Hvass Jón í Fréttablaðinu!

Jón Kaldal, ritstjóri Fréttablaðsins skrifar hvassan leiðar í blaðið í dag undir yfirskriftinni,,Krónan er tæki fyrir viðvaninga." Má túlka leiðara Jóns sem andsvar við leiðara MBL frá því í gær, sem mærði krónuna. Eru þessi tveir leiðarar til marks um þær skiptu skoðanir sem eru uppi varðandi minnsta sjálfstæða gjaldmiðil heims. Jón segir m.a.:

,,Það hlálega við aðdáendaklúbb krónunnar er að hann samanstendur af sömu mönnum og þreyttust ekki á að lofsyngja sveigjanleika hagkerfis með eigin mynt. Það átti að vera grunnurinn að velmegun þjóðarinnar. En þau leiktjöld brunnu til ösku síðasta haust. Stefnan að baki þeim skildi íslenska þjóð eftir í sjálfheldu, rúna trausti og virðingu umheimsins. Svo illa er meira að segja komið fyrir krónunni að þegar erlendir kaupendur að fiskinum okkar hafa reynt að greiða fyrir hann með krónum neita útflytjendurnir að taka við slíkri greiðslu. Niður­lægingin er algjör.
Hugmyndafræði sjálfstæðu peningamálastefnunnar varð endan­lega gjaldþrota fyrir ári. Og það í orðsins fyllstu merkingu. Enda er krónan ekki annað en tæki fyrir viðvaninga í efnahagsstjórnun."

Leiðarinn í heild sinni er hér

Athugasemdir

[Gunnar Rögnvaldsson, 29.10.2009 kl. 20:58]

Af hverju eruð þið að skrifa um það sem þið hafi ekkert vit á? Þið gætuð eins birt leiðara úr Andrés Önd eða "Sönnum Sögum".

Af hverju skrifið þið aldrei neitt sjálfir? Hafið þið engar skoðanir sjálfir? Kveðjur

[Gunnar Rögnvaldsson, 29.10.2009 kl. 21:02]

Nema náttúrlega að ykkur sé fjarstýrt eins og zombies. Eða þá að þið séuð bara hinir og þessir sem auglýsa sig hér í blámanum á (úff) Mogganum. Hvað með eitthvað annað stuff en það sem aðir skrifa? Eruð þið ekki pennafærir?

Kunnið þið ekkert? 

[Gunnar Rögnvaldsson, 29.10.2009 kl. 21:08]

Heil samtök hljóta að geta gert betur en að stunda bara eftirprentanir. Þetta er eins og smáauglýsinga dálkur hjá ykkur.

[Evrópusamtökin, www.evropa.is, 29.10.2009 kl. 21:33]

Svona, svona Gunnar, rólegur....hefur þú séð mynd sem heitir "Anger Mangement" ? Ef ekki, þá er hérmeð mælt með henni fyrir þig!

En svona að öllu gamni slepptu, greinasafn Evrópusamtakanna, er að finna á www.evropa.is

[Gunnar Rögnvaldsson, 29.10.2009 kl. 22:09]

Sem sagt, þið hafið bara þær skoðanir sem ykkur er sagt að hafa. Trúsöfnuður.

Af hverju skrifið þið aldrei undir nafni? Skammist þið ykkar svona fyrir skoðanaleysi og heigulshátt? Að skrifa hér er eins og að tala út í tómið.

Jæja frú Evrópusamtökukona.

Megi smáauglýsingar ykkar halda áfram að rýrna.

Kveðjur

[sandkassi (IP-tala skráð) 29.10.2009 kl. 23:16]

kæri nafni,

Þessir menn eru bara fyndnir enda held ég ekki að þetta sé nein bloggsíða heldur eitthvað allt annað.

Hér er enginn til andsvara, ekki þess virði að vera að kommentera hérna.

Annars væri gaman að menn kæmu með einhvern hérna til andsvara sem við gætum tekið í gegn.

