Leita í fréttum mbl.is

Bloggfærslur mánaðarins, mars 2011

Stórhættulegt að taka einhliða upp aðra mynt...

Gylfi Magnússon...var meðal annars það sem kom fram í máli Gylfa Magnússonar, fyrrum viðskiptaráðherra, á fundi hjá samtökunum Já-Ísland sem haldinn var fyrr í dag. Gylfi sagði að að við einhliða upptöku annarrar myntar væri Ísland allt of háð útgefanda viðkomandi myntar og að við einhliða upptöku fylgdu hagsveiflur þess lands sem gefur út myntina.

Gylfi fór með skipulegum hætti yfir valkostina á fyrirkomulagi gjaldmiðilsmála, eftirköst hruns krónunnar og fleira sem því tengist.

Af máli hans mátti ráða að sú leið sem hann telur hvað besta er upptaka Evru með aðild að Evrópusambandinu. Það væri sú leið sem myndi tryggja mestan stöðugleika.

Fram kom í máli Gylfa að hann telur íslenskan vinnumarkað vera mjög sveigjanlegan og því vel í stakk búinn til þess að hafa Evru sem gjaldmiðil.

Gylfi bar saman i Írland og Ísland að og sagði að eitt alvarlegasta vandamál Íra væri ef til vill tekjuhrun hjá írska ríkinu og að það væri allt að 30% eða meira. Meðal annars væri það vegna mikils samdráttar í byggingariðnaði.

Hann sagði þó að Írland væri með mun meiri erlenda fjárfestingu heldur en Ísland, sem aðallega hefði fengið álfyrirtæki til landsins og því væri flóra erlendra fyrirtækja hérlendis mun fátæklegri en á Írland.

(Mynd: Alþingi)


Norðmenn duglegir við innleiðingu!

NoregurAthyglisverð frétt birtist í Fréttablaðinu í dag og hún er svona:

"Þrátt fyrir vaxandi andstöðu í Noregi við aðild að Evrópusambandinu eru Norðmenn næst duglegastir allra EES-ríkjanna við að innleiða tilskipanir og reglugerðir sambandsins í eigin lög.

Þeir hafa nú innleitt 99,8 prósent af samtals 1777 tilskipunum ESB. Einungis fjórar eru óafgreiddar. Duglegastir í þessu eru Maltverjar, en Ítalir standa sig verst.

Norðmenn hafa reyndar bætt sig mjög í þessum efnum, því fyrir tveimur árum voru þeir í 21. sæti af 30."

Heyrir einhver orðið AÐLÖGUN gargað úr austri? 

(Leturbreyting: ES-bloggið) 


Jón Bjarnason tekur sér stöðu á vígvellinum (eins og honum einum er lagið!)

Jón BjarnasonESB-málið er pólitískt hörkumál, á því leikur enginn vafi. Menn taka sér stöðu á hinum pólitíska vígvelli.

Nýjasta útspil hæstvirts landbúnaðar og sjávaútvegsráðherra, Jóns Bjarnasonar, er kannski ágætis dæmi um um það. Frá "útspilinu" segir í frétt á vísir.is og í fréttum Stöðvar tvö í kvöld (á 14. mínútu fréttatímans).

Í fréttinni segir: "Á fundi í deilunefnd Alþjóðaviðskiptamálastofnunarinnar á föstudaginn lýsti Ísland yfir stuðningi sínum við Noreg og Kanada í máli þeirra gegn Evrópusambandinu vegna reglugerðar Evrópusambandsins sem kveður á um bann við innflutningi á selaafurðum inn á markaðssvæði ESB. Þá óskaði Ísland jafnframt eftir því að taka þátt í málsmeðferð kærunefndar í máli Kanada og Noregs gegn Evrópusambandinu sem þriðji aðili."

Hér má lesa um selveiðar, en árið 2006 námu útflutningstekjur Kanada af þeim um 18 milljónum dollara, en þjóðarframleiðsla Kanada var árið 2010 um 1500 billjónir dollara (billjón = þúsund milljarðar).

Árið 2009 setti ESB innflutningsbann á selavörur frá Kanada vegna verndarsjónarmiða. Þá hefur hart verið deilt um þær aðferðir sem beitt hefur verið við selveiðar.

