Leita í fréttum mbl.is

ESB-umræða á fleygiferð!

Jón Karl HelgasonNokkrar greinar hafa birst í blöðunum þessa vikuna um Evrópumál. Jón Karl Helgason bókmenntafræðingur skrifaði í Fréttablaðið:

"Samkvæmt nýrri mannfjöldaspá Hagstofunnar er gert ráð fyrir að við Íslendingar verðum orðnir 433 þúsund eftir hálfa öld, árið 2060. Samkvæmt lágmarksspá gæti niðurstaðan reyndar orðið 384 þúsund og samkvæmt hámarksspá gæti hún orðið 491 þúsund. Íslendingum mun með öðrum orðum fjölga um 66 til 173 þúsund á þessu tímabili. Þetta eru tölur sem mikilvægt er að hafa í huga þegar lagt er mat á ávinninginn sem felst í því að Ísland verði fullgildur aðili að Evrópusambandinu. Andstæðingar aðildar leggja mikla áherslu á að standa þurfi vörð um hagsmuni landbúnaðar og sjávarútvegs. En þó svo mikilvægt sé að standa vörð um allar atvinnugreinar má þeim og öðrum Íslendingum vera ljóst að fjölgun starfa hér á landi á næstu áratugum mun ekki verða í þessum tveimur atvinnugreinum. Menntakerfi þjóðarinnar hefur tekið mið af þessari staðreynd á undanförnum áratugum. Þeir sem kjósa um aðildarsamning Íslands við ESB eftir eitt til tvö ár þurfa einnig að gera það. Þær kosningar snúast um framtíðina, þær snúast um það hvernig við sjáum fyrir okkur samfélagsþróunina hér á landi á næstu fimmtíu til hundrað árum."

Gunnar Hólmsteinn ÁrsælssonGunnar Hólmsteinn Ársælsson, stjórnmálafræðingur og stjórnarmaður í Evrópusamtökunum skrifar grein um málefni Grikklands í Morgunblaðið í dag og segir þar m.a.:

"...það eru fleiri ,,innanlandsástæður“ fyrir vandræðum Grikkja, þ.e.a.s. sem hafa ekkert með ESB að gera; það er nánast hluti af menningu Grikkja að borga ekki skatta og talið er að allt að 70% af vissum starfsstéttum komist upp með að borga nánast enga skatta. Skatttekjur gríska ríkisins eru því allt of lágar og sagt er að landið þurfi í raun að taka upp nýtt skattkerfi. Þá er svört atvinnustarfsemi talin vera um einn fjórði hluti af heildarhagkerfinu. Spilling á ýmsum stöðum er einnig talin hafa alvarleg áhrif á hagkerfið. Og á spillingunni vinna Grikkir einungis sjálfir, með viðeigandi stofnunum.

Almenn efnahagsleg óstjórn og sérlega rausnarlegt lífeyriskerfi (látnir einstaklingar fengu lífeyri og lífeyrisréttindi erfðust!) eru líka talin vera orsakavaldar. Til dæmis fjölgaði opinberum starfsmönnum um 100.000 á stjórnarárum hægrimannsins Kostas Karamanlis frá 2004-2009 og útgjöld gríska ríkisins um 60%! Gríska ríkið er stór eigandi fyrirtækja og umfangsmikill ríkisrekstur í landinu, hið opinbera er um 40% af þjóðarframleiðslunni. 

ESB hefur hvatt Grikki til þess að einkavæða og t.d. hafa heyrst þær raddir að ESB sé að ,,þvinga“ Grikki til einkavæðingar. Það skondna er að þessar raddir koma helst frá aðilum sem hér á landi stóðu fyrir einni umfangsmestu einkavæðingu á Vesturlöndum hin síðari ári. Það er ekki sama Jón eða séra Jón!

Einnig hefur verið nefnt að útgjöld til hernaðarmála eru mjög há í Grikklandi, eða um 4% af landsframleiðslu. Þetta hlutfall er mun lægra í flestum Evrópulöndum.

Allt hér að ofan eru þættir sem ESB hefur ekkert með að gera, heldur eru ákvarðanir og aðgerðir grískra aðila, einstaklinga sem og yfirvalda."

Baldur ÞórhallssonÞá skrifar Dr. Baldur Þórhallsson einnig grein í Morgunblaðið í dag og segir þar:

"Ef Ísland gengur í Evrópusambandið fær það fullan aðgang að öllum stofnunum sambandsins. Helstu stofnanir sambandsins eru fimm.

