ESB-fundur - fyrir konur!

ESB-málið hefur marga fleti. Einn þeirra eru neytendamál. Í næstu viku verður fundur um neytendamál og ESB, einungis fyrir konur. Á vef Já-Ísland stendur:

"Hvað ertu að kaupa, kona? (borið fram með margvíslegum blæbrigðum)

Fróðlegur kvennafundur um það fjölmarga í okkar daglega lífi sem viðkemur neytendamálum og Evrópusambandinu. Allt á milli transfitusýru til hagkvæmari húsnæðislána!

Ræðukona kvöldsins:
Brynhildur Pétursdóttir ritstjóri Neytendablaðsins - ESB og neytendamálin

Örræður flytja:

Margrét Örnólfsdóttir, tónlistarmaður
Guðrún Pétursdóttir, framkvæmdastjóri
Kristín Pétursdóttir, forstjóri Auðar Capital
Sigurlaug Anna Jóhannsdóttir, stjórnmálafræðingur

Góða skapið og léttar veitingar!

Fundurinn er opinn öllum konum

(Kornhlaðan er fyrir ofan Upplýsingamiðstöð um ferðamál í portinu fyrir ofan Lækjarbrekku)

Sjá einnig hér

Athugasemdir

[Anna Sigríður Guðmundsdóttir, 19.6.2011 kl. 10:05]

Hvar er fundur fyrir karla? Hvað með hið margumrædda jafnrétti kynjanna? Er það svona sem jafnréttið á að virka?

M.b.kv.

[Þorsteinn Briem, 19.6.2011 kl. 10:40]

Anna Sigga er ekki jöfn,
ekki heldur Harpa Sjöfn,
ennþá síður Inga Dröfn,
og allra síst hún Sól í Höfn.

[Þorsteinn Briem, 20.6.2011 kl. 12:43]

20.6.2011 (í dag):

Minnst mælist verðbólgan á Írlandi (1,2%) af löndum Evrópska efnahagssvæðisins (EES) og næst þar á eftir koma Noregur (1,6%) og Svíþjóð (1,7%).

Verðbólgan hérlendis er 4,3%, sú sjötta mesta í öllum ríkjum EES, og ekki kæmi á óvart að Ísland færðist enn lengra upp listann á næstu mánuðum, segir í Morgunkorni Íslandsbanka.

Verðbólgan 2,7% á evrusvæðinu