Össur S. á Eyjunni: Margfalt flutt af kjöti til Evrópu en...

27.10.2010 | 19:15

Össur S. á Eyjunni: Margfalt flutt af kjöti til Evrópu en Bandaríkjanna. Áttfalt meira verðmæti

Á Eyjunni segir: ,,Evrópumarkaðurinn er orðinn miklu mikilvægari fyrir íslenska sauðfjárbændur en Bandaríkjamarkaðurinn, að sögn Össurar Skarphéðinssonar, utanríkisráðherra. Þar liggi líka sóknarfærin í framtíðinni, einsog koma sé fram um þessar mundir. Hann segir verulegt flug á íslensku lambakjöti á mörkuðum í löndum Evrópusambandsins, og verð á uppleið, ekki síst í Bretlandi.

“Tölurnar tala sínu máli,” segir Össur í samtali við Eyjuna. “Árið 2009 voru flutt út 1.460 tonn af lambakjöti til aðildarríkja Evrópusambandsins en ekki nema 57 tonn til Bandaríkjanna. Í verðmætum er munurinn áttfaldur. Það munar um minna.” Hann segir að munurinn sé mikill, ekki síst í ljósi þess að tollur á Bandaríkin sé minna en króna á kílóið og þar að auki hafi hundruðum milljóna verið varið þar í öflugt markaðsátak undanfarin ár.

“Fyrstu átta mánuði þessa árs voru svo flutt út 748 tonn af lambakjöti til Evrópusambandsins á sama tíma og ekki fóru nema 5,7 tonn á Bandaríkjamarkað.” Að hans mati sýna þessar tölur að mestu sóknarfærin virðist liggja innan Evrópusambandsins. Raunar sýni þróun síðustu mánuða ekki bara verðhækkun á mikilvægum mörkuðum innan sambandsins, t.d. Bretlandi, heldur sé nú einnig flutt út ferskt lambakjöt til veitingahúsa á mjög góðu verði. Menn eigi að einhenda sér á að þróa þann markað, slást fyrir hækkuðu verði og hann kveðst reiðubúinn til að berjast fyrir auknum kvóta. Árlegur kvóti af lambakjöti inn á Evrópu er nú 1.850 tonn og útlit fyrir að hann verði fylltur í ár.

Þá segir hann aðild að ESB engu breyta varðandi útflutning á kjöti til Bandaríkjanna."

Öll frétt Eyjunnar

Evrópusamtökin, www.evropa.is

Flokkur: Evrópumál | Facebook

Athugasemdir

Össur veit allt um ket, því karl faðir hans mixaði ket á Laugaveginum.

Þorsteinn Briem, 27.10.2010 kl. 20:19

Fór ekki stór partur af þessu lambaketi til Færeyinga? Ekki eru þeir í ESB.

Annars er Össuri alls ekki treystandi í skrifum sínum síðustu dagana, get nefnt dæmin um það, og reyndar ekki í fyrsta sinn sem hann fer rangt með.

Jón Valur Jensson, 27.10.2010 kl. 22:14

Össur þegir yfir því að þessi aukni útflutningur til ESB ríkja stafar af því Ísland er með sjálfstæðan gjaldmiðil, ekki með evru.Krónan féll og þess vegna var skyndilega hagkvæmt að flytja út til ESB ríkja.Össur segir ekki hver útflutningurinn var til ESB fyrir fall krónunnar. Hann þegir yfir því.Af hverju verður hann sjálfur að svara.Nei við ESB.

Sigurgeir Jónsson, 27.10.2010 kl. 22:23

En það er vel að Össur er loks að sjá að íslenskur landbúnaður á mikla framtíð fyrir sér.En sú framtíð er utan ESB, eins og nú hefur sannast.Nei við ESB

Sigurgeir Jónsson, 27.10.2010 kl. 22:26

Jón Valur Jensson,

Hefur þú einhvern tíma farið með rétt mál??!!

Og þú ert afskaplega iðinn við að vitna í sjálfan þig.

Þorsteinn Briem, 27.10.2010 kl. 22:26

Æ, Steina er stirt um rökin,

stórorður samt að vanda.

Evrópusambands er sökin,

það sækir í allrahanda

lönd  og á lúnu bökin

leggst það (æ, hvílík sneypa),

og íslenzku fiskiflökin

fegið mundi það gleypa!

Jón Valur Jensson, 27.10.2010 kl. 23:30

Í Evrópuna stífa steypum,
stafkarlana hér í reipum,
ljótan á þeim túlinn teipum,
tilberunum á þá hleypum.

Þorsteinn Briem, 27.10.2010 kl. 23:50

Ekki vantar þig fyrirlitninguna á Íslandi, það sýnir sig aftur og aftur.

Jón Valur Jensson, 27.10.2010 kl. 23:59

Þorsteinn Briem, 28.10.2010 kl. 00:04

Ég sé að heimilda og röklausa liðið er mætt á svæðið eins og venjulega.

Jón Frímann Jónsson, 28.10.2010 kl. 00:23

Já, Steini hefur ekkert nema grettur til að svara þeirri ábendingu minni, að ítrekað gerir hann lítið úr Íslendingum, hæðir okkur fyrir kotbúskap o.s.frv., og nú er hann farinn að farinn að kalla okkur "stafkarla" og vill "teipa" á okkur túlann. En ég hef nóg af heimildum á vefsíðum Evrópusamtakanna um ljótt orðfæri hans um Íslendinga.

Þar að auki eru sannarlega heimildir fyrir því, sem ég hef skrifað um ESB. Á vefsíðu Haraldar Hanssonar, sem ég vísa m.a. í, er t.d. vísað í ESB-heimildir fyrir snarminnkandi vægi smærri og meðalstóru ríkjanna í ESB.

Jón Valur Jensson, 28.10.2010 kl. 01:20