Evran rædd, sem og fleira

Andrés Pétursson, formaður Evrópusamtakanna, tók þátt í umræðu um Evruna í morgunþætti Rásar tvö. Á móti honum var Styrmir Gunnarsson, sem ritstýrði Morgunblaðinu í áratugi.

Andrés lagði mikla áherslu á friðarhugtakið í starfi Evrópusambandsins og Evrunnar. En hann ræddi einnig möguleika á að settar verði strangari reglur í kjölfar þeirra atburða sem nú gerast. Hann mótmælti því sem fram kom í máli andstæðingsins, sem eiginlega var ekki með sínar eigin skoðanir, heldur vitnaði stöðugt í aðila á meginlandi Evrópu. Sem hlýtur að teljast merkilegt.

Andrés lagði á það áherslu að með aðild fengi Ísland sæti við þau "borð" þar sem ákvarðanir eru teknar og benti á að það væru málaflokkar sem Íslendingar gætu látið til sína taka.

Ef af aðild verður, verður Ísland helsta fiskveiðiveldi ESB. Miðað við málflutning Styrmis verður ekkert hlustað á okkur innan ESB. En ef við færum að tala um sjávarútveg? Myndu þá menn innan ESB biðja okkur kurteislega að segja sem minnst? Myndi enginn hlusta á fulltrúa LÍÚ í Brussel? Það hlýtur að teljast afar ólíklegt! 

Hlustið hér

Athugasemdir

[Ólafur Als, 23.11.2011 kl. 10:25]

Ísland yrði eflaust á meðal fiskveiðivelda en langt í frá það stærsta. Ef einhver málaflokkur byði upp á að rödd Íslands yrði eitthvað annað en hjáróma tal yrði það vitanlega um sjávarútvegsmál. Af öllum þeim afla sem veiddur er af ESB þjóðum, hve stór yrði hlutur Íslands í þeim? Næði hann 10%? Vert er þó að benda á að á norðurslóðum yrði hann mjög stór.

Hins vegar verða áhugamenn um ESB hafa í huga að fyrir ekki mörgum árum benti sjávarútvegsráðherra Spánar á að innreið Spánar á íslensk fiskimið, yrði Ísland innlimað í ESB, væri óhjákvæmileg - einungis spurning um hve mörg ár myndu líða. Ætli vandræði Spánar þessa dagana og fyrirsjáanleg á næstu árum dragi úr þeim möguleika?

Að vitna í sér fróðari menn er góður siður. Hvers vegna skríbent(ar) þessarar síðu finna að því er óljóst.  Hins vegar er ljóst að tónninn hefur breyst að undanförnu hér. Ekki nema von í ljósi þeirrar stöðu sem efnahagsmálin eru í í fyrirheitna landinu. Mikilsverðir framámenn í ESB hafa t.d. bent á að til þess að bjarga evrunni verði að skerða verulega fjárráð einstakra ríkja. Ef sú yrði raunin er ljóst að sjálfstæði einstakra ríkja verður fyrir borð borið - ekki einu sinni ESB-trúboðar, íslenskir, gætu mótmælt því.

Valkaklíkan í Brussel hefur reyndar bent á þetta um skeið, fyrst sökum þess að hún vill aukin völd en nú hafa þessi orð fengið aukið vægi í ljósi þess að sérfræðingar benda á einmitt þetta gæti orðið til þess að bjarga evrusamstarfinu.

Sá sem þetta ritar hefur enga sérstaka ánægju af því að sjá vandræðin hlaðast upp á meginlandinu. Þeir eru þó til sem gleðjast yfir óförum evrusamstarfsins og því að ESB stendur nú á brauðfótum. Að óska þess að Ísland gangi Brussel á h0nd við núverandi aðstæður verður ekki skýrt með öðru en því að fólki er ekki sjálfrátt - að um n.k. trúarbrögð er að ræða.

[Þorsteinn Briem, 23.11.2011 kl. 11:26]

Enda þótt ríkin Bretland og Frakkland eigi bæði aðild að Evrópusambandinu á Frakkland ekki hlutdeild í olíuauðlindum Bretlands, sem eru að sjálfsögðu staðbundnar.

Grænland, Færeyjar og Danmörk eru hins vegar í sama ríkinu, enda þótt Grænland og Færeyjar eigi ekki aðild að Evrópusambandinu.

Staðbundinn þorskur á Íslandsmiðum er mun verðmætari en loðna, sem gengur á milli lögsagna Íslands, Grænlands, Færeyja og Noregs við Jan Mayen.

Norsk skip hafa því fengið að veiða loðnu í íslenskri lögsögu og íslensk skip loðnu í norskri lögsögu.

En að sjálfsögðu fengist mun meira en eitt tonn af loðnukvóta í staðinn fyrir eitt tonn af þorskkvóta.

Skip frá ríkjum Evrópusambandsins hafa lítið veitt á Íslandsmiðum síðastliðna tvo áratugi og fá því engan aflakvóta á Íslandsmiðum, nema þá að íslensk fiskiskip fengju jafn verðmætan aflakvóta í staðinn.

Í aðildarsamningi Noregs og Evrópusambandsins fengu skip Evrópusambandsins að veiða í norskri lögsögu, enda er um sameiginlega fiskveiðiauðlind margra ríkja að ræða í Norðursjó, svo og Eystrasalti og Miðjarðarhafinu, þar sem margar fisktegundir ganga úr einni lögsögu í aðra.

Íslensk varðskip munu áfram sjá um fiskveiðieftirlit á Íslandsmiðum og Hafrannsóknastofnun áfram veita fiskveiðiráðgjöf hér, enda þótt Ísland fái aðild að Evrópusambandinu.

Landhelgisgæslan starfar hins vegar hér á norðurslóðum í samvinnu við breska, norska og danska sjóherinn, sem sér um landhelgisgæslu við Færeyjar og Grænland,

Aðildarsamningi Íslands og Evrópusambandsins verður ekki hægt að breyta, nema með samþykki Íslendinga.

Bretar, Þjóðverjar, Spánverjar og aðrar Evrópuþóðir fá sinn fisk af Íslandsmiðum, enda þótt Íslendingar veiði fiskinn. Og evrópskir neytendur greiða allan kostnað við veiðarnar, til að mynda olíukaup og smíði íslensku fiskiskipanna, sem langflest hafa verið smíðuð í öðrum Evrópulöndum.

Þýskalandi hefur vegnað vel eftir Seinni heimsstyrjöldina með miklum viðskiptum við önnur ríki en ekki með því að leggja undir sig auðlindir þeirra.

[Þorsteinn Briem, 23.11.2011 kl. 11:28]

Skýrsla Evrópunefndar lögð fram af Geir H. Haarde, þáverandi forsætisráðherra, í mars 2007, sjá bls. 77-79:

"VARANLEGAR UNDANÞÁGUR OG SÉRLAUSNIR."

"Mikilvægt er að hafa í huga að AÐILDARSAMNINGAR AÐ ESB HAFA SÖMU STÖÐU OG STOFNSÁTTMÁLAR ESB OG ÞVÍ ER EKKI HÆGT AÐ BREYTA ÁKVÆÐUM ÞEIRRA, ÞAR Á MEÐAL UNDANÞÁGUM EÐA SÉRÁKVÆÐUM sem þar er kveðið á um, NEMA MEÐ SAMÞYKKI ALLRA AÐILDARRÍKJA."

"Í bókinni Fiskveiðireglur Íslands og Evrópusambandsins eftir Óttar Pálsson og Stefán Má Stefánsson [lagaprófessor] (2003) segir á bls. 39 að ÓTVÍRÆTT SÉ AÐ AÐILDARSAMNINGAR NÝRRA RÍKJA SAMBANDSINS SÉU JAFNRÉTTHÁIR RÓMARSÁTTMÁLANUM."

"AÐILDARSAMNINGARNIR sjálfir (accession treaties) eru yfirleitt einungis nokkrar almennar greinar en Í VIÐAUKA VIÐ ÞÁ eru sett fram SKILYRÐI AÐILDAR OG AÐLAGANIR Á STOFNSÁTTMÁLUM ESB, SEM ERU ÓAÐSKILJANLEGUR HLUTI AF AÐILDARSAMNINGNUM.

Samanber til dæmis 2. gr. AÐILDARSAMNINGS BÚLGARÍU OG RÚMENÍU."

Af hálfu ESB er lögð áhersla á að engar undanþágur séu veittar í aðildarsamningum, enda er markmiðið að sem mest lagalegt samræmi ríki innan ESB.

Komi upp vandamál vegna ÁKVEÐINNAR SÉRSTÖÐU eða sérstakra aðstæðna Í UMSÓKNARRÍKI er þó reynt að leysa málið með því að SEMJA UM tilteknar afmarkaðar SÉRLAUSNIR.

