Skuggalegar verðhækkanir!

Hagstofa Íslands hefur birt skuggalegar tölur um hækkun matvæla. Í frétt á RÚVsegir að matvæli hér á landi hafi hækkað um 36% undanfarin tvö ár. Þá segir í frétt MBL í dag að verð á innfluttum matvælum hafi hækkað um tæp 63%! Jú, talan er rétt, 63%. Þetta er byggt á tölum frá Hagstofu Íslands.

Að sjálfsögðu er það hrun íslensku krónunnar, sem er orsök þessara hækkana, þetta er kostnaður okkar Íslendinga að lifa ekki við efnahagslegan stöðugleika og hafa minnsta sjálfstæða gjaldmiðil í heimi. Og þetta er ekkert nýtt. Svona hefur þetta verið og segja má að við séum orðin vön þessu. En þetta þarf ekki að vera svona.

Sérfræðingar sem fjallað hafa um gjaldmiðilsmál og þá sérstaklega upptöku EVRU, hafa bent á að við aðild að ESB og síðar upptöku Evru sem gjaldmiðils, geti matvælaverð lækkað um allt að 20-25%

(Myndin sýnir þessar hækkanir)

Heimildir:

http://www.ruv.is/frett/matarverd-hefur-haekkad-um-36

MBL

Hagtölur Apríl 2010

Athugasemdir

[Stefán Júlíusson (IP-tala skráð) 15.4.2010 kl. 02:34]

Það er kanski ekki alveg rétt að matvöruverð muni lækka og ekki geri ég ráð fyrir því, en það væri mikil framför ef matvöruverð myndi standa í stað.  Ég geri ráð fyrir því þegar stöðugleiki er kominn á eftir inngöngu í ESB.

Allavega er verð stöðugt heima hjá mér í Berlín.  Það er nærri því hægt að spyrja mig hvað hvaða vara kostar því verðið breytist svo sjaldan.

ESB er rétta leiðin að stöðugleika á Íslandi.