Sagan segir sína sögu!

Fróðlegt er að líta á stöðu þeirra ríkja, sem er mest talað um innan ESB um þessar mundir vegna þess sem sumir kalla veikleika Evrunnar. Sagan getur sagt okkur margt:

Grikkland:  Gekk í ESB árið 1981, átta árum eftir að herforingjastjórn landsins lætur af völdum. Lýðræði er komið á að nýju. Borgarastrið geisaði á Grikklandi frá 1946-1949, en í því létust um 20.000 manns. Það er því í raun mjög stuttur tími liðinn frá því lýðræðið sigraði á Grikklandi.

Spánn og Portúgal: Gengu í ESB árið 1986. Bæði ríkin höfðu haft einsræðisstjórnir, Spánn alveg frá 1939-1975, eða 36 ár, eða þar til Juan Carlos tók við og færði landið til lýðræðis. Í Portúgal á líka langa sögu alræðis, eða frá 1932-1974, eða þar til lýðræðisöflin  náðu yfirhöndinni.

Ítalía: Á sennilega skrautlegasta "stjórnmálaferil" þessara landa, en eftir fall fasistaleiðtogans Mussolinis og stjórnar hans í lok seinni heimsstyrjaldar, hafa hátt í 40 ríkisstjórnir verið við völd í landinu. Ítalía er eitt þeirra ríkja sem stofnaði það sem nú er ESB.

Írland: Var eitt af fátækustu ríkjum Evrópu árið 1973, þegar landið gekk í Evrópubandalagið, forvera Evrópusambandsins.  Við inngöngu var Írland vanþróað landbúnaðarsvæði, en var árið 2008 í 31.sæti hvað varðar þjóðarframleiðslu (samkvæmt lista Alþjóðabankans.) Ísland var í 99. sæti, Spánn í því 10., Grikkland í 27. sæti, Portúgal í 35.sæti og Ítalía í því sjöunda.

Af þessu má því ráða að öll ríkin hafa annaðhvort verið að brjótast undan: a) alræði eða b)fátækt, nema hvort tveggja sé!

Athugasemdir

[Gunnar Heiðarsson, 23.2.2010 kl. 20:02]

Grikkland: Ekki er að sjá að evran hafi hjálpað þar. Líklegast að borgarastyrjöld sé í uppsiglingu þar í boði ESB.

Spánn og Porúgal: Sögulegt atvinnuleysi, var raunar orðið það fyrir kreppu. Ekki er að sjá að evra hafi hjálpað til þar. ESB er þegar búið að gefa út yfirlýsingu um að þessar þjóðir komi ekki til með að fá sömu fyrirgreiðslu og Grikkir.

Ítalía: Skrautlegur stjórnmálaferil, það nokkuð til í því. Ekki hefur það breyst nokkurn skapaðan hlut eftir stofnum stálbandalagsins, nú ESB.

Írland: Írar fengu ýmsar fyrirgreiðslur og styrki frá ESB, það var gott fyrir þá. Síðan hefur þróunin hjá þeim ver afturábak.

Það er merkilegt að ekki skuli vera minnst á Finnland.