Eitt þekktasta dæmið um slíka SÉRLAUSN er að finna í AÐILDARSAMNINGI DANMERKUR árið 1973 en samkvæmt henni mega Danir viðhalda löggjöf sinni um kaup á sumarhúsum í Danmörku.

Í þeirri löggjöf felst meðal annars að aðeins þeir sem búsettir hafa verið í Danmörku í að minnsta kosti fimm ár mega kaupa sumarhús í Danmörku en þó er hægt að sækja um undanþágu frá því skilyrði til dómsmálaráðherra Danmerkur.

MALTA samdi um svipaða SÉRLAUSN í aðildarsamningi sínum en samkvæmt BÓKUN VIÐ AÐILDARSAMNINGINN má Malta viðhalda löggjöf sinni um kaup á húseignum á Möltu og takmarka heimildir þeirra sem ekki hafa búið á Möltu í að minnsta kosti fimm ár til að eignast fleiri en eina húseign á eyjunni.

Rökin fyrir þessari BÓKUN eru meðal annars að takmarkaður fjöldi húseigna, sem og takmarkað landrými fyrir nýbyggingar sé til staðar á Möltu og því sé nauðsynlegt að tryggja að nægilegt landrými sé til staðar fyrir búsetuþróun núverandi íbúa.

Í þessum tveimur tilvikum er í raun um að ræða FRÁVIK FRÁ 56. GR. STOFNSÁTTMÁLA ESB, sem bannar takmarkanir á frjálsu flæði fjármagns.

Ekki er hins vegar um að ræða undanþágu eða frávik frá banni við mismunum á grundvelli þjóðernis og íbúar annarra aðildarríkja sem uppfylla skilyrði um fimm ára búsetu geta því keypt sumarhús í Danmörku og fleiri en eina húseign á Möltu.

Á sama hátt þurfa Danir einnig að uppfylla búsetuskilyrðin til að geta keypt sumarhús í Danmörku og Möltubúar til að geta keypt fleiri en eina húseign á Möltu.

FINNA MÁ ÝMIS DÆMI UM SÉRLAUSNIR Í AÐILDARSAMNINGUM SEM TAKA TILLIT TIL SÉRÞARFA EINSTAKRA RÍKJA OG HÉRAÐA HVAÐ VARÐAR LANDBÚNAÐARMÁL.

Í AÐILDARSAMNINGI FINNLANDS OG SVÍÞJÓÐAR 1994 VAR FUNDIN SÉRLAUSN sem felst í því að samið var um að Finnum og Svíum yrði heimilt að veita sérstaka styrki vegna landbúnaðar á norðurslóðum, þ.e. norðan við 62. breiddargráðu.

Sú LAUSN felur í sér að þeir mega sjálfir styrkja landbúnað sinn
sem nemur 35% umfram önnur aðildarlönd.

Í AÐILDARSAMNINGI FINNLANDS er einnig ákvæði um að styrkja megi svæði sem eiga í alvarlegum erfiðleikum með aðlögun að hinni sameiginlegu landbúnaðarstefnu ESB og Finnar hafa nýtt það ákvæði til að SEMJA við ESB um SÉRSTUÐNING fyrir Suður-Finnland.

Stuðningur við harðbýl svæði (Less Favoured Area, LFA) varð til VIÐ INNGÖNGU BRETLANDS OG ÍRLANDS Í ESB en þessi ríki höfðu áhyggjur af hálandalandbúnaði sínum og því var SAMIÐ UM SÉRSTAKAN HARÐBÝLISSTUÐNING til að tryggja að landbúnaðurinn gæti staðið af sér samkeppni við frjósamari svæði Evrópu.

FINNLAND, SVÍÞJÓÐ OG AUSTURRÍKI SÖMDU einnig SÉRSTAKLEGA um þannig stuðning Í AÐILDARSAMNINGI SÍNUM og sem dæmi má nefna að 85% Finnlands var skilgreint sem harðbýlt svæði."

"Af minni undanþágum eða SÉRLAUSNUM má nefna að SVÍÞJÓÐ fékk heimild til að selja munntóbak (snus) en sala þess er bönnuð í öðrum aðildarríkjum ESB."

"Í AÐILDARSAMNINGI MÖLTU er ákvæði um að Malta verði skilgreint sem harðbýlt svæði, auk þess sem í sérstakri yfirlýsingu er fjallað um eyjuna Gozo og meðal annars tiltekið að hún verði flokkuð SÉRSTAKLEGA með tilliti til styrkja vegna sérstakra aðstæðna á eyjunni.

Þegar GRIKKIR gengu inn í Evrópusambandið var SÉRÁKVÆÐI um bómullarframleiðslu sett inn Í AÐILDARSAMNING þeirra en bómullarrækt var mjög mikilvæg fyrir grískt efnahagslíf.

Þótti ljóst að landbúnaðarstefnan gæti að óbreyttu stefnt þessum mikilvæga atvinnuvegi í hættu og tókst Grikkjum því að fá SÉRSTÖÐU bómullarræktunar viðurkennda Í AÐILDARSAMNINGUM SÍNUM.

HIÐ SAMA GERÐIST ÞEGAR SPÁNVERJAR OG PORTÚGALAR GENGU Í ESB og þessi ákvæði hafa nú almennt gildi innan landbúnaðarstefnunnar.

Í AÐILDARSAMNINGI FINNLANDS, SVÍÞJÓÐAR OG AUSTURRÍKIS er viðurkennt að svæði sem hafa átta eða færri íbúa á hvern ferkílómetra skuli njóta hæstu styrkja uppbyggingarsjóða ESB en í þeim flokki eru að öðru leyti svæði sem verg landsframleiðsla á mann er undir 75% af meðaltali ESB.

MALTA OG LETTLAND sömdu einnig um tilteknar SÉRLAUSNIR í sjávarútvegi Í AÐILDARSAMNINGUM SÍNUM sem fela í sér SÉRSTAKT stjórnunarsvæði fiskveiða á tilteknum svæðum en þær LAUSNIR byggja á verndunarsjónarmiðum og fela ekki í sér undanþágu frá reglunni um jafnan aðgang.

Þá er Í AÐILDARSAMNINGI MÖLTU að finna BÓKUN um að Malta megi viðhalda löggjöf sinni um fóstureyðingar en SAMBÆRILEGT ÁKVÆÐI VARÐANDI ÍRLAND er að finna í BÓKUN með Maastricht-sáttmálanum 1992.

Einnig gilda SÉRÁKVÆÐI UM ÁLANDSEYJAR sem eru undir stjórn Finnlands.

LAGALEG STAÐA UNDANÞÁGU EÐA SÉRLAUSNAR SEM ER Í AÐILDARSAMNINGI ER STERK ÞVÍ AÐILDARSAMNINGUR HEFUR SAMA LAGALEGA GILDI OG STOFNSÁTTMÁLAR ESB.

HIÐ SAMA GILDIR UM BÓKANIR EN ÞÆR ERU HLUTI AF AÐILDARSAMNINGUM OG HAFA ÞVÍ SAMA LAGALEGA GILDI OG ÞEIR.

Í 174. GR. AÐILDARSAMNINGS AUSTURRÍKIS, FINNLANDS, SVÍÞJÓÐAR OG NOREGS ER TIL DÆMIS SÉRSTAKLEGA TILTEKIÐ AÐ BÓKANIR SÉU ÓAÐSKILJANLEGUR HLUTI AF SAMNINGNUM."

[Þorsteinn Briem, 23.11.2011 kl. 11:29]

Skýrsla Evrópunefndar lögð fram af Geir H. Haarde, þáverandi forsætisráðherra, í mars 2007, sjá bls. 26:

"HVER AÐILDARSAMNINGUR FELUR EINNIG Í SÉR BREYTINGU Á STOFNSÁTTMÁLUNUM [EVRÓPUSAMBANDSINS]."

[Þorsteinn Briem, 23.11.2011 kl. 11:31]

Hver yrðu áhrifin á íslenskan sjávarútveg við inngöngu Íslands í Evrópusambandið?

Evrópusambandið er langstærsti markaður okkar Íslendinga fyrir sjávarafurðir og þar búa um 490 milljónir manna sem neyta árlega um 12 milljóna tonna af sjávarafurðum.

Árið 2006 veiddu þjóðir sambandsins um 6,9 milljónir tonna en stærstu veiðiþjóðirnar nú eru Spánn, Danmörk, Frakkland, Bretland og Ítalía.

Ísland yrði stærsta fiskveiðiþjóðin í Evrópusambandinu og árið 2006 var afli íslenskra skipa tæpar 1,7 milljónir tonna.

Niðurfelling allra tolla sem við greiðum af sjávarafurðum í Evrópusambandinu er eitt af þeim atriðum sem samið verður um og tekjur okkar aukast þegar tollarnir falla niður.

Við greiddum um 650 milljónir króna í tolla af sjávarafurðum í Evrópusambandinu árið 2008 og greiðum þar yfir 5% toll af ferskum flökum, til dæmis karfaflökum, 2% af heilum ferskum fiski sem seldur er á uppboðsmarkaði, humri, síld og öðrum afurðum.

