Auðlindir í hendur erlendra eigenda?

Ein helstu rök Nei-sinna gagnvart ESB, er að með aðild muni auðlindir, þar með talið þær sem leynast í jörðu verða afhentar eða settar í hendur útlendinga (les:Brussel). Athyglisverða færslu um möguleg kaup kanadíska Magma Energy á auðlindum í Svartsengi, af Reykjavíkurborg, er að finna á vef Jónasar Kristjánssonsonar, ofurbloggara og fyrrum ritstjóri í dag: Færsla hans er nákvæmlega svona:

18.08.2009
Hægri menn selja landið
Róttæka hægra liðið, sem stórnar Reykjavíkurborg, er að selja Svartsengi til útlanda fyrir slikk. Tilgangurinn með sölunni er að lina fjárhagsþrengingar borgarinnar. Borgin keypti áður hlutinn á genginu 7.0, en selur nú á lægra gengi, 6,3. Borgin tapar því á braskinu með Svartsengi. Þetta er eins konar nauðungarsala. Eftir söluna verða tveir stórir eigendur að orkunni, Magma frá Kanada og Geysir. Í fyrsta sinn í sögunni kemst innlend orka í eigu erlendra aðila. Og það er róttæka frjálshyggjuliðið í Sjálfstæðisflokknum, sem einmitt stendur fyrir vafasamri sölu á einu af fjöreggjum þjóðarinnar.

Ps.Feitletrun er bloggara.

Umugsunarvert.

Athugasemdir

[Haraldur Hansson, 18.8.2009 kl. 15:25]

Með inngöngu eru auðlindir ekki "afhentar eða settar í hendur útlendinga", en hins vegar eru formleg yfirráð, t.d. yfir nýtingu fiskistofna, og löggjafarvald á sviði orkumála, flutt úr landi. Varanlega.

Hugsanleg sala Reykjavíkur núna, á hlut í orkufyrirtæki, til fyrirtækis í Kanada, getur ekki stutt slíkt framsal. Eða er ég að misskilja boðskap færslunnar?

[Sigurjón Jónsson, 18.8.2009 kl. 16:59]

Það er fleira sem vert er að skoða nú á þessum tímum ráðlausra stjórnmálamanna. (síðustu 30 árin)

1. Erlendir bankar eru að eignast íslensku bankana og þar með veð í kvótanum.

2. Fisksölufyrirtækin eru að komast í erlenda eigu.

3. Orkufyrirtækin stefna hraðbyri í erlenda eigu, Landsvirkjun er væntanlega næst.

4. Álfyrirtækin eru erlend

Hvert er þá farið sjálfstæði okkar og til hvers var verið að berjast við Breta um fiskimiðin. Fyrst nú er verið að færa þeim þau á silfurfati.

Það vantar ekkert nema að ganga í ESB svo við höfum akkurat ekki neitt að segja um það hvernig auðlindir okkar verða notaðar.

Þá er bara eftir að flytja úr landi, sem menn eru þegar byrjaðir að gera og Bretar hlægja hrossa hlátri yfir vitleysunni í okkur.

Og allt er þetta vegna þess að einhverjir drengir héldu að þeir væru klárir og keyptu sér fyrirtæki í útlöndum og greiddu útlendingunum fyrir með lánsfé.

Nú eru þessir útlendingar búnir að taka eignirnar aftur, halda peningunum sem þeir fengu fyrir fyrirtækin og vilja að við greiðum þeim með blóði okkar og svita um ókomnar kynslóðir.

Á meðan hafa þeir stjórn á öllum okkar náttúruauðlindum.

[Evrópusamtökin, www.evropa.is, 18.8.2009 kl. 18:19]

Hans: Orðfærið er viljandi notað enda halda margir Nei-sinnar, að við Evrópusinnar eigum þá ósk heitasta að "afhenda" eða "afsala" auðlindum Íslands í hendurnar á "vondu köllunum" í Brussel. Orðfærið er því Nei-sinnanna! Við (Evrópusinnar) trúum því hinsvegar að Ísland haldi sínum kvótum og öðru og að hagsmunir Íslands verði ekki fyrir borð bornir.

[Ómar Bjarki Kristjánsson, 18.8.2009 kl. 18:32]

Eg er alveg hissa á að andsinnar bloggi ekki um það sem Jónas bendir á. 

En líklega er þeim aðveg sama þó verið sé að koma "auðlindunum okkar" í hendur vondra útlendinga.  Býst við því.  Þeim er alveg sama.

[Haraldur Hansson, 18.8.2009 kl. 20:14]

Ég heiti reyndar Haraldur, en allt í lagi með það.

Það er ekki í þágu málefnalegrar umræðu að velja það versta úr orðfæri andstæðinganna til að benda á. Það eru til slæm dæmi úr herbúðum beggja. Fyrir mig er ekki nóg að tiltekinn hópur ESB sinna trúi því að starfsumhverfi íslenskra útgerða verði í engu lakara eftir inngöngu. Það þarf að vera geirneglt í aðildarsamningi.

Ómar Bjarki: Af hverju ættu "andsinnar" að blogga um Magma frekar en aðrir? Ég get ekki ímyndað mér að nokkur sé ánægður með að erlend félög fái arðinn af auðlindum landsins. Skiptir þá akkúrat engu máli hvort menn eru með eða á móti aðild Íslands að ESB.

[Haraldur Hansson, 18.8.2009 kl. 20:48]

Jón Frímann: Ég legg það ekki í vana minn að ljúga og því síður reglulega. Eigum við ekki að halda okkur við málefnalega umfjöllun. 

Orkumál falla ekki undir EES samninginn.

Almenn löggjöf á sviði orkumála kemur inn sem nýr málaflokkur á valdsviði Brussel-stjórnarinnar með Lissabonsamningnum.

Það sem ég er að vísa til með formleg yfirráð yfir nýtingu fiskistofna er nákvæmlega það sem þú nefnir sjálfur: Ákvörðun um heildarkvóta og samningar um deilistofna. Auk þess verður Ísland að rúmast innan sameiginlegrar fiskveiðistefnu ESB, sem er ekki upp á marga fiska. 

[Evrópusamtökin, www.evropa.is, 18.8.2009 kl. 21:01]

Afsakaðu HARALDUR!

[Haraldur Hansson, 19.8.2009 kl. 09:08]

Sæll aftur Jón Frímann.

Samkeppni á sviði orkumála fellur undir EES eins og öll önnur samkeppni sem snertir innri markaðinn. Ég gleymdi ekki kaflanum, heldur er ég að vísa til almennrar löggjafar í málaflokknum.

Frekar en að skoða útdrátt/yfirlit bendi ég þér á þessa samantekt. Hér er búið að flétta breytingum skv. Lissabon inn í grunnsamningana.

Ef þú kíkir á 4. gr. á bls. 44 og síðan á 194. gr. á bls. 108-109 sérðu hvað ég á við. Breytingar og/eða nýjungar frá núgildandi reglum eru feitletraðar.

Sjáum svo til hvaða sérlausnir í fiskveiðimálum verða í boði. Þær þyrftu að vera býsna víðtækar og varanlegar til að sátt náist um þær.