iCeSaVe rules!

Það hefur ekki mikið verið fjallað um Icesave á Evrópublogginu, en nú verður ger undantekning og það vegna umræðunnar um þátttökuna í þessari blessaðri þjóðaratkvæðagreiðslu. Eins og réttilega hefur verið bent á er alvanalegt hér á landi að þátttaka í almennum þingkosningum sé um og yfir 90%. En í Icesave kosningunum var þátttakan um 60%. Svo deila menn um það hvort þetta sé mikið eða lítið.

Tökum dæmi: Þú ferð í búðina og kaupir líter af mjólk. Þegar þú kemur heim finnst þér fernan full létt og þú kemst að því að hún vegur aðeins 600 grömm. Ertu sáttur eða ferðu og skilar mjólkinni og færð fullan líter, sem þú borgaðir fyrir? Sennilega skilarðu ,,létt-mjólkinni" og færð alvöru fernu!

Hefði löggjafinn sett einhver skilyrði um þátttöku í kosningunum, er ekki ólíklegt að miðað hefði verið við 50% kosningabærra íbúa landsins. Ef svo hefði verið, hefðu þá rúm 60% þótt mikið?

Þetta eru bara svona vangaveltur, nú hefst hið pólitíska karp og eftirspil um þetta mál, hjá þjóð sem virðist elska að hata Icesave og allt sem því fylgir! IceSavE RuLEs!!

Athugasemdir

[Jón Valur Jensson, 8.3.2010 kl. 02:19]

Auðvitað eruð þið ekki með þjóðinni í þessu Icesave-máli.

Það var ekki við því að búast. Þetta sést hér milli línanna.

Þið gerið lítið úr því, að 62,7% kosningabærra manna (ekki bara "um 60%") neyttu atkvæðisréttar síns. Þetta er þó litlu minna en þegar Ólafur Ragnar var endurkosinn forseti 2004 og tæplega 10% meira en þegar Írar kusu um Lissabon-sáttmálann.

Svo er það ekki rétt hjá ykkur, að enn taki yfir 90% jafnan þátt í alþingiskosningum.

... Já, sannarlega hatar þjóðin Icesave.

[Hans Haraldsson (IP-tala skráð) 8.3.2010 kl. 05:31]

58% kosningabærra manna í landinu kusu nei. Það er mjög afgerandi, jafnvel þótt við ímynduðum okkur að hver einn og einasti þeirra sem ekki kusu eða skiluðu auðu hefði getað hugsað sér að styðja lögin.

...og eins og Jón Valur bendir á þá er þetta töluvert betri kjörsókn en þegar Írar kyngdu Lissabonsáttmálanum og þótti sú niðurstaða nægilega marktæk til þess að flytja stóran hluta fullveldis Íra til Brussel, óafturkræft.

[Gunnar Heiðarsson, 8.3.2010 kl. 08:56]

Það er vonandi að 90% þjóðarinnar nýti atkvæðisrétt sinn þegar og ef kosið verður um ESB aðild. Þá verður tapið fyrir ESB sinna stórt.

[Sigurður Sigurðsson, 8.3.2010 kl. 09:48]

Ekki gat einu sinni núna komið einn pistill af viti frá ESB sinnunum, sem vonandi sjá fljótlega sæng sína útbreidda þegar Samfylkingin fer frá völdum og ESB umsóknin verður dregin til baka í samræmi við vilja meirihluta þjóðarinnar !!!

[Gísli Ingvarsson, 9.3.2010 kl. 10:15]

Hér tala einangrunarsinnarnir. Loka Íslandi fyrir öllum nema alþjóðlegum áfyrirtækjum. Sama langavitleysan og verið hefur frá því nítjánhundruð sekstíu og sjö. Skammvinnur ( tíu ára) framfarakippur varð við EES samningana. Nú er það tímabil á enda. Það var eyðilagt af gengdarlausri skammsýni og drambi sem allir íslendingar studda af sömu múgsefjun og hér er jafnan hægt að píska upp eftir þörfum.

Þegar þarf að bæta pólitísk skilyrði fyrir framtíð Íslendinga koma skuggamenn stöðnunar og afturhalds úr skúmaskotunum og bera fyrir sig BÆNDUM og ÚTGERÐ. Þjóðvarnaráróður og fjandskapur útí umheiminn til þess lagaður að einangra íslenskt framtak til framtíðar. Það að þjóðaratkvæðagreiðslan fór fram í múgsefjun og með nákvæmlega enga raunhæfa valmöguleika gerir að þessarar atkvæðagreiðslu verða minnst sem skammarlegrar um alla framtíð.

Það getur þó alltaf komið eitthvað gott út úr þessu ef menn fara að skilja inní hvaða öngstræti verið er að leiða þjóðina. Ég fyrir mitt leyti hafna algerlega einangrunarstefnu.

[Gunnlaugur I., 9.3.2010 kl. 22:14]

Gísli Ingvarsson geðvonska ykkar ESB sinna skilar ykkur engu fyrir vonlausan málstaðinn !

[Jón Valur Jensson, 10.3.2010 kl. 01:07]

Uppréttir Íslendingar vilja vera í góðu sambandi við umheiminn og verzlunar- og viðskiptasambandi við helzt öll ríki heims – ekki lokast inni í múrum evrópska risans sem hrörnar með hverju árinu sem líður – já, bókstaflega!