Styrkir frá Evrópusambandinu fást til smíði verksmiðja og fjárfestinga í vinnslubúnaði. Oft eru slíkir styrkir tímabundnir í nokkur ár eftir inngöngu í sambandið eða ætlaðir jaðarsvæðum.

Mestu tækifærin við inngöngu Íslands í Evrópusambandið byggjast hins vegar á yfirburðum okkar Íslendinga í útgerð og fiskvinnslu.

Íslenskir útgerðarmenn hafa í nokkrum mæli rekið útgerðir og fiskvinnslufyrirtæki erlendis og geta náð þar góðri stöðu í ýmsum Evrópulöndum.

Íslenskar sjávarafurðir og sóknarfæri á mörkuðum, sjá bls. 11-12

[Þorsteinn Briem, 23.11.2011 kl. 11:32]

Afli íslenskra skipa og Evrópusambandsríkjanna árið 2005

[Þorsteinn Briem, 23.11.2011 kl. 11:33]

AFLI SPÆNSKRA SKIPA HEFUR MINNKAÐ MUN MEIRA EN BRESKRA SKIPA FRÁ ÁRINU 1986.

Árið 2007 var afli breskra skipa um 600 þúsund tonn, um 200 þúsund tonnum, eða 25% minni en þegar Spánn fékk aðild að Efnahagsbandalagi Evrópu árið 1986.

Og árið 2007 var afli spænskra skipa um 800 þúsund tonn, um 400 þúsund tonnum, eða 33% minni en árið 1986.

Frakkland stofnaði ásamt fleiri ríkjum Efnahagsbandalag Evrópu (EEC) árið 1957. Bretland og Danmörk fengu aðild að Efnahagsbandalaginu árið 1973 en Spánn og Portúgal árið 1986.

Fiskafli skipa í Evrópusambandinu árið 2005

FAO - Fiskafli árið 2007 - Country Profiles 24.6.2010

[Þorsteinn Briem, 23.11.2011 kl. 11:34]

Afli skipa sem veiða í Norðursjó hefur minnkað mikið undanfarna áratugi, rétt eins og íslensk fiskiskip hafa veitt minna af til dæmis þorski, loðnu og rækju en áður.

Við Íslendingar yrðum langstærsta fiskveiðiþjóðin í Evrópusambandinu en þær stærstu eru nú Danmörk, Spánn, Bretland og Frakkland.

Stór hluti af afla spænskra skipa kemur hins vegar úr Miðjarðarhafinu.

Fiskafli skipa í Evrópusambandinu árið 2005

Frakkland stofnaði ásamt fleiri ríkjum Efnahagsbandalag Evrópu (EEC) árið 1957. Bretland og Danmörk fengu aðild að Efnahagsbandalaginu árið 1973 en Spánn og Portúgal árið 1986.

Afli breskra skipa var um 50% minni árið 2007 en 1973, um 1,2 milljónir tonna árið 1973 en um 600 þúsund tonn árið 2007.

Afli danskra skipa var einnig um 50% minni árið 2007 en 1973, um 1,4 milljónir tonna árið 1973 en um 700 þúsund tonn árið 2007.

Afli spænskra skipa var um 33% minni árið 2007 en 1986, um 1,2 milljónir tonna árið 1986 en um 800 þúsund tonn árið 2007.

Afli franskra skipa var um 30% minni árið 2007 en 1957, um 700 þúsund tonn árið 1957 en um 500 þúsund tonn árið 2007.

Afli portúgalskra skipa var um 40% minni árið 2007 en 1986, um 400 þúsund tonn árið 1986 en um 250 þúsund tonn árið 2007.

FAO - Fiskafli árið 2007 - Country Profiles 24.6.2010

[Þorsteinn Briem, 23.11.2011 kl. 11:41]

"Samherji hefur tekið þátt í sjávarútvegi í öðrum löndum frá árinu 1994, bæði eitt sér og í samstarfi. Fyrirtækið á hlut í og tekur þátt í rekstri fiskvinnslu- og útgerðarfyrirtækja í Færeyjum, Póllandi, Bretlandi og Þýskalandi.

Samherji hefur einnig verið með starfsemi í Afríku frá árinu 2007 og erlend starfsemi er um 70% af heildarstarfsemi félagsins."

Samherji - Erlend starfsemi

[Þorsteinn Briem, 23.11.2011 kl. 11:44]

Eiríkur Bergmann Einarsson forstöðumaður Evrópufræðaseturs Háskólans á Bifröst:

"Til að mynda er Svíþjóð aðeins gert að innleiða hluta af heildar reglugerðaverki Evrópusambandsins.

Og ef við beitum svipuðum aðferðum og Davíð Oddsson gerði í sínu svari getum við fundið út að okkur Íslendingum er nú þegar gert að innleiða ríflega 80 prósent af öllum þeim lagareglum Evrópusambandsins sem Svíum er gert að innleiða."

[Jón Valur Jensson, 23.11.2011 kl. 12:08]

Þreytandi þessi kópíustarfsemi þín, Steini.

Menn nenna almennt ekki að lesa þetta, enda yfirleitt "séð efni".

[Þorsteinn Briem, 23.11.2011 kl. 12:17]

VERÐTRYGGT 20 milljóna króna jafngreiðslulán tekið hjá Íbúðalánasjóði til 20 ára með 5% vöxtum, miðað við 5% verðbólgu á lánstímanum og mánaðarlegum afborgunum:

ÚTBORGUÐ FJÁRHÆÐ:

Lánsupphæð 20 milljónir króna.

Lántökugjald 200 þúsund krónur.

Útborgað hjá Íbúðalánasjóði 19,8 milljónir króna.

Opinber gjöld 301 þúsund krónur.

Útborguð fjárhæð 19,5 milljónir króna.

HEILDARENDURGREIÐSLA:

Afborgun 20 milljónir króna.

Vextir 11,7 milljónir króna.

VERÐBÆTUR 22,1 MILLJÓN KRÓNA.

Greiðslugjald 18 þúsund krónur.

SAMTALS GREITT 53,8 MILLJÓNIR KRÓNA.

Meðalgreiðslubyrði á mánuði allan lánstímann 224 þúsund krónur.

Eftirstöðvar byrja að lækka eftir 72. greiðslu, eða sex ár.

[Þorsteinn Briem, 23.11.2011 kl. 12:19]

Sjálfstæðisflokkurinn VILL ÁFRAM íslenska krónu og VERÐTRYGGINGU:

"Bjarni Benediktsson, formaður Sjálfstæðisflokksins, segir að hann hafi lengi verið þeirrar skoðunar að erfitt sé að vera með lítinn gjaldmiðil líkt og krónuna en hann er enn þeirrar skoðunar að Íslandi sé betur borgið utan Evrópusambandsins."

[Jón Valur Jensson, 23.11.2011 kl. 12:26]

Fjármálaráðherrann hefur líka þó það vit að vilja áfram krónuna.

Steini mælir hér með augljósri áhættuhegðun: að taka upp evru!

Svo er vitaskuld fráleitt að kaupa þennan kött í sekknum (evruna) gegn afsali fullveldis og forræðis okkar yfir eigin lögsögu!

[Þorsteinn Briem, 23.11.2011 kl. 12:35]

Af íslenskum LANDBÚNAÐARVÖRUM, sem seldar eru til annarra landa fyrir ÁTTA MILLJARÐA KRÓNA Á ÁRI, fer meirihlutinn til Evrópusambandslandanna.

Og við aðild Íslands að Evrópusambandinu yrði tollur af þeim felldur niður.

ÍSLENSKIR BÆNDUR ÞURFA EINNIG AÐ KAUPA MATVÖRUR.

Mest af þeim kemur frá Evrópusambandslöndunum og tollur af matvörum frá þeim löndum félli hér einnig niður við aðild Íslands að sambandinu.

ÍSLENSKIR BÆNDUR ÞURFA AÐ TAKA LÁN EINS OG AÐRIR ÍSLENDINGAR.

En þegar íslenskar búvörur hækka hér í verði hækka einnig lánin sem íslenskir bændur hafa tekið vegna hækkunar á vísitölu neysluverðs.

Við aðild Íslands að Evrópusambandinu FÉLLI VERÐTRYGGING HÉR NIÐUR.

EN SJÁLFSTÆÐISFLOKKURINN HELDUR ÞVÍ FRAM AÐ GJALDÞROTA ÍSLENSKIR BÆNDUR OG HEIMILI SÉU SJÁLFSTÆÐ.

[Sleggjan og Hvellurinn, 23.11.2011 kl. 12:49]

Ef við lítum á sjávarútveginn þá er Ísland stórveldi með 30% af aflanum.

