu sinni komið til Reykjavíkur, fjörutíu árum áður en hann lét þessi ummæli falla.

Var þar í einn dag.