Úlfar með meira um sjávarútvegsstefnu ESB í FRBL

Úlfar Hauksson, einn helsti sérfræðingur Íslands um sjávarútvegsstefnu ESB, birti grein nr. tvö um sjávarútvegsmál í Fréttablaðinu í fyrradag. Þar segir hann m.a.:

,,Sú veiðireynsla sem ESB hefur innan íslenskrar lögsögu, og byggt yrði á við úthlutun kvóta, er því sáralítil. Veiðireynsla fyrir útfærslu landhelginnar í 200 mílur yrði ekki tekin gild, ESB hefur gefið fordæmi fyrir því, og veiðireynsla Belga er einnig það gömul að hún er í raun fyrnd. Reglan um hlutfallslegan stöðugleika myndi því tryggja að lítil ef nokkur breyting yrði á úthlutun veiðiheimilda í íslenskri lögsögu."

Greinina í heild sinni má lesa hér

Einnig er greinin á www.evropa.is

Athugasemdir

[Haraldur Hansson, 5.12.2009 kl. 14:21]

Þetta er mjög fín samantekt hjá Úlfari og forvitnilegar greinar, allar þrjár. Núgildandi reglur ESB taka mið af nálægð aðildarríkjanna og þess vegna er eðlilega talað um fisk sem "sameiginlega auðlind", ólíkt því sem gildir um aðrar auðlindir.

Vegna fjarlægðarinnar getur Ísland aldrei fallið undir þann hatt. Það ætti líka að vera algerlega óþarft, sbr. kaflann "Ákvörðun heildarafla" í grein Úlfars. Umfjöllun ráðherraráðsins yrði aðeins óþörf krókaleið.

Þess vegna á það að vera ófrávíkjanlegt skilyrði í umræðunum, að Íslandsmið heyri alfarið undir íslenska stjórn en sé Brussel óviðkomandi. Ekki tímabundið heldur til allrar framtíðar.

Greinar Úlfar skjóta sterkum stoðum undir einmitt þá kröfu. Fáist hún ekki samþykkt er óþarfi að ræða málið frekar.

[Gústaf Níelsson, 5.12.2009 kl. 22:13]

Í eina tíð töluðu Danir um dönsku fjöllin á Íslandi. Munum við upplifa umræðu um evrópsku fiskimiðin við Íslandsstrendur? Stórútgerðir í ríkjum ESB hlakkar til að komast á miðin hér við land og allt tal um að það muni ekki verða er óvitaskapur. Þjóð sem byggir öll lífskjör sín á gæðum hafsins getur ekki leyft sér að gæla við þá hugmynd að ganga í ríkjabandalag, sem hefur engra hagsmuna að gæta af fiskveiðum. Þjóðin stæði í eilífri varnarbaráttu gagnvart ásælni öflugri ríkja og tapaði á endanum.

[Fannar frá Rifi, 6.12.2009 kl. 09:07]

bókun 6. í fríverslunarsamning milli ESB (forvera ESB) og Íslands eftir Þorskastríðið er komið inn á það að evrópuþjóðirnar, þá sérstaklega Bretar áskili sér rétti til þess að krefjast veiðiheimilda innan íslenskrar lögsögu. þeir hafa því enn kröfu á að veiða hér við land þar sem veiði reynsla þeirra er ekki fyrrnd og nær aldir aftur í tíman.

[Fannar frá Rifi, 6.12.2009 kl. 09:08]

í stuttu máli þá er þessi grein bull, lýgi eða að höfundur veit bara ekki betur.