Að sjálfsögðu verður hlusta vel á okkur

[Þorsteinn Briem, 23.11.2011 kl. 12:49]

VERÐLÆKKANIR Á MATVÖRUM, FATNAÐI OG HEIMILISTÆKJUM HÉRLENDIS VEGNA AÐILDAR ÍSLANDS AÐ EVRÓPUSAMBANDINU.

"Einstaka vörutegundir gætu lækkað um allt að tuttugu og fimm prósent, segir Eva Heiða [Önnudóttir, sérfræðingur í Evrópumálum], en mest yrði lækkunin á landbúnaðarvörum.

Það er vegna þess að Evrópusambandið er tollabandalag.

ENGIR TOLLAR ERU LAGÐIR Á ÞÆR VÖRUR SEM FLUTTAR ERU MILLI LANDA INNAN SAMBANDSINS.

Gengi Ísland í Evrópusambandið yrðu TOLLAR á vörur frá Evrópusambandsríkjum FELLDIR NIÐUR en þaðan kemur ríflega helmingur alls innflutnings."

"Þannig eru lagðir þrjátíu prósenta tollar á kjöt, mjólkurvörur og egg, tuttugu prósent á sætabrauð og kex, fimmtán prósent á fatnað og sjö og hálft prósent á heimilistæki."

21.6.2009: Hver yrðu áhrif aðildar á íslenska neytendur?

[Jón Valur Jensson, 23.11.2011 kl. 13:03]

"EINSTAKA vörutegundir gætu lækkað um ALLT AÐ tuttugu og fimm prósent, segir hún Eva Heiða, en það segir ekkert til um neina meðallækkun, og þetta er bara MÖGULEIKI ("geta ... "), "en mest yrði lækkunin á landbúnaðarvörum," er bætt við, og þá má bæta því við, að það myndi útheimta enn meiri styrki til íslenzks landbúnaðar, eins og kom fram fyrir fáeinum dögum, nokkra milljarða til viðbótar frá ísl. skattgreiðendum, eigi hann ekki að hrynja og fyrirtækin með og atvinna hundraða manna eða þúsunda.

Samanburðurinn um daginn milli verðlags á Íslandi og meðalverðs í Esb. var út í hött. Það ætti að bera saman við meðalverð í NV-hluta Esb., ekki alls Esb (með sitt lága kauplag og verðlag í S-, Mið- og A-Evrópu. Þetta er til þess eins fallið að blekkja fólk að vera með þennan eilífa falska samanburð ykkar við "meðalverð í Evrópusambandinu". Það kom fram um daginn, að meðalverð í Svíþjóð og Finnlandi var miklu nær okkar en "meðalverð í Evrópusambandinu", og í Danmörku var verðlagið mjög nálægt okkar (mig minnir 2% lægra, þetta er í blöðum í síðustu viku). Þar að auki er Ísland sáralítill markaður og vegalengdir langar, og flutningskostnað losnum við ekki við á innfluttum vörum, þannig að ævinlega verður verðlagið hér ívið hærra af þeim sökum.

Hættu að blekkja fólk, Steini, með villandi "upplýsingum"!

[Jón Frímann Jónsson, 23.11.2011 kl. 14:14]

Verðlag er lægra í aðildarríkjum Evrópusambandsins. Það þarf ekki að fara lengra en til Danmerkur til þess að sjá það.

Ég á kassakvittun upp á það.

[Þorsteinn Briem, 23.11.2011 kl. 14:58]

Erlendir ferðamenn koma EKKI til Íslands vegna þess að ódýrara sé að ferðast hingað en til Evrópusambandslandanna eða á milli þeirra.

Erlendum ferðamönnum fjölgaði mest hérlendis á síðasta áratug þegar íslenska krónan var hátt skráð, á árunum 2006 og 2007.

Ferðaþjónusta á Íslandi í tölum - Febrúar 2010, sjá bls. 9

Árið 2006 var verðlag hérlendis 61% HÆRRA en að meðaltali í Evrópusambandslöndunum, borið saman Í EVRUM.

Hagstofa Íslands - Evrópskur verðsamanburður á mat, drykkjarvöru og tóbaki

Við Íslendingar kaupum hins vegar matvörur og aðrar vörur hér í íslenskum krónum en EKKI í evrum og árið 2009 komu 65% af innflutningi hér frá Evrópska efnahagssvæðinu en 84% af útflutningi héðan fóru þangað.

Gengi evrunnar gagnvart íslensku krónunni hefur HÆKKAÐ um 114% frá ársbyrjun 2006.

KOSTNAÐUR ferðaþjónustunnar hérlendis, til dæmis vegna bifreiða, bensín- og olíukaupa, hefur því AUKIST GRÍÐARLEGA frá árunum 2006 og 2007.

Og það á að sjálfsögðu einnig við um önnur íslensk fyrirtæki, þannig að þau hafa síður efni á að fjárfesta og ráða nýtt starfsfólk VEGNA ÞESS að gjaldmiðill okkar íslendinga er íslensk króna en ekki evra.

Frá því evruseðlar voru settir í umferð í ársbyrjun 2002 hefur gengi evrunnar gagnvart Bandaríkjadal HÆKKAÐ um 50% og við Íslendingar kaupum til að mynda olíu í Bandaríkjadollurum.

"Sauðfjárbændur hafa tekið á sig verulegar aðfangahækkanir undanfarin ár.

Áburðarverð hefur þrefaldast, olía rÍflega tvöfaldast og rekstrarkostnaður í heild hækkað um rúm 170% frá 2005."

16.7.2011: Sauðfjárbændur svara Gylfa Arnbjörnssyni

[Jón Valur Jensson, 23.11.2011 kl. 15:01]

Kassakvittun er engin allsherjarsönnun, JFJ !

Svo eru til misdýrar búðir í báðum löndunum.

JVJ var að reyna að glíma við mikilvæg atriði, sem ég setti fram um grundvallarmál hér á annarri vefslóð, sem var að lokast á innlegg, þannig að svari hans, sem barst loksins rétt áðan, gat ég ekki svarað, svar mitt náði ekki inn vegna sjálfkrafa, tímastilltrar lokunar. Þetta voru þau mikilvægu atriði frá mér:

"1. Við yrðum að samþykkja alla sáttmála og ÖLL LÖG og ALLT REGLUVERK Evrópusambandsins án undantekninga (ólíkt því sem nú er).

2. Ef það laga- og regluverk rekst í einhverjum atriðum á íslenzk lög, núgildandi jafnt sem viðleitni Alþingis til nýrrar lagasetningar, þá skuli íslenzku lögin VÍKJA.

3. Túlkun á misræmi milli íslenzkra og Esb-laga yrði alveg í höndum Esb., aldrei t.d. í höndum Hæstaréttar Íslands, en æðsta yfirvald Esb-dómstóllinn.

4. Ráðherraráðið getur breytt eða afnumið "regluna" um hlutfallslegan stöðugleika fiskveiða og eins margfaldað tímalengd veiðireynslu-viðmiða hinna ýmsu fisktegunda.

5. Esb-íbúar geta, eftir inngöngu=innlimun Íslands keypt sig inn í íslenzkar útgerðir eða keypt þær upp.

6. Ritstjórinn Ólafur Þ. Stephensen hefur í leiðara lýst sig samþykkan því, að þetta atriði nr. 5 fái hér fram að ganga, lízt bara vel á !"

Svar JFJ við þessu er þarna, en svar mitt, sem nápi ekki inn, er hér:

JFJ, svar:

við nr. 1: Ég var ekki að tala um EES eða EFTA, heldur ákvæði aðildarsamnings við Esb. um æðstu löggjöf og sjálfkrafa (án viðkomu í Alþingi) samþykkt á ÖLLU laga- og reglugerðarverki Esb.! Þú svarar engu um það!

2. Rangt svar hjá þér, og það sem tekur til EES, tekur ekki til landbúnaðar- og sjávarútvegs- og fleiri mála. ÖLL íslenzk lög, sem nú gilda eða reynt verður að setja, munu VÍKJA (ekki gilda), ef þau rekast á einhver Esb-lög.

3. Túlkunin yrði hjá Esb. og dómstólnum þar, og það tekur til ALLRA þessara laga sem ég ræddi um og m.a. á fiskveiðisviðinu. Þú víkst undan að viðurkenna þetta með eilífu snakki um EFTA og EES.

4. Reglan um hlutf. stöðugleika var samþykkt í ráðherraráðinu, og frá því einu sér koma mörg lög og reglur Esb. En skoðum það betur.

5. Þú réttlætir kaup útlendinga á útgerða-hlut hér eins og Ól. Steph. gerir.

Mér er sama um 6-svarið.

[Þorsteinn Briem, 23.11.2011 kl. 15:24]

Frá áramótum hefur gengi evrunnar gagnvart Bandaríkjadollar HÆKKAÐ um 1,4%, breska sterlingspundinu um 0,67%, Kanadadollar 6,23%, íslensku krónunni 4,06%, sænsku krónunni 3,1% og norsku krónunni 0,27% en lækkað um 4,05% gagnvart japanska jeninu og svissneska frankanum 1,17%.