Fréttatilkynning ráðuneytis Jóns Bjarnasonar um málið. 

Einnig eru viðbrögð við útspili ráðherra hér 

Í þessu samhengi mætti kannski spyrja hverjar útflutningstekjur Íslands af selveiðum séu? Ef þær eru þá nokkrar!

Þessi frétt frá Selasetrinu á Hvammstanga hlýtur að teljast athyglisverð í þessu samhengi!  


Gylfi Magnússon um gjaldmiðilsmálin - fróðleikur á fimmtudegi

Á vef Já-Ísland má lesa: "Flestir virðast sammála um að íslenska krónan sé ekki framtíðarmynt Íslands. Engu að síður verðum við að notast við hana þar til önnur lausn finnst.

Þessum og mörgum fleiri álitamálum veltir Gylfi Magnússon, hagfræðingur og dósent við HÍ fyrir sér í fyrirlestri í fundaröðinni: Fróðleikur á fimmtudegi.

Gylfi munu meðal annars reyna að svara eftirfarandi spurningum?

Verður hægt að afnema höftin? Hvað tekur þá við?

Munu Íslendingar þurfa að búa við óstöðugleika í gengismálum?

Hjálpar krónan okkur út úr kreppunni? Hver borgar brúsann?

Er mögulegt að taka einhliða upp erlendan gjaldmiðils?"

Staður og stund: Skipholt 50, fimmtudaginn 31.mars kl. 17.00 


"Bændaskýrslan" í leiðara Fréttablaðsins

FréttablaðiðSkýrsla Ríkisendurskoðunar um Bændasamtökin hefur vakið athygli. Í Fréttablaðinu í dag tekur Ólafur Þ. Stephensen þetta mál fyrir. Ólafur ræðir þau ummæli Haraldar Benediktssonar, leiðtoga bænda, þess efnis að hann hefði ekkert á móti því að losna við ýmis verkefni, sem Bændasamtökin hefðu á sinni könnu. Í leiðaranum segir:

"Haraldur Benediktsson, formaður Bændasamtakanna, sagði í samtali við Fréttablaðið á laugardaginn að samtökin "hefðu ekkert á móti því að losna við eitthvað af þessum verkefnum". Það væri hins vegar undir sjávarútvegs- og landbúnaðarráðuneytinu komið að svara því hvort annað fyrirkomulag kynni að vera betra.

Hér kveður við allt annan tón en þegar Búnaðarþing dró á dögunum upp "varnarlínur" sínar vegna aðildarviðræðnanna við Evrópusambandið. Þar sagði að kæmi til ESB-aðildar yrði að tryggja samtökum bænda "sambærilega stöðu og nú" og sjá til þess að þau fengju áfram ríkisstyrki. Þetta eru væntanlega viðbrögð við því að af hálfu Evrópusambandsins hafa verið gerðar athugasemdir við stöðu Bændasamtakanna; bæði að þau úthluti ríkisstyrkjum og að þau sjái um hagskýrslugerð.

Skýrsla Ríkisendurskoðunar undirstrikar hins vegar að breytingar á stöðu Bændasamtakanna eru nauðsynlegar, hvort sem kemur til ESB-aðildar eða ekki. Og viðbrögð formanns Bændasamtakanna nú sýna að "varnarlínur" bænda og áhyggjur þeirra af "aðlögun" að reglum ESB í þessu efni eru fyrirsláttur. Er ekki tímabært að hætta honum?"

Allur leiðarinn
 


Valkostirnir: Stuðningskróna eða Evra með ESB-aðild - Árni Páll í Vikulokum Rásar tvö

Árni Páll ÁrnasonÁ Eyjunni stendur: "Fimm ára framlenging á gjaldeyrishöftum, til ársloka 2015, er trúverðug áætlun um það hvernig hægt er að losna undan höftunum, að mati Árna Páls Árnasonar, efnahags- og viðskiptaráðherra. Miðað er við að íslenska þjóðin greiði atkvæði í þjóðaratkvæði um aðild að Evrópusambandinu árið 2013 og eru bæði uppi áætlanir miðað við að þjóðin segi já eða nei við inngöngu í ESB. Einfalda leiðin, að hans mati, er að ganga í Evrópusambandið og taka upp evru.

