Aukið aðhald á fjármálamörkuðum

Í kjölfar fjármálakreppunnar hafa beggja megin Atlantshafsins komið fram reglur eða tillögur um aukið aðhald og reglur á fjármálamörkuðum. ESB setti nýlega fram tillögur um reglur varðandi áhættu og vogunarsjóði.

Í fréttum í dag kom svo fram að fulltrúadeild Bandaríkjaþings hefur samþykkt hertar reglur um fjármálamarkaði. Það fer nefnilega lítið fyrir því í umræðunni, en það er staðreynd að í bandarísku samfélagi eru stífar reglur á ýmsum sviðum.

Það er því ljóst að breytingar eru í farvatninu hvað varðar fjármálamarkaði.

Athugasemdir

[Gunnlaugur I., 21.5.2010 kl. 09:41]

Vandamál EVRUNAR eru margvísleg og flókinn.

Einn stærsti vandinn er allur vandræðagangurinn og hvað illa gengur að samræma einhverjar markvissar aðgerðir. Þarna er hver höndin upp á móti annarri og algengasta afgreiðslan hefur verið að fresta ákvarðantökum og velta vandanum sífellt á undan sér.

Þetta er ákaflega þungglammalegt og seinvirkt apparat og allar aðgerðir loksins þegar þær koma virðast vera mjög hikandi og ómarkvissar.

Þetta skynjar markaðurinn og þannig virðist markaðurinn alls ekki treysta því að verið sé að taka á hlutunum af neinu viti eða alvöru og eða að yfirleitt sé hægt að treysta því sem sagt er samanber allskonar misvísandi yfirlýsingar sem berast.  

Evran virðist geta gengið sæmilega á sléttum sjó, en þolir mjög illa bárur eða mótvind !  

[Þorsteinn Briem, 21.5.2010 kl. 13:58]

Forn er Gunnlaugur fyrsti,
fýldur hér hann sig byrsti,
í þrasið ætíð hann þyrsti,
þrár er einbúinn nyrsti.

[Jón Frímann Jónsson, 21.5.2010 kl. 17:27]

Gunnlaugur I. Þetta er ekkert nema bull í þér. Það er alveg ljóst að stjórnvöld beggja vegna atlantshafsins sjá núna þörf á því að setja hertari reglur um fjármarkaði. Gildir þá einu hvort að það er í Bandaríkjunum, Kanada eða í ESB ríkjunum.

Mér þykir merkilegt að þú skulir halda því fram að evran hafi ekki getað staðið af sér þessa kreppu. Vegna þess að evran er að standa af sér þessa kreppu eins og ESB einnig. Þessi fullyrðing þín um evruna gæti alveg átt við um Bandaríska dollaran, en engu að síður heldur þú þessu ekki fram um USD.