Og frá ársbyrjun 2006 hefur gengi evrunnar gagnvart íslensku krónunni HÆKKAÐ um 114,01%.

[Jón Valur Jensson, 23.11.2011 kl. 15:31]

Lítinn tíma hafði ég þarna til svarsins, sem náði svo ekki inn, og það er vitaskuld fleira athugunarvert við svar JFJ. –En þannig endar það reyndar, og sýnir hann þar sérstaka hæfileika sína á einu tilteknu sviði:

"Þú ert röklaus, ruglaður maður og hefur alltaf verið það. Menn sem lifa eins og þú lifa lífi sem byggir á hatri og heimsku. Þetta tvennt fer vel saman í því fólki sem það fær að blómstra."

Mjög sómasamlegur og fimur rökhyggjumaður hann Jón Frímann!

Eitt í svari hans:

"Samkvæmt sáttmálum ESB þá hafa allir ráðherrar seturétt og ákvarðanarrétt á þessum fundum ef það varðar þeirra málaflokk. Þessi fullyrðing þvín er því ekkert nema hreinræktuð lygi." – En þetta (sem er rétt) um setuna skiptir bara engu máli. Þótt ísl. ráðherrann á viðkomandi sviði myndi sitja þarna í ráðherraráðinu (þ.e. ef Ísland væri í Esb-gímaldinu) væri atkvæðavægi hans aðeins 1/1666 eða 0,06% (frá 1. nóv. 2014).

Um 5. atriði mitt segir hann: "Íslenskar útgerðir hafa núna undanfarin áratug (frá því að Ísland gekk í EES) keypt sig inn í erlendar útgerðir innan Evrópusambandsins og eru þar stóreigendur að þeim kvóta sem þar er úthlutaður. Þetta hérna atriði er því bara hræðsluáróður."

En JFJ sannar það ekki með þessum óhyggnu orðum sínum. Spænski flotinn einn er það stór, að hann yrði sannarlega mikil hætta fyrir okkur, einnig sá danski og hvað þá sameinað afl fleiri fiskveiðilanda. Jafnvel Ítalir kæmu hingað að veiða, eins og þeir eru byrjaðir á fyrir nokkrum árum í sænskri/nú Esb-fiskveiðiögsögu!

Endir, og ég hef ekki næstu tímana í svör, ef mér er svarað, einhver annar getur tekið við keflinu!

[Þorsteinn Briem, 23.11.2011 kl. 16:21]

Það væri nú harla einkennilegt ef GRÍÐARLEG LÆKKUN á gengi íslensku krónunnar undanfarin ár hefði EKKI valdið mikilli verðbólgu hérlendis.

FLEST aðföng og vörur hér eru INNFLUTTAR og þegar gengi íslensku krónunnar LÆKKAR, til að mynda gagnvart evrunni, þarf að sjálfsögðu að greiða fleiri krónur fyrir hverja evru.

Þar af leiðandi HÆKKAR verð á vörum frá evrusvæðinu í verslunum hérlendis, svo og verð á vörum framleiddum með aðföngum frá evrusvæðinu, verðbólgan hér EYKST því og VERÐTRYGGÐ LÁN HÆKKA.

Frá ársbyrjun 2006 hefur gengi evru gagnvart íslensku krónunni HÆKKAÐ um 114%.

Og hlutfall evrusvæðisins í útflutningsvog Seðlabanka Íslands árið 2010, byggðri á vöru- OG þjónustuviðskiptum árið 2009, var 52% en vöruviðskiptum 60%.

[Jón Frímann Jónsson, 23.11.2011 kl. 16:22]

Jón Valur, fleiri lygar og blekkingar hjá þér. Hérna er fínt og flott yfirlit yfir þá lagakafla sem EES samningurinn nær til. Þetta kemur vel fram í aðildarviðræðunum. Þetta er í reynd rúmlega 2/3 hlutar af lögum ESB sem íslendingar eru nú þegar búnir að taka upp.

Bara Samherji á Íslandi er með þúsundir tonna af fiskveiðikvóta innan Evrópusambandsins í gegnum dótturfélög sín. Þetta kemur vel fram í þessari hérna frétt.

Þær fullyrðingar sem Jón Valur setur fram um Ráðherraráð ESB eru rangar. Einfaldast er að benda á reiknivél Ráðherraráð ESB varðandi atkvæðavægi því máli til sönnunar. Síðan er upplýsingavefsíða ESB um Ráðherraráð ESB hérna.

Hvað fullyrðingar Jóns Vals varðar. Þá hefur hann engar heimildir eða sönnunargögn máli sínu til stuðnings, og hefur aldrei haft það.

[Ólafur Björn Ólafsson, 23.11.2011 kl. 16:24]

Ef verðlag er allmennt lægra í ESB Jón Frímann hvernig stendur þá á því að ég á kassakvittanir sem sanna það gagnstæða???

Þessar kassakvittanir eru frá Póllandi.

Ég á líka kassakvittanir frá því að Pólland var ekki í ESB og þær sýna svo ekki verði um villst að verðlag hækkaði töluvert í Póllandi eftir inngöngu í ESB...

En svo eins og Jón Valur segir þá er kassakvittun engin allsherjar sönnun...

Með kveðju

Kaldi

[Sleggjan og Hvellurinn, 23.11.2011 kl. 16:25]

Ef tollur á vörum fellur niður þá lækkar verð.

Það er bara fáránlegt að vera ræða þetta eitthvað frekar.

[Jón Frímann Jónsson, 23.11.2011 kl. 16:27]

Það má líka benda á þessa hérna vefsíðu. Þar sem vægi atkvæða er útskýrt í Ráðherraráði Evrópusambandsins. Ísland mundi fá þar jafn mörg atkvæði og Matla, eða þrjú.

Þarna sést lygin í fullyrðingu Jóns Vals mjög vel.

[Þorsteinn Briem, 23.11.2011 kl. 16:28]

Árið 2006 var verðlag hérlendis 61% HÆRRA en að meðaltali í Evrópusambandslöndunum, borið saman Í EVRUM.

Hagstofa Íslands - Evrópskur verðsamanburður á mat, drykkjarvöru og tóbaki

Við Íslendingar kaupum hins vegar matvörur og aðrar vörur hér í íslenskum krónum en EKKI í evrum og árið 2009 komu 65% af innflutningi hér frá Evrópska efnahagssvæðinu en 84% af útflutningi héðan fóru þangað.

Og gengi evrunnar gagnvart íslensku krónunni hefur HÆKKAÐ um 114% frá ársbyrjun 2006.

[Jón Frímann Jónsson, 23.11.2011 kl. 16:28]

Ólafur, Verðlag hækkaði í nýjum aðildarríkjum Evrópusambandsins. Aftur á móti hækkuðu einnig laun og kaupmáttur jókst á sama tíma að auki. Þannig að fullyrðing þín stenst ekki nánari skoðun.

[Þorsteinn Briem, 23.11.2011 kl. 16:35]

Ráðherra byggðamála í Póllandi þakkar byggðastefnu Evrópusambandsins stóran hluta hagvaxtar í landinu undanfarin ár.

Ráðherrann segir öll aðildarríki sambandsins, gömul og ný, hagnast á byggðastefnunni.

Pólverjar tóku 1. júlí síðastliðinn við forsæti í ráðherraráði Evrópusambandsins.

Pólland þiggur mest allra aðildarríkjanna af byggðastyrkjum, 67 milljarða evra á árunum 2007 til 2013.

Markmið byggðastefnu Evrópusambandsins eru að jafna lífsgæði milli svæða innan sambandsins en það er gert með styrkjum til ýmissa grundvallarverkefna.

Elzbieta Bienkowska, ráðherra byggðamála í Póllandi, segir framlögin hafa nýst með margvíslegum hætti, til að mynda nýsköpunar, aukinnar menntunar og háskólanna á ýmsum sviðum.

"Þetta hefur komið sér vel fyrir pólskan efnahag. Helmingur vaxtar á vergri landsframleiðslu, sem var tvö til þrjú prósent á síðasta ári í Póllandi, helgast af þessum fjárframlögum Evrópusambandsins til byggðamála."

Hún telur ný aðildarríki geta haft mikinn hag af byggðaáætlunum Evrópusambandsins.

"Þessa styrki má sérsníða að þörfum og sjónarmiðum hvers svæðis og ríkis fyrir sig og þetta er góð stefna fyrir Ísland.

Mér skilst að Pólverjar séu stærsti hópur innflytjenda þar."

[Þorsteinn Briem, 23.11.2011 kl. 16:38]

Nefndarálit meirihluta utanríkismálanefndar Alþingis um aðild Íslands að Evrópusambandinu:

Byggðamál:

"Er einboðið að sveitarfélögin gegni lykilhlutverki í viðræðum um byggðamál, enda verða hagsmunir sveitarfélaga og byggða ekki aðgreindir. Að mati meiri hlutans þarf að tryggja byggða-, umhverfis-, atvinnu-, og nýsköpunarstuðning til dreifðra byggða.