Forsætisráðherra Íslands tæki sæti í leiðtogaráði ESB sem kemur iðulega saman sex sinnum á ári. Þar eru nær allar ákvarðanir teknar samhljóða. Forsætisráðherra Íslands hefði í krafti þessa góðan möguleika á að hafa áhrif á framtíðarstefnu sambandsins. Leiðtogar smáríkja eins og Danmerkur og Lúxemborgar hafa sannað að sú er raunin.

Íslenskir ráðherrar sætu í fagráðherraráðum ESB sem fara með löggjafarvaldið ásamt Evrópuþinginu. Utanríkisráðherra Íslands sæti í ráðherraráði utanríkismála. Það leysir meðal annars úr ágreiningsmálum innan sambandsins. Fjármálaráðherra Íslands sæti í ráðherraráði fjármála. Það er orðið eitt valdamesta ráð í Evrópu í dag. Í ráðherraráði sjávarútvegsmála, eins og í öðrum ráðum, er ætíð reynt að ná sátt um mál áður en þau eru afgreidd. Þjóðir tala sig að niðurstöðu og tekið er tillit til hagsmuna ríkja.

Ísland myndi eiga sex þjóðkjörna þingmenn á Evrópuþinginu. Þingmennirnir myndu skipa sér í hefðbundna þingflokka, þ.e. Evrópuþingmenn Sjálfstæðisflokksins myndu taka sæti í þingflokki hægrimanna. Evrópuþingmenn eiga góða möguleika á að láta til sín taka innan þingflokkanna og fá þá á sitt band. Þeir geta einnig haft umtalsverð áhrif á löggjöf sambandsins innan nefnda þingsins þar sem mesta vinnan fer fram. Þetta hafa til dæmis þingmenn hægrimanna á Möltu sýnt. Evrópuþingið er í dag valdamikill löggjafaraðili og lætur í vaxandi mæli til sín taka.

Innan framkvæmdastjórnar ESB myndi Ísland hafa áhrif á mótun löggjafar sambandsins með framkvæmdastjóra í æðstu stjórn hennar og með ráðningu fjölda Íslendinga í störf á hennar vegum.

Auk þessa fengju Íslendingar einn af 28 dómurum í Evrópudómstólnum sem og sæti við ákvarðanatökuborðið í öllum öðrum undirstofnunum og ráðum ESB eins og í Seðlabanka Evrópu."

Umræðan er á fleygiferð! 

 


« Síðasta færsla | Næsta færsla »

Athugasemdir

1 Smámynd: Anna Sigríður Guðmundsdóttir

Árið 2060 verður komið ESB-þrælahald á Íslandi með mikilli fólks-fjölgun, eftir ó-yfirnáttúrulegri svikaspá spákúlu-fræðinga ESB.

Þróunin er öll í þá átt, og blekktir boðberar spámanna-svikara trúa á allt annað en dómgreind almennings, raunveruleikann og sannleikann í þessum málum. Það er umhugsunarvert, svo ekki sé meira sagt.

Bendi þessum boðberum "sannleikans" um ESB-"gæðin" á síðuna hans Jóhannesar Björns Lúðvíkssonar: vald.org.

Þar getur fólk séð raunverulegan sannleika um ESB og fleira.

M.b.kv.

Anna Sigríður Guðmundsdóttir, 24.6.2011 kl. 11:43

2 Smámynd: Óskar Þorkelsson

þvílíkt endemsi bull kemur frá þér kona, það eru sem sagt þrælabúðir í ESB löndunum... það er ekki skrítið að ísland sé eins og það er þegar umræðan er á þessu vitsmunastigi.

Óskar Þorkelsson, 24.6.2011 kl. 13:53

3 Smámynd: Þorsteinn Briem

"Ísland mun í fyrsta skipti taka þátt í nýrri undiráætlun Comeniusar nemendaskipta á framhaldsskólastigi. Styrkir verða veittir til að senda skiptinema til Comeniusar-samstarfsskóla í 3-8 mánuði.

Framhaldsskólarnir geta sótt um styrki fyrir hönd nemenda sinna til Landsskrifsstofu menntaáætlunar Evrópusambandsins en umsóknarfrestur fyrir skólaárið 2012-2013 er 1. desember 2011.

Styrkirnir eru fyrir umsýslukostnað sendiskóla, sem og fyrir ferðir og uppihald nemenda.