En það verður ekki þannig að hér situr amma Benedikts eða Össurar á lyklaborðinu og músinni og nagar neglurnar:)

[Jón Valur Jensson, 30.10.2009 kl. 01:13]

Ég var kominn á fremsta hlunn með að blogga um þenna ótrúlega vitlausa leiðara Fréttablaðsins á nýliðnum degi. Það virðist alveg sama, hvað fram er komið um nytsemi krónunnar í efnahagsvanda okkar (miðað við t.d. Letta og Íra) – um gagnsemi hennar fyrir útflutningsatvinnuvegi okkar, ferðaþjónustu og samkeppnisframleiðslu á innanandsmarkað – Jón Kaldal þusar bara áfram eins og hann hafi gengið á vegg. En það sést líka alveg, hvert hann er að fara: beint í fangið á Brusselmömmu.

Fréttablaðið er Baugsmiðill og er, eins og eigandinn Jón Ásgeir virðist vera, hlynntari erlendum yfirráðum hér á landi heldur en íslenzku sjálfstæði.

Að maður skuli þurfa að upplifa tíma eins og þessa!

[Evrópusamtökin, www.evropa.is, 30.10.2009 kl. 11:04]

Kæru Nei-sinnar: Hjá okkur er þó hægt að gera athugasemndir! HVERSVEGNA Í ÓSKÖPUNUM ER ÞAÐ EKKI HÆGT HJÁ YKKAR NEI-SAMTÖKUM, GETIÐ ÞIÐ SVARAÐ ÞVÍ?

Svo vill einnig til að þessari síðu er haldið úti í ólaunaðri sjálfboðavinnu, þannig að ef svo ætti að vera að hér væri öllum "kommentum" svarað þyrfti að breyta því.

En hvernig á t.d. að svara svona: "Nema náttúrlega að ykkur sé fjarstýrt eins og zombies.."  Það er aðeins eins leið: BULL!

Hver nennir að svara umræðu á þessu plani?

[sandkassi (IP-tala skráð) 30.10.2009 kl. 13:11]

Bíddu nú við,

1) Hvað er "Nei-sinni"? Níyrði á ferðinni bara?

2) Er "þessari síðu haldið úti í ólaunaðri sjálfboðavinnu"? Er allt í lagi hjá þér, þetta er bloggvefur og fólk er ekki í vinnu við að skrifa hér.

Einnig svarar fólk fyrir sig hér og við erum að kommentera hér erum allir með opið fyrir komment, hvaða dómadagsbull er þetta?

3) "Hver nennir að svara umræðu á þessu plani?" Þetta er ekki umræða vinur, hér er svar mitt við þeim bullpistli sem ég er að kommentera við eftir Jón Kaldal, njótið og svarið ef þið getið það sem verður ekki;

Ritstjóri EU á Íslandi

Jón Kaldal verður seint sakaður um hlutlæg skrif og er nýjasta afrek hans á ritferlinum engin undantekning. 

Hann predíkar hér að fall hagkerfisins hafi verið krónunni að kenna, sama skoðun og Útrásarvíkingar hafa haldið á lofti frá byrjun.

Einhvernvegin er þetta tal algjerlega úr takti við raunveruleikan en Jóni er svo sem vorkun enda er ríkisstjórnin á sama máli, raunar er engin munur á málflutningi Jóns Kaldal og Jóhönnu Sigurðardóttur eða Árna Páls Árnasonar.

Jón Kaldal álítur það fyrsta mál á dagskrá að styðja hér við innflutning á erlendum neysluvörum.

Síðast las ég eitthvað eftir Jón þegar hann drullaði yfir Evu Joly, þar segir Jón;

"Utanaðkomandi sérfræðingi í ráðgjafahlutverki hlýtur ekki síst að vera ætlað það hlutverk að auka tiltrú og slá á þá tortryggni sem teygir sig út í flest horn.

Í því hlutverki hefur Joly því miður brugðist. Með ummælum sínum um ríkissaksóknara hefur hún sáð skaðlegum og ómaklegum efasemdum." 

[Hólmfríður Bjarnadóttir, 30.10.2009 kl. 13:16]

Það er beinlínis sorglegt að lesa þær afneitunarfærslur sem hér eru ritaðar sem svör við bloggfærslu Evrópusamtakanna.