Allt frá því að stækkunarferli Evrópusambandsins hófst í byrjun sjöunda áratugar síðustu aldar hefur sambandið haft í forgrunni efnahagslega uppbyggingu á þeim svæðum aðildarríkjanna sem lakast standa efnahagslega.

Nú er gert ráð fyrir að á tímabilinu 2007 til 2013 verði varið alls 350 milljörðum evra til málaflokksins.

Stærsti hluti þess fjár rennur til nýrra ríkja Evrópusambandsins í Austur-Evrópu sem lakast standa efnahagslega, auk Spánar, Portúgals, Grikklands og Möltu.

Auk þess eru verulegir fjármunir til ráðstöfunar í öðrum aðildarríkjum Evrópusambandsins á tilteknum forsendum sem meðal annars mundu ná til Íslands að óbreyttum reglum.

Meiri hlutinn bendir á að Ísland hefur lagt sitt af mörkum í þessu efni allt frá gildistöku EES-samningsins með fjárframlögum í þróunarsjóð EFTA sem veitt hefur fjármagn til þessara sömu ríkja og svæða innan Evrópusambandsins.

Hins vegar hafa svæði á Íslandi í sambærilegri stöðu ekki notið aðgangs að slíku fjármagni með sama hætti."

[Jón Valur Jensson, 23.11.2011 kl. 16:48]

Hef ekki tíma til neinna svara hæer, sem muni um.

Hef verið að ræða síðustu daga um verðbólgu- og gengismál við Steina á annarri síðu þessara samtaka, vísa til þess í bili.

En stórmælismaðurinn JFJ þykist bera sig hér undan meintum "lygum" mínum og svarar, um atkvæðavægi í ráðherraráði Esb, einn alvoldugustu valdastofnun þar og með löggjafarvald): "Það má líka benda á þessa hérna vefsíðu. Þar sem vægi atkvæða er útskýrt í Ráðherraráði Evrópusambandsins. Ísland mundi fá þar jafn mörg atkvæði og Matla, eða þrjú."

Þetta frá honum um atkvæðavægið er rétt NÚNA, en yrði það EKKI frá og með 1. nóv. 2014 skv. samþykktu ákvæði Lissabon-sáttmálans.

Þegar JVJ veit jafnvel ekki þetta, veit hann þá nokkuð í sinn haus um aðalatriði þessa máls?

[Jón Valur Jensson, 23.11.2011 kl. 16:50]

Þarna átti vitaskuld að standa:

Þegar JFJ veit jafnvel ekki þetta, veit hann þá nokkuð í sinn haus um aðalatriði þessa máls?

[Jón Valur Jensson, 23.11.2011 kl. 17:06]

Það eru 708 dagar til 1. nóv. 2014. Flesta þá daga (sennilega og vonandi þá alla) verður Ísland utan Evrópusambandsins. Samt er JFJ að reyna að halda því fram, að það valdahlutfall, sem NÚ er í ráðherraráðinu, en umbyltist 1. nóv. 2014 í þágu STÓRÞJÓÐANNA, muni verða það, sem Ísland fái að búa þar við! Þetta eru stóra blekkingar. Atkvæðavægi Möltu er þar nú 0,8%, en hrapar um 90,8%, niður í 0,87% hinn 1. nóv. 2014. Okkar atkvæðavægi yrði 0,06% fræa sama degi.

[Þorsteinn Briem, 23.11.2011 kl. 17:11]

ÍSLENSK SVEITARFÉLÖG Í EVRÓPUSAMBANDINU.

RÚMLEGA ÞRIÐJUNGI af fjárlögum Evrópusambandsins, um 347 milljörðum evra, verður varið til BYGGÐAMÁLA á tímabilinu 2007-2013.

Byggðaþróunarsjóður.

Sjóðnum er ætlað að jafna stöðu einstakra svæða. Áhersla er til dæmis lögð á nýsköpun í þekkingariðnaði og rannsóknum, umhverfismál og samgöngur en sérstök áhersla er lögð á dreifbyggð svæði og erfið.

Samstöðusjóður.

Sjóðnum er ætlað að styrkja ríki sem verða fyrir verulegu tjóni af völdum náttúruhamfara, til dæmis veðurs.

Aðlögunarsjóður.

Sjóðnum er ætlað að styrkja væntanleg aðildarríki og veita þeim aðstoð við að undirbúa og uppfylla ýmis nauðsynleg skilyrði fyrir inngöngu í Evrópusambandið.

Félagsmálasjóður.

Sjóðnum er ætlað að jafna félags- og fjárhagslega stöðu íbúa í álfunni. Áhersla er lögð á ýmiss konar menntun og að styrkja stöðu hópa sem eiga undir högg að sækja, til dæmis innflytjenda, fatlaðra, ungs og gamals fólks á vinnumarkaði.

Landbúnaðarsjóður.

Sjóðurinn skiptist í tvennt, annars vegar er um að ræða styrki til bænda og hins vegar styrki til dreifðra byggða.

Styrkir til sjávarbyggða.

Evrópusambandið veitir styrki til sjávarbyggða úr sjóði sem heitir European Fisheries Fund og stuðningurinn byggir á fjórum stoðum:

• Aðlögun flotans.

• Fiskeldi, vistvænar veiðar, vöruþróun og markaðssetning.

• Veiðistjórnun og öryggismál.

• Stuðningur við byggðir sem eru að verulegu leyti háðar fiskveiðum og til að stuðla þar að fjölbreyttari atvinnuvegum.

Íslensk sveitarfélög í Evrópusambandinu

[Ólafur Björn Ólafsson, 23.11.2011 kl. 17:12]

JFJ, reyndu að átta þig á því að ég veit meira um Pólland en þig dreymir. Kaupmáttur hefur rýrnað svakalega í Póllandi eftir inngönguna enda hækkaði vöruverð en laun stóðu í stað.

Ég hef reynt að segja þér það áður, en svo virðist sem það komist ekki að í kollinum á þér.

Meir að segja bensín var dýrara í Póllandi nú í sumar en hér á landi, ég á mynd því til sönnunar. Hún er samt ekki heilagt sönnunargagn.

Ég á tengdaforeldra í Póllandi og nánast öll tengdafjölskyldan býr þar svo ég fæ mínar upplýsingar þaðan og eins frá vinum og kunningjum sem búa víðsvegar um Pólland. Sem betur fer þá eru Pólverjar ekki með evruna sem gjaldmiðil.

Þegar ég er í Póllandi þá er ég aðallega á bóndabýli tengdaforeldranna og þar er ég að vinna. Þarf þó oft að bregða mér bæjarleið til annarra athafna svo ég geti sagt að ég hafi farið í frí.

Ég er mjög oft í Póllandi og versla mikið fyrir býli það er við höfum þar, og kynnist því verðlaginu af egin raun. Það er svo að ef ég væri ekki með handbærann sparnað sem ég hafði áætlað þá væri minna gert en ella, enda Pólland í ESB. Fyrir tíma ESB í Póllandi þá þurfti Ég ekki að spara eins mikið og allir í tengdafjölskyldunni höfðu nóg, annað en reyndin er í dag, svo ekki reyna að rengja mig Jón Frímann Jónsson...

Kaldi

[Þorsteinn Briem, 23.11.2011 kl. 17:18]

Nefndarálit meirihluta utanríkismálanefndar Alþingis um aðildarumsókn Íslands að Evrópusambandinu:

"Um 6% af útgjöldum Evrópusambandsins renna til reksturs stofnana sambandsins.

Um 45% renna til landbúnaðar í aðildarríkjunum, 1% til ríkisstyrkja í sjávarútvegi og 39% til uppbyggingarsjóða.

Og um 7% fara í málefni sem Ísland tekur nú þegar þátt í samkvæmt EES-samningnum."

"Nefndin fjallaði um mögulegan kostnað Íslands við aðild að Evrópusambandinu og í því samhengi hvernig greiðslum aðildarríkja til sambandsins er háttað.

Við mat á kostnaði er nauðsynlegt að taka tillit til greiðslujöfnuðar við Evrópusambandið en með því er átt við svokallaðar nettógreiðslur.

Nettóframlag aðildarríkja eða nettógreiðslur eru greiðslur hvers aðildarríkis til ESB að frádreginni heildarfjárhæð styrkja sem koma til baka úr sjóðum Evrópusambandsins til verkefna í aðildarríkinu."

"Meirihlutinn telur rétt að benda á að Ísland greiðir árlega háar fjárhæðir til stofnana EES-samningsins og í þróunarsjóð EFTA-ríkjanna."

"Beinn kostnaður árið 2007 var áætlaður rúmlega 1,3 milljarðar króna.

En vegna gengisbreytinga telur meiri hlutinn raunhæft að tvöfalda þá upphæð og því megi segja að rúmlega 2,5 milljarða króna útgjöld falli niður á ári verði af aðild Íslands að Evrópusambandinu."

[Jón Valur Jensson, 23.11.2011 kl. 17:23]

Kaldinn er góður ...

og Steini heldur áfram að copy-peista. Hann virðist gleyma því, að skattar nú eru ekki skattar ársins 2020. Stórríkið á eftir að auka umsvif sín, ekki minnka.

[Þorsteinn Briem, 23.11.2011 kl. 17:42]

21.11.2011 (síðastliðinn mánudag):

"Verðbólgan hér á Íslandi er 5,3 prósent um þessar mundir, sem er nokkuð umfram 2,5 prósent markmið Seðlabanka Íslands.

Ekkert land sem notar evruna er með meiri verðbólgu en evrulandið sem glímir við mesta verðbólgu er Belgía með 3,6 prósent. Á evrusvæðinu í heild nemur hún 3 prósentum.

Tvö Evrópuríki sem ekki notast við evruna eru hins vegar með verri verðbólgutölur en það eru Rússland og Tyrkland, sem eru með 7 til 8 prósent verðbólgu.

Verðbólgan hér á Íslandi er mikil á heimsmælikvarða

[Jón Frímann Jónsson, 23.11.2011 kl. 18:31]

Ólafur, Annað segja nú gögn frá Eurostat, þau er hægt að skoða hérna (LCI fyrir árið 2010) og hérna (GDP fyrir árið 2010).

Jón Valur, Ennþá heldur þú uppi lygaáróðri og blekkingum. Árið 2014 tekur bara þessi hérna breyting gildi.

"The standard system of voting in the Council of Ministers will be “Qualified majority voting” (QMV). It will be based on the principle of the double majority. Decisions in the Council of Ministers will need the support of 55% of Member States (currently 15 out of 27 EU countries) representing a minimum of 65% of the EU's population. To make it impossible for a very small number of the most populous Member States to prevent a decision from being adopted, a blocking minority must comprise at least four Member States; otherwise, the qualified majority will be deemed to have been reached even if the population criterion is not met.

The European Council agreed that the new system will take effect in 2014. In the first three years, until 2017, a Member State may request that an act be adopted in accordance with the qualified majority as defined in the current Treaty of Nice."

Tekið héðan.

Samkvæmt því sem kemur fram hérna. Þá verður vægi atkvæða Íslands ef það gengur í ESB það sama og vægi atkvæða Möltu og Lúxemborgar (stofnríki að ESB). Það vægi er 0.1%.

Fullyrðingar þínar standast þarna ekki frekar en áður, og ennþá ertu heimildarlaus um þær fullyrðingar sem þú setur fram hérna um Evrópusambandið.

[Ólafur Björn Ólafsson, 23.11.2011 kl. 18:58]

Enn og aftur Jón Frímann Jónsson, Það er ekki endalaust hægt að horfa á tölur sem skáldaðar eru á pappír til þess eins ætlaðar að vera áróðursgagn.

Ég horfi á pyngjuna þegar ég met stöðu mála, ef pyngjan er létt þá er hart í ári. Ef svo vel vill til að pyngjan er þung og yfirfull þá árar vel. En nú ber svo við að síðan Pólland, gekk inní þetta ESB hefur pyngjan verið að léttast og léttast hjá tengdó.

Einnig hefur pyngjan verið að léttast hjá fyrirtækjum sem eru starfrækt í Póllandi og ég þekki töluvert til vegna tengsla við tengdafjölskylduna. Allt er þetta að gerast frá því að Pólland gekk í ESB.

Og nú Jón Frímann Jónsson, Það er ekkert áróðursblað sem bítur á staðreyndir sem ég er búinn að reyna sjálfur í ESB landinu Póllandi og gildir einu hvort um einhvern ráðherra sé að ræða þegar vitnað er í plögg sem hafa enga þýðingu fyrir neinn nema pólitíkusa sem vilja fegra sig og sína.

Þetta er þekt aðferð fyrir kosningar hér á Íslandi og er mér óskyljanlegt hversvegna menn bíta á agnið trekk í trekk, nema búið sé að heilaþvo þá svo enga skynsemi er lengur að finna.

Með kveðju

Kaldi

[Jón Frímann Jónsson, 23.11.2011 kl. 19:27]

Ólafur, Þessar tölur eru ekkert skáldaðar. Þetta er mæling samkvæmt föstum reglum þar um.

Mér kemur lítið við þó svo að þú skiljir þetta ekki.

[Þorsteinn Briem, 23.11.2011 kl. 19:33]

LÁNTAKA HÉRLENDIS.

Frá maí 2006 til maí 2010 hækkaði vísitala neysluverðs hér um 41%, úr 258,9 í 365,3.

"Árið 1995 voru sett lög um vísitölu neysluverðs, nr. 12/1995 og leysti hún vísitölu framfærslukostnaðar af hólmi. Þá var jafnframt ákveðið með lögum um vexti og verðtryggingu, nr. 38/2001 að nota vísitölu neysluverðs eina til verðtryggingar."

[Þorsteinn Briem, 23.11.2011 kl. 19:34]

KAUPMÁTTUR HÉRLENDIS.

Frá maí 2006 til maí 2010 LÆKKAÐI hér vísitala kaupmáttar launa um 9%, úr 113,9 í 103,9.

En á sama tíma HÆKKAÐI hér vísitala neysluverðs um 41%. (Sjá athugasemd hér að ofan.)

Hagstofa íslands - Vísitala kaupmáttar launa 1989-2010

Hagstofa Íslands - Vísitala neysluverðs 1988-2010

[Sleggjan og Hvellurinn, 23.11.2011 kl. 23:54]

ólafur

þín tendarfjölskylda er ekki beint slembi úrtak úr póslku þjóðinni.

þessi pingjuhagfræði hjá þér er bara kjánaleg

"Since 2004, EU membership and access to EU structural funds have provided a major boost to the economy."

https://www.cia.gov/library/publications/the-world-factbook/geos/pl.html

[Sleggjan og Hvellurinn, 24.11.2011 kl. 00:04]

þjóðarframleiðsla á mann í póllandi var 10310 árið 2000 en 18981 árið 2010 þegar Pólland er komið í ESB.  Þetta er næstum tvöföld hækkun.

http://www.indexmundi.com/poland/gdp_per_capita_%28ppp%29.html

[Jón Valur Jensson, 24.11.2011 kl. 06:13]

Ég var fjarri góðu gamni og gat ekki svarað fyrr en nú.

Jón Frímann Jónsson skrifar hér jafnan með miklum bægslagangi og stórorðum yfirlýsingum gegn andstæðingum sínum, eins þótt þeir séu einfaldlega að reyna að koma sannleikanum til skila.

Hann sniðgengur þessi orð í greininni á Wikipediu sem hann vísar þó til: "Hence, the voting powers of the member states are based on their population." Atkvæðisrétturinn verður í réttu hlutfalli við íbúafjöldann, enda segir í 238. gr. , 3. tölulið: "Frá 1. nóvember 2014 og með fyrirvara um ákvæðin sem mælt er fyrir um í bókuninni um bráðabirgðaákvæði skal skilgreina aukinn meirihluta með eftirfarandi hætti þegar þeir sem eiga sæti í ráðinu taka ekki allir þátt í atkvæðagreiðslu samkvæmt sáttmálunum: a) Aukinn meirihluti skal skilgreindur sem a.m.k. 55% þeirra sem sæti eiga í ráðinu fyrir hönd aðildarríkja sem taka þátt í atkvæðagreiðslunni, enda skipi meirihlutann fulltrúar a.m.k. 65% af íbúafjölda þessara ríkja." Þetta síðastnefnda þýðir beinlínis hlutfallslegt atkvæðavægi miðað við stærð þjóðanna.

En íbúafjöldi Möltu og Lúxemborgar er ekki sá sami, Malta með um 406 eða 410 þúsund íbúa, en Lúxemborg um 490.000. Þetta kemur skýrar fram í töflunni með grein Haraldar Hanssonar: Ísland svipt sjálfsforræði, heldur en í töflunni 'Voting weights in both the

Council of Ministers and the European Council' í Wikipediu-greininni, enda er aðeins einn aukastafur notaður í þeirri síðari, en tveir hjá Haraldi, sem þannig er því með nákvæmari upplýsingar. Rétt hlutfall Lúxemborgar er (frá 1.11. 2014) o,10%, en Möltu 0,08% (umskrifað í 0,1% í Wikipediu-greininni).

Jón Frímann gefur sér, að atkvæðavægi Íslands yrði það sama og Möltu og Lúxemborgar ("Þá verður vægi atkvæða Íslands ef það gengur í ESB það sama og vægi atkvæða Möltu og Lúxemborgar (stofnríki að ESB). Það vægi er 0.1%.") og lætur sem það standi í heimild hans, en ekkert er um það í heimildinni! Þvert á móti er þar talað um, að vægið verði í hlutfalli við fólksfjölda, og hann er svo miklu minni hér en í smáríkinu Möltu, að við fengjum aðeins 0,06% atkvæðavægi.

