OECD mælir með Evru og ESB

Efnahags og framfarastofnun Evrópu, OECD, hefur sent frá sér skýrslu um stöðuna í íslenskum efnahagsmálum, s.k. "economic survey." Þar er farið yfir helstu efnahagslegu þætti og gerðar tillögur um úrbætur. Eitt af því sem OECD tekur á eru Evrópumálin og í þeim málum er afstaða OECD skýr: Ef Ísland gerist aðili að ESB, ætti landið að taka upp Evruna sem gjaldmiðil, sem fyrst ("as soon as possible"). Með því fengi Ísland hlutdeild í því trausti sem ríkir gagnvart Seðlabanka Evrópu (ECB), sem myndi meðal annars lækka kostnað vegna áhættuþátta. Sjá hér

Frétt RÚV um málið og Stöðvar tvö

Athugasemdir

[Tómas Ibsen Halldórsson, 3.9.2009 kl. 10:49]

Afskipti OECD að innanríkismálum á Íslandi er óþolandi.

[Gísli Baldvinsson (IP-tala skráð) 3.9.2009 kl. 12:58]

Ertu ekki vel lesinn, Tómas? Ísland er innan OECD og aðili að Glance at... hagtölum. Glance at education er eitt ágætis dæmi. Svipað að segja, "óþolandi afskipti Hagstofunnar af mannfjölgun".

[Tómas Ibsen Halldórsson, 3.9.2009 kl. 13:49]

Kæri Gísli, OECD kemur ekkert við hvort við sækjum um aðild að ESB eða tökum upp Evru, en mér sýnist þú ekki hafa lesið fyrirsögnina, nema þú teljir OECD umkomna að segja okkur fyrir verkum á sama hátt að þið í Samfylkingunni viljið að ESB segi okkur fyrir verkum.  Menn sem dáðu útlendinga hér áður fyrr eingöngu vegna þess að þeir væru útlendingar voru kallaðir "útlendingasleikjur", Samfylkingin er sannanlega útlendinga- eða ESB-sleikja.

[Jón Frímann (IP-tala skráð) 3.9.2009 kl. 16:25]

Tómas, Ísland er aðili að OECD og hefur verið lengi. Þeim er frjálst að koma með tillögur til aðildarríkja sinna eins og þeir hafa komið með undanfarin ár. Þetta eru ekki nein afskipti af málefnum Íslendinga, eins og þú ranglega heldur fram, ásamt svipuðum fullyrðingum sem hafa komið fram hjá stuttbuxnadeildinni í sjálfstæðisflokknum.

Það er ennfremur staðreynd að krónan er búin að vera sem gjaldmiðill.

[Fransman (IP-tala skráð) 3.9.2009 kl. 18:31]

Þetta er hárrétt hjá Jóni, munirinn á ESB og OECD er að ef ESB gefur út einhverja reglugerð þá verða aðildarríkin oftast að innlima hana í landslög.

OECD er eingöngu ráðgefandi og geta ekki lagt neinar kvaðir eða skyldur á aðildarríkin.

Þetta er einfaldlega ráðlegging sem er vandlega útskýrð í skýrsluni.

Í skýrslu sinni um Ísland árið 2006 varaði OECD bæði við hruni Íslensku krónunar og bankakerfisins og sagði m.a. :

Whereas the banks used to be considered “too big to fail”, if their current growth continues, they may soon become “too big for the government of Iceland to rescue”. Accordingly, the government should consider making an xplicit statement that there is no unconditional government guarantee of bank lending. 

[Sigurður Þórðarson, 4.9.2009 kl. 07:14]

Þetta var skondin samlíking hjá þér Gísli. Nær hefði verið að bera saman önnur alþjóðleg samtök sem Íslendingar eiga aðild að. Varla ert þú svo báeygur að átta þig ekki á að OECD dregur taum Breta og Spánverja í fyrirhugaðri deilu um Íslandsmið.

[Fransman (IP-tala skráð) 4.9.2009 kl. 08:11]

Sigurður; hvernig færð þú það út að OECD dragi taum Breta ?

Það er allt annað en sjóð heit vinátta á milli OECD og Breta í augnablikinu vegna vinnu OECD gegn skatta paradísum (Bretar stjórna Virgin Islands m.a. sem er skattaparadís)  ásamt því þegar OECD fletti ofan af mútum breta í tengslum við vopnasölu til Saudi Arabíu

Ég sé ekki alveg af hverju OECD ætti frekar að draga taum Breta ?

[Tómas Ibsen Halldórsson, 4.9.2009 kl. 09:26]

Þótt við séum aðilar að einhverjum samtökum s.s. OECD, þá er ekki þar með sagt að slík samtök eigi að skipta sér af innanlandsmálum okkar eins og OECD gerir í þessu tilfelli, slíkt er gjörsamlega óásættanlegt, ég fer ekki ofan af því, takk fyrir.

[Jón Frímann (IP-tala skráð) 6.9.2009 kl. 17:22]

Tómas Ibsen, þetta eru ekki afskipti af innlandsmálum íslendinga, og mjög langt frá því. Allt svona væl um að þetta séu afskipti er ekkert nema helvítis ofsóknarbrjálæði hjá viðkomandi, og þetta er ekkert nema sjúklegt í versta falli þegar það kemur að ofsóknarbrjálæði.