Mogginn og hitamælirinn

Í Reykjavíkurbréfi Morgunblaðisins um síðsustu helgi var "flogið hátt" eins og venjulega, enda stílistinn fyrrum Matthildar-maður.

Eins og svo oft áður eru það Evrópumálin sem eru "pennanum" hugleikin. Í bréfinu kvartar höfundurinn yfir umræðunni um gjaldmiðilsmál landsins og segir:

"Umræða um krónu og evru er öll á haus í landinu. Annaðhvort eru helstu »umræðustjórar« óþægilega illa að sér, eins og margt bendir til, eða svo þjakaðir af eigin mótuðu afstöðu eða þjónkun við Samfylkinguna, að þeir hvorki sjá né heyra það sem blasir við. Það er ekki stærð myntar sem öllu munar við skoðun á núverandi álitaefnum heldur sveigjanleiki hennar og að henni sé ætlað að lesa og laga sig að efnahagsástandi sinnar eigin þjóðar en ekki að einhverju allt öðru. Þá og aðeins þá getur mynt verið þýðingarmesti lykillinn að lækningu efnahagslífs eins ríkis. Það þýðir nefnilega ekkert að læknir stingi hitamæli í rass næsta manns á Möltu til að ákvarða meðferð sjúklings uppi á Íslandi." (Feitletrun, ES-bloggið)

Þetta er myndrænt, á því er enginn vafi! En hér talar væntalega sá aðili sem veit manna best hvað landi og þjóð eru fyrir bestu! Og sveigjanleiki er lausnin: Sveigjanleiki til að fella gengið, ja, kannski láta það kolhrynja eins og gerðist hér haustið 2008. Það er jú enginn smá sveigjanleiki!

Krónan keyrir upp (og kannski aðallega niður) hagsveiflur, nokkuð sem gerir það nánast ófært fyrir almenning og fyrirtæki að skipuleggja sig fram í tímann. Sú staðreynd að krónan hefur rýrnað um næstum 100 prósent gagnvart t.d. dönsku krónunni frá 1920 segir líka kannski allt sem segja þarf.

Í frétt Morgunblaðsins frá því í desember í fyrra segir: "Verðgildi krónunnar gagnvart hinni dönsku er ...aðeins 0,05% af því sem það var árið 1920, sem jafngildir rýrnun um 99,95% á þessu 90 ára tímabili. Þetta kemur fram í nýrri skýrslu Seðlabanka Íslands."

Og í lok fréttarinar segir: "Saga peningastefnu og gjaldmiðlamála á Íslandi er því þyrnum stráð allt frá upphafi, óháð því hvernig gengis- og peningastefnan hefur verið útfærð, segir í nýrri skýrslu sem Seðlabankinn hefur unnið og skilað til efnahags- og viðskiptaráðherra."

"Þyrnum stráð!" Hvorki meira né minna! Er ekki verið að segja okkur að þetta með krónuna sé fullreynt? Hve lengi í viðbót á íslenskur almenningur að ganga á þessum þyrnum?

Athugasemdir

[Jón Valur Jensson, 1.11.2011 kl. 00:37]

Þetta síðasta var nú fréttatilkynning beint frá Má Guðmundssyni Steingrímsþjóni og Jóhönnu í Seðlabankanum; ómarktækt sem sé og allsendis vitlaust að kenna hana eitthvað sérstaklega við Morgunblaðið!

Og þið hafið ekkert roð við Davíð, piltar, það þarf ekki einu sinni að ræða það.

[Sleggjan og Hvellurinn, 1.11.2011 kl. 17:29]

"Og þið hafið ekkert roð við Davíð, piltar, það þarf ekki einu sinni að ræða það."

LOL

[Ómar Bjarki Kristjánsson, 1.11.2011 kl. 18:18]

Allt jafn kjánalegt sem kemur frá kallgreyjinu.

[Sleggjan og Hvellurinn, 2.11.2011 kl. 10:25]

Ég datt alveg út eftir fyrstu málsgrein. Þetta er algjör þvæla.

Enda kemur þetta frá Björn Bjarna sem er ekki marktækur drengur sem lýgur í ritum sem hann gefur út.

[Jón Valur Jensson, 2.11.2011 kl. 13:08]

Kjánalegt hvað þú ert lélegur í stafsetningu, Ómar Bjarki, litlu skárri en Sleggjan og Hamarinn í nýjustu bloggfærslu þeirra strákanna.

Síðasta innleggið hér, frá hinni sömu sleggju og hinum sama hvelli, ef ekki einungis frá einum skólastrák, er með sömu endemum og annað frá ykkur. Björn Bjarnason er afar vandaður og fræðimannlegur í sínum skrifum. Þótt hann hafi gert ein mistök, sem hann leiðrétti strax drengilega, í 2. prentun af nýjustu bók sinni, þá gefur það ekki óvönduðum dilettöntum neinn rétt til yfirlætisfullra níðskrifa. Það mætti líka segja mér, að Jón Ásgeir tapi sínu ágenga máli gegn Birni.

Er ekki bara hvellsprungið á málefnaskrjóðnum hjá ykkur, piltar?

[Jón Valur Jensson, 2.11.2011 kl. 13:11]

Og ekki eru Sl. & H. einungis með hlálegar villur á eigin Moggabloggi, heldur virðast þeir ekki einu sinni kunna að beygja nafnið Björn! En örugglega eru þeir að eigin mati útvaldir til að kenna landsmönnum hið sanna og rétta!

[Sleggjan og Hvellurinn, 2.11.2011 kl. 13:32]

Algeng rök hjá einstaklingum sem eru rökþrota.. er að benda á stafsetninguna. Ekki málefnið.

[Jón Valur Jensson, 2.11.2011 kl. 13:48]

Menn, sem eru jafn ómenntaðir í svona grunnatriðum, eru varla kjörnir til að fræða aðra um flóknari hluti.