Það er ákveðinn sjúkleiki í þeim málflutningi sem þar birtist. Rökfræðilega finnst mér hann ekki svara verður, þar sem hann er svo langt frá því sem ég vil kalla raunsæja, heilbrigða skynsemi.

Þetta minnir mig helst á alka í bullandi neyslu sem neitar að fara í meðferð af því í meðferðinni eru bara fífl og asnar. Heldur að halda sig heima og drekka sig í hel.

Krónan hefur verið okkur íslendingum svo dýr undantarna áratugi að Icesave er bara eins og smá nammipeningur við hliðina á þeim upphæðum.

Fjölskyldur og fyrirtæki hafa verið keyrð í þrot áratugum saman vegna krónunnar. Laun verkafólks í landinu eru ekki svipur hjá sjón af því fyrirtækin urðu að greiða svo mikinn krónuskatt í formi verðtryggingar.

Ef þessi afneitunarsinnar telja að ég viti ekki hvað ég er að tala um, þá hef ég prófað á eigin skinni þá hluta af því sem ég nefndi hér að framan.

[Gullvagninn (IP-tala skráð) 30.10.2009 kl. 13:49]

Er þessi síða sem sé ekki grín?

[Jón Valur Jensson, 30.10.2009 kl. 14:39]

Neitar frú Hólmfríður því, að gengisaðlögun krónunnar að réttgengi hafi stórbætt samkeppnisaðstöðu útflutningsgreina okkar? Neitar hún því, sem Ragnar Árnason prófessor heldur fram í bók sinni um ísl. sjávarútveg, The North Atlantic Fisheries, bls. 262, "að raungengi íslensku krónunnar hafi löngum verið mjög hátt og afkoma sjávarútvegs hafi því verið rétt við núllið áratugum saman. [...] Hátt raungengi íslensku krónunnar hafi stuðlað að ódýrum innflutningi og þar með góðum lífskjörum almennings og orðið eins konar auðlindaskattur til hagsbóta fyrir þjóðfélagið í heild" (skv. Ragnari Arnalds, Sjálfstæðið er sívirk auðlind, 1998, s. 23; þessi síðarnefnda er raunar ein albezta bókin um Evrópubandalagið og fæst enn hjá höfundi).

[Friðrik Hansen Guðmundsson, 30.10.2009 kl. 16:05]

Nú, nú helstu andstæðingar ESB bara mættir hér og búnir að taka sviðið yfir.

Á ykkur herrar mínir bíta engin rök í þessu máli.

Það er tímasóun að ræða þessi mál við ykkur, ykkur verður ekki haggað.

[Jón Valur Jensson, 30.10.2009 kl. 17:24]

Hafðu engar áhyggjur, Friðrik. Við erum að ræða málin hér efnislega, eins þótt þú ráðir ekki við það.

[Friðrik Hansen Guðmundsson, 30.10.2009 kl. 17:41]

Það er eins komið á með mér og ykkur, mér verður svo sem ekki haggað heldur.

Ég er eins og aðrir ESB sinnar samt með ákveðna fyrirvara. Verði samningurinn sem okkur býðst alveg ómögulegur, þá mun ég kjósa á móti honum.

Verði hann hins vegar ásættanlegur og jafnvel mjög góður þá mun ég gera hvað ég get til að fá hann samþykktan.

Öll hljótum við að bíða spennt eftir því hvernig þessi samningur verður, hvort heldur menn eru í eðli sínu með eða á móti aðild.

þessi umræða um ESB getur þá alla vega farið á vitrænt plan þegar samningurinn liggur fyrir. Menn hætta þá að eiða tíma sínum í getgátur og sleggjudómar á báða bóga.

Þar fyrir utan þá verða svo sem engar "byltingar" hér á næstu árum hvort heldur við göngum í ESB eða ekki.

[Gunnar Rögnvaldsson, 30.10.2009 kl. 17:45]

Nú er flest í sambandi við Evrópusambandið svo andlýðræðislegt að því mætti helst líkja við einræðisríki eða keisaradæmi. Enda er ESB líklega einræðisríki í smíðum. Því álít ég að þessi síða Evrópusamtakanna sé til styrktar einræði og svínastrikum ESB og vinni því gegn lýðræði og velmegun Íslendinga.

Vefsíðan er eins og smáauglýsingadálkur fyrir uppgjafa Íslendinga sem eru að reyna að grafa undan þeim stökkpalli sem forfeður okkar byggðu handa okkur öllum, með svita og tárum.

Þessi samtök standa núna á þessum stökkpalli, grafandi undan honum og blásandi svarti þoku út um þokulúðra. Mér líst illa á þessar auglýsingar.

77 sardínur í malti

Kveðjur

[Hólmgeir Guðmundsson, 30.10.2009 kl. 17:51]

Einn ágætur félagi minn úr menntaskóla var áberandi í forystusveit róttækra vinstrimanna á þeim árum. Seinna gekk hann til liðs við Sjálfstæðisflokkinn og vöktu þessi vistaskipti nokkra athygli. Eitt sinn birti eitthvert glanstímaritanna viðtal við hann þar sem hann gerði grein fyrir turnun sinni.

Honum sagðist svo frá að á undir lok hins marxíska trúarskeiðs hafi hann verið farinn að finna fyrir sívaxandi óþoli og gremju í garð sérhvers þess sem ekki vildi meðtaka hreinan sannleik hinnar marx-lenínísku kenningar, sama hversu skýrt og greinilega hún var útlistuð fyrir viðkomandi.

Þessi frásögn rifjaðist upp fyrir mér þegar ég las leiðara Fréttablaðsins sem hér er til umræðu. Hann er greinilega svar við leiðara Mbl sem aftur var endursögn á grein ensks blaðamanns.  Í þeirri grein var á málefnalegan og rökvísan hátt gerð grein fyrir kostum þess fyrir íslendinga að hafa sjálfstæða mynt. Það fer lítið fyrir slíkum eigindum í leiðara Fbl, en heiðingjaóþolið er þeim mun meira áberandi.

Nú hef ég fyrir mitt leiti tilhneigingu til að taka meira mark á Telegraph og Ambrosíusi hinum enska en Fréttablaðinu og Jóni Kaldal og er kannski ekki einn um það. En samt verður forvitnilegt að sjá hvort fram undan séu sinnaskipti hjá Jóni eins og skólabróður mínum forðum.

[sandkassi (IP-tala skráð) 30.10.2009 kl. 18:31]

Hvorki Hólmfríður né Friðrik bjóða nein rök í þessu máli. einungis að ekki sé talandi við fólk nema það sé ESB sinnar.

"afneitunarfærslur" Hólmfríður blessunin, sér nú hver sjúkleikann.

Friðrik þú hefur ekkert um málið að segja. Þið voruð að enda við að fjalla um aðstöðu sem Malta er í, enn einu sinni til að sannfæra alla fávitana sem hér búa um að fiskveiðilögsaga Íslendinga verði ekki tekin af okkur.

Malta er ekki fiskveiðiþjóð - flóknara er það ekki, þeir veiða innan við 1% af því sem Íslendingar veiða. Samt er verið að fá álit Möltumanna á aðildarumsókn Íslendinga sem fór hér í gegn um þingið á veikari þingstyrk en sögur fara af, það er mikið áhyggjuefni fyrir önnur aðildarríki ESB að ríki með annan eins lýðræðishalla skuli ætla sér inn með einungis einn flokk á bak við umsóknina.

Skoðanakannanir sína í dag að yfirgnæfandi meirihluti landsmanna vill ekki ganga í EU. Þannig er það.

Nei það er náttúrulega ekki hægt að tala við okkur, sem beitum rökum og förum með rétt mál í sífellu.

[Ómar Bjarki Kristjánsson, 31.10.2009 kl. 21:05]

Góður leiðari.

Allt rétt sem þar er sagt og ekkert útá að setja.

[Jón Valur Jensson, 1.11.2009 kl. 20:38]

Gott innlegg frá Gunnari Waage, stutt rökum, ekki eins og þínar einhæfu EBé-lofræður, Ómar.