Allar upplýsingar er að finna á vef stofnunarinnar, www.comenius.is."

Íslendingar taka þátt í fyrsta skipti

Þorsteinn Briem, 24.6.2011 kl. 15:54

4 Smámynd: Þorsteinn Briem

"Á mánudaginn kemur, við formlegt upphaf aðildarviðræðnanna [við Evrópusambandið], verður tveimur köflum lokað um leið og þeir verða formlega opnaðir.

Þetta er í mennta- og menningarmálum, svo og vísinda- og þróunarmálum.

Þar þarf ekkert um að semja."

Þorsteinn Briem, 24.6.2011 kl. 16:04

5 Smámynd: Jón Valur Jensson

Grein Jóns Karls Helgasonar í Mbl. í vikunni er fráleit.

Fyrir því skal ég færa ýmis rök.

En eru þessir menn kannski blindir? 1/125 (0,8%) atkvæðavægi í Esb.þinginu myndi ekki tryggja okkur neitt og enn síður 0,06% atkvæðavægi í hinu volduga ráðherraráði (1/1666 atkvæðavægi). Baldur þarf að setjast niður og hugsa þetta upp á nýtt. Vill hann þetta í alvörunni?!

Jón Valur Jensson, 24.6.2011 kl. 20:41

6 Smámynd: Þorsteinn Briem

Malta hefur að sjálfsögðu ekki mörg atkvæði í Evrópusambandinu, frekar en mörg önnur ríki sem fengið hafa aðild að sambandinu.

Samt sem áður eru öll þessi ríki enn í Evrópusambandinu, enda þótt þau geti sagt sig úr sambandinu.

Þorsteinn Briem, 24.6.2011 kl. 21:19

7 Smámynd: Jón Valur Jensson

Já, vesalings Malta. En auðveldlega getur ekkert smáríki sagt sig úr Esb. og sízt þau verðmætustu meðal þeirra.

Jón Valur Jensson, 24.6.2011 kl. 23:14

8 Smámynd: Þorsteinn Briem

Af 27 ríkjum Evrópusambandsins eru einungis sex sem geta talist stór, Þýskaland, Frakkland, Bretland, Ítalía, Spánn og Pólland.

Fjögur þeirra eru með evru og Pólland tekur að öllum líkindum upp evru eftir nokkur ár, líkt og Lettland og Litháen, sem eru með gjaldmiðla bundna við gengi evrunnar, eins og Danmörk.

Pólland og Litháen eru kaþólsk ríki og af sautján ríkjum með evru eru ellefu kaþólsk, Austurríki, Belgía, Frakkland, Írland, Ítalía, Lúxembúrg, Malta, Portúgal, Slóvakía, Slóvenía og Spánn.

Catholic Church by country


"The euro
is consequently used daily by some 330 million Europeans and over 175 million people worldwide use currencies which are pegged to the euro."

Þorsteinn Briem, 25.6.2011 kl. 01:07

9 Smámynd: Jón Valur Jensson

Ég sé það núna, að þetta er alveg gríðarlega jákvætt allt með þessa evru - gæti ekki verið betra! Hvað eru þá allir aðrir að rugla, eins og viðskiptasíður dagblaðanna? Þú einn veizt, Steini Briem, það er alveg víst og rétt, og til hamingju!

Jón Valur Jensson, 25.6.2011 kl. 02:17

10 Smámynd: Þorsteinn Briem

Dagblöðin, sjónvarpsstöðvarnar og forseti Íslands lofuðu og prísuðu alla þensluna og útrásarvíkingana þegar ég benti oft á það, til að mynda á bloggi Ómars Ragnarssonar, að 80% hækkun á íbúðaverði hér á höfuðborgarsvæðinu á árunum 2004-2008 fengi engan veginn staðist.

Þorsteinn Briem, 25.6.2011 kl. 02:33

11 Smámynd: Þorsteinn Briem

DRAUMURINN UM ÍSLENSKA YFIRBURÐI:

Ólafur Ragnar Grímsson í London 3. maí 2005 - "How to succeed in modern business":


"NO ONE IS AFRAID TO WORK WITH US; people even see us as FASCINATING ECCENTRICS WHO CAN DO NO HARM and therefore all doors are thrown wide open when we arrive."

"I have mentioned this morning only some of the lessons which the Icelandic voyage offers, but I HOPE THAT MY ANALYSIS HAS HELPED TO CLARIFY WHAT HAS BEEN A BIG MYSTERY TO MANY.