Jón á ekki að treysta svona á Wikipediu eða lesa svona einfeldningslega út úr henni – og má sannarlega lesa textann betur, ekki bara skoða ónákvæma töfluna!

Það er því laukrétt sem ég sagði, að atkvæðavægi Íslands yrði einungis 0,06% í ráðherraráðinu og eins í leiðtogaráði Esb. (European Council, sem ekki má rugla saman við Evrópuráðið [allrar Evrópu], sem á ensku heitir líku nafni og hið fyrrnefnda: Council of Europe).

En lítum svo á annan handlegg þessara atkvæðagreiðslumála, sem er ekki síður alvarlegur (geri það í öðru innleggi).

[Jón Valur Jensson, 24.11.2011 kl. 06:21]

Fyrst þetta þó: Smávægilegt misræmi er milli töflu Haraldar og Wikipediu varðandi stærstu þjóðirnar. Sú síðarnefnda segir Þjóðverja fá 16,% vægi í Ráðinu (ráðherraráðinu) og leiðtogaráðinu, en Haraldur segir 16,41%. Þetta gæti stafað af heldur meiri fólksfjölgun í Þýzkalandi en annars staðar, en hitt er þó sennilegra, að allar tölur hafi verið færðar upp í hærri aukastafinn (Frakkar með 12,88%---> 12,9%, Bretar með 12,33---> 12,4% o.s.frv.), og eftir því er eðlilegt, að þessi ónákvæma Wikip.tafla hækki einnig það, sem væri fyrir neðan 0,05% upp í 0,1%.

[Jón Valur Jensson, 24.11.2011 kl. 06:24]

Annars er hlálegt að sjá JFJ miklast hér af því, að Ísland fengi þarna 0,1% atkvæðavægi (einn þúsundasta), eins og það sér eitthvað til að guma af, og svo er jafnvel það ekki einu sinni rétt, því að vægið yrði 0,06% eða 1/1666 !

En getur verið að Ísland ætti sér samt einhverjar varnir í neitunarvaldi, með tilstyrk annarra? Skoðum það næst.

[Jón Valur Jensson, 24.11.2011 kl. 06:28]

Ath.: Ég gleymdi áðan að setja inn tengilinn á Lissabon-sáttmálann (í íslenzkri bráðabirgðaþýðingu utanríkisráðuneytisins.

Þar sem stóð í 2. klausunni kl. 6.13:

"... enda segir í 238. gr. , 3. tölulið:"

þar átti að standa:

"... enda segir í 238. gr. Lissabonsáttmálans, 3. tölulið:"

[Jón Valur Jensson, 24.11.2011 kl. 06:49]

Ekkert neitunarvald fær EITT ríki þarna í ráðherraráðinu skv. þessum grunnlögum Esb., jafnvel ekki tvö eða þrjú, heldur þurfa þau að vera fjögur a.m.k. og þó með afar ströngum skilmálum, sjá hér í 3. tölulið 238. greinar Lissabon-sáttmálans, í beinu framhaldi af fyrri tilvitnun í þann lið: "Til þess að minnihluti geti stöðvað framgang máls verður að skipa hann a.m.k. minnsti fjöldi þeirra sem eiga sæti í ráðinu og eru fulltrúar yfir 35% af íbúafjölda í aðildarríkjum sem taka þátt í atkvæðagreiðslunni, að viðbættum einum fulltrúa, en að öðrum kosti telst aukinn meirihluti hafa náðst."

En gæti þá Ísland ekki beitt neitunarvaldi, ef norrænu rikin (D, S, F) greiða atkvæði með Íslendingum, t.d. til að koma í veg fyrir árás á okkar fiskimið? –Nei, því að þau ríki ráða þá (eftir 1.11.2014) samanlögð einungis 4,02% atkvæða í Ráðinu! (1,85+1,10+1,07% respective). Jafnvel þótt Eistland, Lettland og Litháen bættust öll í stuðningshópinn (alls 1,5% vægi þeirra þriggja skv. Wikipediu-töflunni, raunar ekki nema 1,39% skv. hinni nákvæmari töflu Haraldar) og að þar að auki myndum við vænta vinagreiða frá bæði Írum og Pólverjum, en síðarnefnda þjóðin er sú 6. stærsta í Esb., þá dygði það hvergi nærri til, því að Írar hefðu þar 0,89% vægi, en Pólverjar 7,63%. Samtals, með Íslendingum, hefðu þessar NÍU þjóðir ekki nema um 14% atkvæðavægi -- ekki helminginn af tilskildum 35% skv. ákvæðum Lissabon-sáttmálans!

Að ganga í slíkt bandalag upp á þessi býti jafngildir landráðum að mínu mati -- við hefðum ekkert vald yfir löggjöf fyrir land okkar, þeirri sem samin yrði í Brussel (í ráðherraráðinu), jafnvel ekki með tilstyrk helztu meintu vinaþjóða okkar!

[Ólafur Björn Ólafsson, 24.11.2011 kl. 10:46]

Þó að ég minnist töluvert á tengdafjölskyldu mína í Póllandi þá er ekki þar með sagt að mín viðskipti þar ytra tengist henni engöngu.

Mín pyngjuhagfræði er mjög góð og sýnir svo ekki verði um villst hvernig hagfætinum líður. Það að hagvöxtur þjóðar sé töluverður er það aðeins útskýring á hagvexti þjóðarinnar, ekki fólksins.

Ef fólkið á að njóta hagvaxtarins þá þarf að hækka laun svo um munar. Fátækt er að aukast í Póllandi, og hagvöxtur skilar sér til fárra.

Þó að hagvöxtur hafi verið góður hér á landi fyrir kreppu þá sá ég minst af þessum hagvexti. "Hagvöxtur þjóða" er bara fyrir þá sem vilja sýnast vera góðir í ríkisfjármálum. Minn hagvöxtur er enginn og hefur ekki verið í mörg ár. Hagvöxtur þúsunda manna og kvenna í Póllandi er enginn og hefur ekki verið síðan Pólland gekk í ESB. Það hef ég frá fólki sem ég tala við þar ytra, tengdafólkið kom hvergi nærri þeim samtölum.

Enda er pyngjan notuð sem útskýring fyrir börn og þá sem ekki skilja alvöruhagfræði, samanber JFJ, SB, og fleiri "copy paste-ara".

Kaldi

[Sleggjan og Hvellurinn, 24.11.2011 kl. 11:53]

Hagvöxtur hefur aukist í Póllandi eftir inngöngu í ESB. Ef þjóðartekjurnar eru rangt skiptar þá er það ekki ESB að kenna heldur ríkisstjórninni í viðkomandi landi.

T.d er auðnum í Bretlandi annarsvegar og Svíþjóð hinsvegar er skipt mismunandi. Bæði löndin eru í ESB.

[Jón Valur Jensson, 24.11.2011 kl. 14:08]

Ef þjóðartekjum eru ranglega skipt, þá er þar EKKI endilega ríkisstjórn í viðkomandi landi einni um að kenna, S.+H. Hve mikið hefur hagvöxtur aukizt í Póllandi? Hve mikið hefur kaupmáttur fólks minnkað? Þetta (og ekki aðeins hið fyrrnefnda) eru tölur sem þyrftu að vera hér í umræðu ykkar, en ég hygg að vitnisburði Ólafs Björns, sem er vitnisburður pólskra vina hans, verði ekki auðveldlega skákað með innleggjum eins og þessu frá Sl+H. Vera má þó, að sveitirnar í Póllandi hafi orðið verr úti, en borgirnar plumi sig betur.

En ekki bólar á svari frá JFJ við innleggjum mínum, sem eru að mínu mati afsönnun á málflutningi hans og setja hann sjálfan í mjög vafasamt ljós, ekki vegna neinna stóryrða í innleggjum mínum hér snemma í morgun, heldur vegna efnislegra upplýsinga þeirra og málefnaþunga.

[Þorsteinn Briem, 24.11.2011 kl. 14:27]

"Í reglum Evrópusambandsins er tiltekið að velta sambandsins megi ekki vera meiri en 1,27% af þjóðarframleiðslu aðildarríkjanna en hún er nú rúmlega 1%.

Evrópusambandið fer með samanlagt 2,5% af opinberu fé aðildarríkjanna og ríkin sjálf þar af leiðandi 97,5%."

[Þorsteinn Briem, 24.11.2011 kl. 14:28]

Samtök iðnaðarins töldu árið 2002 að KOSTNAÐUR í íslenska hagkerfinu MINNKAÐI um allt að 44 milljarða króna Á ÁRI með aðild Íslands að Evrópusambandinu og upptöku evru.

Skýrsla Evrópunefndar lögð fram af Geir H. Haarde, þáverandi forsætisráðherra, í mars 2007