“Við erum búin að koma skuldastöðu rikisins, þó hún sé umtalsverð, í það horf að hún er sjálfbær. Það eru ekki líkur á greiðslufalli ríkisins, sérstaklega í ljósi þess að við eigum fyrir afborgum af lánum á næstu árum úr forðanum,” sagði Árni Páll í Vikulokunum á Rás 1 nú fyrir hádegið.

“Við höfum náð að byggja stöðu sem vísar vel til framtíðar. Þessi áætlun er mikilvæg til að geta sagt við markaðinn: Já, það er áætlun um það hvernig hægt sé að komast úr þessum höftum og hún er trúverðug. Hún sér fyrir sér trúverðugt endamark, sem er þá annað hvort króna án nokkurrar stuðningsumgjarðar á leiðinni leiðinni inní Evrópusambandið, nú eða króna með einhverskonar stuðningsumgjörð sem Seðlabanki telur óhjákvæmilega til að hún geti lifað af ef við göngum ekki inní Evrópusambandið. Þetta tímalega svigrúm mun gefa okkur færi að undirbúa hvort fyrir sig.”

Frétt Eyjunnar 


Ríkisendurskoðun með alvarlega gagnrýni á Bændasamtökin - Eru þau ríki í ríkinu?

KúÍ nýrri skýrslu sem Ríkisendurskoðun hefur birt kemur fram alvarleg gagnrýni á Bændasamtök Íslands. Margvísleg atriði eru nefnd, en almennt telur Ríkisendurskoðun að umfang og hlutverk sé þeirra sé of mikið í landbúnaðarmálum landsins. Í skýrslunni segir: "Að mati Ríkisendurskoðunar er núverandi eftirlit sjávarútvegs‐ og landbúnaðarráðuneytisins með framkvæmd samninga þess við Bændasamtökin ófullnægjandi. Ráðuneytið  reiðir sig um of á það eftirlit sem samtökin sjálf hafa með framkvæmdinni. Það gerir t.d. ekki úrtakskannanir á forsendum útreikninga sem liggja til grundvallar greiðslum. Brýnt er að sjávarútvegs‐ og landbúnaðarráðuneytið öðlist betri yfirsýn en það hefur nú um ráðstöfun og nýtingu fjármuna og þann árangur sem framlög til landbúnaðarmálaskila."

Þá gagnrýnir Ríkisendurskoðun það fyrirkomulag að Bændasamtökin sjái alfarið sjálf um hagskýrslugerð og um þetta segir í skýrslunni: "Að mati Ríkisendurskoðunar verður sjávarútvegs‐ og landbúnaðarráðuneytið að tryggja óhlutdræga og vandaða hagskýrslugerð fyrir íslenskan landbúnað. Gjalda verður varhug við að Bændasamtökum Íslands sé falin hagskýrslugerð á þessu sviði." Þetta er eitt af þeim atriðum sem bent hefur verið á í sambandið við aðildarviðræðurnar við ESB.

Má kannski velta fyrir sér spurningunni í framhaldi af skýrslu Ríkisendurskoðunar hvort Bændasamtökin séu nánast ríki í ríkinu hér á landi? Það er jú þægileg staða að hafa eftirlit með sjálfum sér. Árlega hafa framlög íslenskra skattborgara verið um 10 milljarðar til landbúnaðarins og er íslenskur landbúnaður sá landbúnaður sem nýtur hvað mestra ríkisstyrkja á byggðu bóli.

Fjallað hefur verið um þetta í fréttum, meðal annars hér og hér.


Valþór Hlöðversson: Við erum Evrópuþjóð!

Með Morgunblaðinu í gær fylgdi "kálfur" (aukablað) sem ber yfirskriftina SÓKNARFÆRI:FRUMKVÆÐI OG FAGMENNSKA Í ÍSLENSKU ATVINNULÍFI.

Leiðara blaðsins skrifar Valþór Hlöðversson (framkvæmdastjóri Athygli ehf) og hann gerir Evrópumálin að umfjöllunarefni. Einn af punktum Valþórs er sú staðreynd að Íslendingar eru Evrópuþjóð og við sækjum menntun til Evrópu og við stundum umfangsmikil viðskipti við Evrópu.