Let me leave you with A PROMISE THAT I GAVE at the recent opening of the Avion Group headquarters in Crawley.

I formulated it with a little help from Hollywood movies:

"YOU AIN'T SEEN NOTHING YET!""

Þorsteinn Briem, 25.6.2011 kl. 02:37

12 Smámynd: Jón Valur Jensson

Já, svo ertu líka svo spámannlega vaxinn.

Veizt allt, getur allt, sérð allt fyrir.

Jón Valur Jensson, 25.6.2011 kl. 02:57

13 Smámynd: Þorsteinn Briem

Katrín Ólafsdóttir lektor í hagfræði - Viðskiptablaðið 26. apríl 2007:

"Á árunum 2004 og 2005 var hagvöxtur hér á landi yfir 7% tvö ár í röð. Samkvæmt mati Seðlabankans var slaki í þjóðarbúskapnum á árinu 2003 og framleiðsla því undir framleiðslugetu.

Uppbygging á þessum árum var mikil og aukning fólksfjölda hröð. Því er ekki óeðlilegt að gera ráð fyrir að hagkerfið myndi þola hagvöxt umfram 3%, allavega um tíma.

Þróunin var hins vegar sú að strax á árinu 2004 var slakinn horfinn og gott betur. Því leiddi megnið af 7% hagvextinum á árinu 2005 til aukningar á þenslu.

Þarna var því um að ræða hagvöxt umfram framleiðslugetu, sem er því ekki vöxtur til frambúðar.

Afleiðingin af þessu hagvaxtartímabili blasir við í dag þar sem viðskiptahalli hefur aldrei í sögu þjóðarinnar verið hærri og mælist fjórðungur af landsframleiðslu og verðbólga nálgast 8%, að undanskildri skattalækkun.

Atvinnuleysi mælist varla. Þvert á móti hefur innflutningur vinnuafls aldrei verið meiri. Með öðrum orðum, ójafnvægið í þjóðarbúskapnum er gífurlegt. Öllum ætti að vera ljóst að þetta ástand stenst ekki til frambúðar."

Þorsteinn Briem, 25.6.2011 kl. 03:06

14 Smámynd: Jón Valur Jensson

Þetta er ekki nóg, Steini, við lesendur heimtum heilan fyrirlestur.

Jón Valur Jensson, 25.6.2011 kl. 03:19

15 Smámynd: Þorsteinn Briem

Blaður þitt hér er einskis virði, Jón Valur Jensson.

Þorsteinn Briem, 25.6.2011 kl. 03:26

16 Smámynd: Þorsteinn Briem

Ornolfur Arnason "Ég helt að erlendir bankar hefðu tapað 7-8 þúsund milljörðum á íslenska bankahruninu."

Thorvaldur Gylfason
"Rétt hjá Örnólfi. Útlendingar töpuðu fimmfaldri landsframleiðslu, Íslendingar töpuðu tvöfaldri landsframleiðslu.

Skellurinn í heild var sem sagt sjöföld landsframleiðsla, sem er heimsmet.
"

Þorsteinn Briem, 25.6.2011 kl. 11:47

17 Smámynd: Þorsteinn Briem

SKULDIR ÍSLENSKRA HEIMILA SEM HLUTFALL AF RÁÐSTÖFUNARTEKJUM TVÖFALT MEIRI EN SPÆNSKRA HEIMILA.

20.8.2009: "Skuldir íslenskra heimila sem hlutfall af ráðstöfunartekjum voru 272% um síðustu áramót en til samanburðar var þetta hlutfall 178% árið 2000 og hefur því hækkað um 94%.

Skuldaaukning heimila hefur átt sér stað í flestum hagkerfum undanfarin ár en afar mismunandi er hversu skuldsett heimili í einstökum löndum eru. Skuldir íslenskra heimila eru hins vegar miklar og hlutfall skulda af ráðstöfunartekjum hátt í samanburði við önnur þróuð hagkerfi.

Þannig er þetta hlutfall að meðaltali 134% í Bandaríkjunum, 180% á Írlandi og 140% á Spáni, svo einhver lönd séu nefnd. [...]

Hærra skuldahlutfall gerir heimilin viðkvæmari fyrir breytingum í gengi, verðbólgu, vöxtum og tekjum.
"

Skuldir íslenskra heimila sem hlutfall af ráðstöfunartekjum tvöfalt meiri en spænskra heimila

Þorsteinn Briem, 25.6.2011 kl. 15:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband