ESB styrkir Háskólann í Reykjvík, sem fær 230 milljónir

RÚV segir frá: "Rannsóknamiðstöð í nýsköpun og frumkvöðlafræðum við Háskólann í Reykjavík hlaut nýverið styrk að jafnvirði tvö hundruð og þrjátíu milljónir króna. Styrkurinn er frá Evrópusambandinu, hluti áætlunar sem styður samstarf háskóla og atvinnulífs.

Styrkurinn telst gríðarhár á íslenskan mælikvarða, meðalhár kannski á mælikvarða Evrópusambandsins. Styrknum á að verja næstu fjögur árin til rannsókna á því hvernig lítil og meðalstór fyrirtæki í skapandi atvinnugreinum geta endurbætt viðskiptalíkön sín til að bæta árangurinn í breyttu umhverfi."

Athugasemdir

[Sigurgeir Jónsson, 3.3.2013 kl. 14:00]

ESB kaupir Ísland.Nú skal mútunum út ausið.Að sjálfsögðu á að taka við þessu með þeim skýru skilaboðum að viðtaka á "gjöfinni" þýði enga skulbindingu af hálfu Íslands að ganga í ESB.Nei við ESB.

[Jón Valur Jensson, 3.3.2013 kl. 14:14]

Ef þessi 230 milljóna króna styrkur "telst gríðarhár á íslenskan mælikvarða," hvað þá um nákvæmlega jafnháa fjárhæð, em Evrópusambandið ver til þess að flytja Íslendingum áróður í þágu innlimunar að ESB, í gegnum hina rangnefndu "Evrópustofu"? Er SÁ styrkur þá líka GRÍÐARHÁR Á ÍSLENZKAN MÆLIKVARÐA? -- Já vitaskuld, og setur fjárvana fullveldissinna í enn erfiðari aðstöðu til að hafa áhrif með sinni upplýsingamiðlun; en þessu kyngið þið með ánægju! Nei við ESB.

[Jóhann Kristinsson, 3.3.2013 kl. 18:32]

Það er ákvæði í reglum ESB að þær stofnanir sem þykkja styrki frá Sambandinu, þá er þeim skylt að flagga ESB fánanum á hverjum degi.

Ef ekki verður flaggað þá eru lagðar dagsektir á styrkþegastofnuna, og gæti kostað Háskólan meira í sektir en Háskólinn fékk í styrk.

Kveðja frá Houston.

[Jón Valur Jensson, 3.3.2013 kl. 18:58]

Hversu vel munu svo eigendur og stjórnendur Háskólans í Reykjavík umbera það, að einhver(jir) í kennaraliðinu fari í fyrirlestrum sínum að tala mjög gagnrýnið um eitthvað í strúktúr eða starfsháttum Evrópusambandsins? Yrði það vel liðið, á sama tíma og teygður væri út lófinn eftir styrktarfé?

[Óskar, 3.3.2013 kl. 20:43]

Að sjálfsögðu hópast að þjóðremburugludallar til að runka sér á þessari frétt.  Jón Valur má ekkert gott sjá frá ESB þá fer hann að rugla og bulla.  Staðreyndin er sú að styrkjakerfi ESB mundi koma Íslendingum að mjög góðum notum ef okkur bæri gæfa til að ganga í þetta samband öflugustu lýðræðisríkja heims.  En afturhaldsseggir og torfkofaunnendur geta að sjálfsögðu ekki unnt þjóðinni framfarir og betri lífskjör.

[Jón Valur Jensson, 3.3.2013 kl. 21:46]

Er Evrópusamtökunum sæmd að innleggi á borð við þetta kl. 20:43?

[Hrólfur Þ Hraundal, 3.3.2013 kl. 21:57]

Hérna trompaðist vinstraliðið útaf styrkjum sem einhverjir þingmenn og stjórnmálaflokkar fengu frá innlendum fyrirtækum. 

En svo ef það er styrkur frá guðunnum í Brussel þá er það allt í lagi. Skyldi Samfylkingin hafa borgað sinn styrk til baka, eða er hún á fóðrum frá Brussel?

[Jóhann Kristinsson, 3.3.2013 kl. 22:06]

Hrólfur (SF) er ekkert á förum til Brussel, (SF) fór til Brussel fyrir 4 árum.

En þetta er hárrétt athugasemd hjá þér um styrki til þingmanna, vinstri vængurinn ættlaði að gegjast yfir þessu. En ESB má múta hverjum sem er, þeirra orð ekki mín.

Mikill léttir verður það þegar ESB verður rekið úr landi, með allt sitt hafurtask.

Kveðja frá Houston.

[Evrópusamtökin, www.evropa.is, 7.3.2013 kl. 17:26]

Jóhann: Þú veður fullkomlega reyk "fánaummælum" þínum sem eru hreinlega bara röng. Það sem HR þarf að gera er að geta þess í bæklingum, á heimasíðum og þess háttar hvaðan styrkféð kemur. Rétt eins og ef um styrk frá Rannís eða einhverjum öðrum aðilum væri ræða.

Reynum að halda okkur við staðreyndir en ekki vera með innantómar fullyrðingar sem eiga ekkert skylt við sannleika!