Grikkland: Margþætt, djúpstæð, jafnvel gömul vandamál, hafa fæst með Evruna að gera!

Grikkland er í fréttum vegna mikilla efnahagserfiðleika og íslenskir andstæðingar ESB kenna Evrunni um, að hún sé myllusteinn um háls Grikkja og hvaðeina. Hið virta tímarit The Economist birtir á heimasíðu sinni ítarlega úttekt á vanda Grikkja. Þar kemur m.a. fram:

Fyrri ríkisstjórn fegraði vandann, en kosið var í Grikklandi fyrir nokkrum mánuðum og komust Sósíalistar til valda - Efnahagsvandræði Grikkja má rekja áratugi aftur i tímann - Stjórnun fjármála hins opinbera hefur verið afar slök og það slaknaði enn frekar á henni í aðdraganda síðustu kosninga (klassískt trix/vandamál, innsk. bloggari) - Grikkland er með eitt dýrasta lífeyrissjóðakerfi í heimi.-Hið opinbera er ofmannað, of dýrt í rekstri.

The Economist telur afar ólíklegt að Grikkland yfirgefi Evruna, slíkt myndi t.d. leiða til áhlaups á gríska banka og ef Grikkir færu yfir í aðra mynt, myndu þeir sitja uppi með skuldir í Evrum. Þá myndi landið fá verri lánakjör

Blaðið segir aðild Grikklands að Evrunni hafa verið jákvæða, vextir lækkuðu og aðgangur landsins jókst að erlendu fjármagni, en Grikkland hafi lánað mikið til þess að halda uppi neyslu. Hagvöxtur í Grikklandi hafi verið um 4% á ári fram til 2008. Fjárfestar ríkisskuldabréfa hafi ekki þurft að hafa áhyggjur af verbólgu og gengisfellingum. Þá telur blaðið að landið hafi notið verndar af Evrunni þegar Lehman-bankinn féll. Útlitið var ekki svo svart, en annað kom í ljós eftir kosningar, eða eins og blaðið skrifar:

"Yet the reality was far worse, as became clear after October’s election. The new government said the true deficit was likely to be 12.7% of GDP. Worse, the shortfall for 2008 was also revised up to include unpaid bills to medical suppliers. The mild downturn hurt tax revenues more than the previous administration had let on. The economy probably shrank by 1% last year, but consumer spending fell by more. Value-added taxes, a reliable source of revenue, were squeezed. Control of public spending had been relaxed in the run-up to the election, adding to the deficit.

Investors’ trust in Greek statistics, never solid, was shattered."

Bent er á í greininni að samdráttur í Grikklandi á síðasta ári hafi aðeins verið um 1% og talað er um ýmsar lausnir á vandamálum Grikklands.

En að öllum líkindum krefst mest af innlendum stjórnmálamönnum og hefur forsætisráðherra landsins, George Papandreou sagt að vandamál Grikkja séu að mestu leyti heimatilbúin.

Af þessum punktum úr greininni má sjá að orsakir vanda Grikklands eru langt í frá að vera Evran. En það er einfalt og fljótlegt að skella skuldinni á hana, sérstaklega ef menn eru á móti ESB.

Grein Economist

Ps. Einnig er að finna fína fréttaskýringu frá Speglinum (Friðrík Páll Jónsson) hér.

Athugasemdir

[Guðlaugur Hermannsson, 6.2.2010 kl. 08:15]

Staða ríkja í ESB byggist á grunnstöðu þeirra sjálfra. Grunnstaða Grikkja er ekki sú sama og grunnstaða Íslands. Þær þjóðir sem eru auðugar af miklum auðlindum eins og Bretar, Danir, Íslendingar og ekki síst Norðmenn lenda ekki í svona krísum eins og Lettar og Grikkir. Til að mynda eru auðæfi Spánverja bundin við ferðaiðnaðinn. Í dag er hann með minnsta móti og þar af leiðandi mikið atvinnuleysi. Þau lönd sem byggja á ferðaiðnaði eru í kröggum eins og stendur.

Af hverju geta Íslendingar og Norðmenn verið utan ESB? Jú þeir eru fjáhagslega sjáldstæðir og lifa af auðlindum sínum og reyna að halda þeim sjálfbærum.

[Hawk, 6.2.2010 kl. 11:30]

Góð færsla.

Ég hef alltaf talið það langsótt að kenna Evrunni um.

En það er oft erfitt að sannfæra ESB anstæðingum um þetta.

En núna er þetta á svart og hvítu. Þetta er heimatilbúinn vandi hjá Grikkjum. Ef eitthvað er þá hefur Evran bjargað þeim skv The Economist.

p.s ég tel að mannauðurinn á Íslandi er okkar mikilvægasta auðlind. Auðlindir er ekki ávísun á velferð. Nigería er eitt stæsta olíuframleiðsluland í heimi.... en ekki eru lífsgæðin þar góð. Einnig eru mörg lönd sem eiga engar auðlindir en standa sig príðilega t.d Luxemborg.

[Jón Valur Jensson, 7.2.2010 kl. 04:06]

Það, sem hér er á bent: að erfitt er að hætta að vera með evruna, af því að slík ákvörun felur í sér mörg illleysanleg vandamál, jafnvel þótt menn sjái hinn kostinn sem eftirsóknarverðari að fá annan gjaldmiðil, – það ætti sérstaklega að vera mönnum víti til varnaðar. Við höfum ekkert með evruna að gera, enda felur hún engan stöðugleika í sér (hefur sveiflazt a.m.k. 30% upp og niður) eða einungis þann stöðugleika og þann sveigjanleika, sem hentar stærstu ríkjunum þar, ekki sveigjanleika sem hentar okkar efnahagskerfi. Farvel, evra!

[Guðlaugur Hermannsson, 7.2.2010 kl. 09:45]

Haukur! Þú tala um Nígeríu í samhenginu auðlidir. Nigería er þróunarríki og er eina virka auðlindin olíulindir. Það búa yfir 100 milljónir íbúa í Nigeríu og eru þessar auðlindir reknar af spiltum embættismönnum og duga engan vegin fyrir velferð þessara 100 milljóna manna.