Mörður Árnason um "lambakjötsmálið": Gamaldags pólitík!

Lambakjötsumræðan hefur blossað upp. Jón Bjarnason segir ekki koma til greina að flytja inn erlent lambakjöt frá Evrópu (eða annarsstaðar), en það er hið besta mál að hans mati og ekkert óeðlilegt að íslenskir bændur geti óhindrað flutt út lambakjöt og grætt á tá og fingri á því!

Mörður Árnason, þingmaður telur eðlilegt að lambakjöt verði flutt inn og á www.visir.is segir: "Það er ekki hægt að hafa íslenska neytendur í fangamúrum frá evrópskum lambakjötsmarkaði þegar íslenskir bændur eru virkir þáttakendur á honum segir þingmaður Samfylkingarinnar.

Jón Bjarnason, sjávarútvegs og landbúnaðarráðherra, sagði í fréttum Stöðvar 2 í gær að hann vildi ekki bjóða út innflutningskvóta á lambakjöti til að standa vörð um íslenska lambakjötsframleiðslu. Þetta hafa meðal annars Samtök verslunar og þjónustu gagnrýnt í bréfi til umboðsmanns Alþingis.

Mörður Árnason, þingmaður Samfylkingarinnar, segir að nú sé eðlilegt að leyfa innflutning á lambakjöti þar sem verð á erlendum mörkuðum hefur mikil áhrif á verð og framboð á lambakjöti hér á landi.

„Staðan er núna sú að forysta bænda og landbúnaðarráðherra vilja nýta sér kosti frjálsrar verslunar í útlöndum, en koma í veg fyrir að neytendur nýti sér kosti frjálsrar verslunar á Íslandi. Þetta auðvitað gengur ekki og er gamaldags pólitík sem þarf að fara að hætta,“ segir Mörður.

Auka þurfi samkeppnina hér á landi í hag neytenda. „Það á auðvitað ekki að vera lógískt að erlent lambakjöt sé ódýrara en íslenskt lambakjöt. Ég trúi því ekki fyrr en ég tek á því að það sé þannig, en kannski er það svo að þegar við erum orðin hluti af þessum evrópska markaði í lambakjöt sem að forysta bænda vill vera að þá verður íslenska markaðssvæðið að vera það líka. Það er ekki hægt að hafa Ísland í fangamúrum út af þessu,“ segir Mörður.

Öll fréttin

Fleiri klippur sem tengjast málinu:

http://visir.is/section/MEDIA99&fileid=VTVB6D5DCD9-300C-4952-B505-B4A51434269E

http://visir.is/section/MEDIA99&fileid=VTVAF38134F-EC16-44DA-98CC-3B889E08C44B

Athugasemdir

[Gísli Ingvarsson, 20.7.2011 kl. 13:05]

Ég skil ekki hvað Mörður er að fara. Íslendingar una sér afar vel með séríslensk ákvæði sem samrýmst ekki eðlilegum viðskiptaháttum og hafa gert núna í 3 síðustu mannsaldra að minnstakosti ef frá eru taldir tímar með einokunarverslun í 400 ár.

Það er bara allt í fína með vertryggingu bankalána. Það á að niðurgreiða sem mest af búvöru enda svínvirkar það kerfi til að útrýma bændum hægt og rólega. Murkar úr þeim lífið og við getum til dæmis bara farið að grilla svínakjöt ef lambið vantar.

Við höfum hér pottþéttar gjaldeyrisvarnir og skömmumst okkar ekkert fyrir það. ÞAP VARÐ JÚ HÉRNA BANKAHRUN og við eigum að halda í krónuna þó hún sé bara til tímabundið vegna AGS og Evrópska seðlabankans. Þegar íslendingar loksins fá tækifæri til að hafna ESB þá munum við fá að halda þessum sérkennum okkar og rækta frekari úrkynjun til að gorta af.

[Óskar Þorkelsson, 20.7.2011 kl. 16:05]

læk á greinina og svarið hans Gísla :)