Þá gerir Valþór einnig gjaldmiðilsmálin að umfjöllunarefni og telur hann upptöku "alvöru gjaldmiðils" (eins og hann segir sjálfur) hafa gríðarlega jákvæð áhrif hér á landi.

Hann telur mjög mikilvægt að ná hagstæðum aðildarsamningi við ESB.

Grein Valþórs fylgir hér með á myndformi (þarf að tvísmella til að fá hana stóra).V-Hlodversson 


ESB-málið í réttum farvegi: Rýnifundi um byggðamál lokið

esbis.jpgESB-málinu miðar vel áfram og er á áætlun. Á vef utanríkisráðuneytisins birtist frétt í gær um að rýnifyndi vegna byggðamál væri lokið og í henni segir:

"Rýnifundi um 22. kafla samningaviðræðna við Evrópusambandið, byggðastefnu ESB og samræmingu uppbyggingarsjóða, lauk í Brussel í dag. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla. Fyrir íslenska hópnum fór Ragnheiður Elfa Þorsteinsdóttir, formaður samningahópsins.

Byggðamál standa utan EES-samningsins og þarf að semja um þau frá grunni. Markmið byggðastefnu ESB er að  efla atvinnulíf og efnahagsstarfsemi innan svæða sambandsins. Markmiðunum til stuðnings eru þrír sjóðir, Samheldnisjóður, Félagsmálasjóður og Byggðaþróunarsjóður. Ákveðin stjórnsýsla vegna umsýslu með áætlunum, verkefnum og fjármunum þarf að vera til staðar í aðildarríkjunum, en eins og kemur fram í áliti meirihluta utanríkismálanefndar kunna að skapast ný tækifæri til endurskipulagningar á byggðastefnu íslenskra stjórnvalda á grunni nýrrar hugmyndafræði.

Á fundinum kynntu íslenskir sérfræðingar núverandi löggjöf, framkvæmd og stjórnsýslu í samhengi við byggðastefnu ESB. Af Íslands hálfu var lögð áhersla á sérstöðu landsins, s.s. mannfæð, strjálbýli og einangrun, sem hefur hamlandi áhrif á efnahag og samfélagsþróun. Mikilvægt væri að á grundvelli slíkra viðmiða yrði samið um framlög úr uppbyggingarsjóðum sambandsins. Finnland og Svíþjóð hafa til að mynda notið sérstaks stuðnings vegna strjálbýlla svæða á grundvelli ákvæðis í aðildarsamningi þeirra.

Á meðal annarra þátta sem lögð var sérstök áhersla á af Íslands hálfu á rýnifundunum má nefna:

  • Breytta efnahagsstöðu þjóðarinnar.
  • Hvernig núverandi sérlausnir einstakra aðildarríkja og útvarða sambandsins geti átt við um Ísland.
  • Að stjórnsýsla byggðamála verði með sem einföldustum hætti svo ekki fari óeðlilega hátt hlutfall framlaga í umsýslukostnað.
  • Áætlanagerð og stofnanaumgjörð.

Greinargerð samningahópsins sem fjallar um byggðamál hefur verið birt á heimasíðunni esb.utn.is."

Hér er greinargerðin

Þar með er enn einum rýnifundinum lokið, en á þessum fundum fer fram greining á löggjöf ESB og Íslands, meðal annars til að sjá muninn.


Undir feldi: Ungir menn tala við sér eldri mann um ESB

Jón Baldvin HannibalssonÁ sjónvarpsstöð Ingva Hrafns Jónssonar, ÍNN er að finna margskonar þætti. Einn af þeim, Undir feldi, fjallar um Evrópumál og er stjórnað af tveumur ungum mönnum; Heimi Hannessyni og Frosta Logasyni.

Í þætti frá 3.mars er að finna viðtal við fyrrum utanríkisráðherra Jón Baldvin Hannibalsson um Evrópumálin. Þáttinn er að finna á þessari krækju.

Jón Baldvin ræðir hér marga fleti á málinu, meðal annars gjaldmiðilsmálin. Hann segir einnig í þættinum að hann eigi bréf frá spænskum ráðherra utanríkisverslunar þess efnis að hann viðurkenni í bréfinu að Spánverjar eigi engan sögulegan rétt til fiskveiða á Íslandi! 

Mynd: Skjáskot af ÍNN


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband