Verkalýðsmál - atvinnuleysi - Evrópa/USA/Ísland

Mönnum er tíðrætt um mótmæli og óánægju með þróun efnahagsmála í Evrópu af völdum fjármálakrísunnar. Og atvinnuleysi. Í Evrópu er meðaltal atvinnuleysis um 9%, rétt eins og hér á landi um þessar mundir. Það er miður, mjög miður.

Sama er uppi á teningnum í Bandaríkjunum, ,,landi tækifæranna,“ eins og þeir sjálfir kalla það.

En hversvegna er þá ekki allt logandi í verkföllum og mótmælum þar? Eru Bandaríkjamenn eitthvað öðruvísi en íbúar Evrópu að þessu leyti?

Skýringin liggur í sögu verkalýðsréttinda, en í Evrópu hafa verkalýðsfélög alltaf verið mun sterkari en í Bandaríkjunum, þar sem (af ýmsum ástæðum) hefur verið meiri andstaða við myndun verkalýðsfélaga.

Í Frönsku byltingunni 1789, var spilltum einvaldi steypt og upp frá þeim tímapunkti hófst þróun í átt til aukinna mannréttinda og síðar aukinna réttinda verkalýðs, í kjölfar iðnbyltingar.

Réttindi verkafólks í Evrópu eiga sér því langa sögu. Þennan rétt notar verkafólk og hinar ýmsu stéttir til að berjast fyrir kjörum sínum, hvort sem það er í Aþenu, Reykjavík, eða einhversstaðar annarsstaðar.

Í Bandaríkjunum er annað uppi á teningnum, þar er annað ,,módel“ notað, sem er sagt einkennast af sveigjanleika. Þessi ,,sveigjanleiki“ var til umræðu í Silfri Egils um síðustu helgi, þar sem rætt var við bandarísku blaðakonuna Barböru Ehrenreich.

Það er alltaf áhugavert áhugavert að komast að því af hverju hlutirnir eru eins og þeir eru!

Að lokum:

Avinnuleysi ESB,meðaltal: 9.7% (apríl 2010)

USA, meðaltal: 9.9% (apríl)

Ísland (heild): 9% (apríl)

Athugasemdir

[Sleggjan og Hvellurinn, 2.6.2010 kl. 11:56]

Alltaf þegar NEI sinnar gagnrína ESB þá nefna þeir atvinnuleysi. Það er þeirra helsta rök.

Nú munar bara 0,7% á milli ESB og Ísland og helsta rök NEI-sinna er að verða að engu. 

Í rauninni hefur þessi "blessaða" króna hjálpað okkur minna en margir halda. Það hafa fjöldinn allur af útlendingum flutt heim til sína aftur. Margir Íslendingar hafa flutt til Norðurlandana og fjöldi fólks hafa sest á skólabekkinn. Atvinnuleysi væri miklu meira á Íslandi ef þetta hefði ekki gerst. Þess vegna er þessi margumtalaða króna ekki að gera eins mikið og margir halda. 

Annað en að falla um 100% og skilja fölskyldur og atvinnulífið eftir í skuldasúpu.

[Jón Frímann Jónsson, 2.6.2010 kl. 15:12]

Atvinnulög ESB hafa verið í gildi á Íslandi síðan árið 1994, með seinni tíma breytingum.

Þannig að rök Nei sinna eru að engu orðin með þá staðreynd í huga.

[Þorsteinn Briem, 2.6.2010 kl. 15:22]

Forseti ESB vill sameiginlega efnahagsstjórn á evrusvæðinu

[Jón Frímann Jónsson, 2.6.2010 kl. 15:30]

Þetta er nú Forseti Ráðherraráðsins, og hann ræður í raun engu nema þá fundahöldum Ráðherraráðsins.

Þessi frétt Morgunblaðsins er ennfremur frekar dularfull, þar sem ekkert er um þetta á vef Ráðherraráðsins.  Það eina sem ég fann er þetta hérna, og þar er bara talað um meiri efnahagssamvinnu.

[Þorsteinn Briem, 2.6.2010 kl. 16:57]

Á mbl.is er væntanlega verið að vísa í þessi ummæli Van Rompuy, sem eru að sjálfsögðu hið besta mál

"On 19 November 2009, Herman Van Rompuy was chosen unanimously by the European Council, at an informal meeting in Brussels, to be the first full-time President of the European Council for the period of 1 December 2009 (the entry into force of the Treaty of Lisbon) until 31 May 2012."

"A Belgian politician of the Christian Democratic and Flemish party, Van Rompuy served as the 49th Prime Minister of Belgium from 30 December 2008 until his predecessor (Yves Leterme) succeeded him on 25 November 2009."