Mogginn og Evran

Morgunblaðið óskar Evrunni ekki velfarnaðar og eru Morgunblaðsmenn iðnir við að skrifa um hana þessa dagana. Í dag er aðal-leiðari blaðsins um Evruna. Vissulega hrjá hremmingar Evrópu um þessar mundir, en það á ekki bara við um Evrópu. Sumir hafa líka bent á að Evran hafi verið of há, er þá um s.k. ,,leiðréttingu“ að ræða?

Í leiðara MBL segir: „Skoðanakannanir sýna að þjóðir sem höfðu hugleitt upptöku evru eru orðnar því með öllu afhuga og almenningur þeirra ríkja sem búa við hina sameiginlegu mynt hallast víðast að því að best væri að taka upp gömlu heimamyntina.“

Vera má að almenningur um þessar mundir sé neikvæður gagnvart Evrunni, en það er líka hægt a benda á lönd innan ESB sem stefna að því að taka upp Evruna; Eistland mun gera það 2010. Lettland og Pólland stefna líka á Evruna, en Pólland er fimmta stærsta ríki ESB. Danir eru beintengdir Evrunni og eru einnig að velta þessu fyrir sér.

Þá hefur Anders Borg, fjármálaráðherra Svía sagt að það væri æskilegt að stefna á upptöku Evrunnar eftir nokkur ár.

Í leiðar Moggans er svo vitnað í könnun sem dagblaðið Daily Telegraph gerði meða 25 hagfræðinga um Evruna. Samkvæmt henni voru 12 af þessum 25 sem gáfu Evrunni þumalinn niður. Telegraph og Morgunblaðið eiga það sameiginlegt að vera á móti Evrópusambandinu og hjá Telegraph starfar t.d. blaðamaðurinn Ambrose Evans-Pritchard, sem yfirleitt finnur ESB allt til foráttu. Áköfustu andstæðingar ESB hér á landi vitna oftar en ekki í skrif hans.

Það sem sagt hlakkar í Mogga-mönnum vegna þeirra vandræða sem hrjá efnahagskerfi Evrópu. Þeir velta hinsvegar lítið fyrir sér hvað gæti gerst ef allt færi andskotans til. Evrópa er jú annað stærsta hagkerfi heims. Afleiðingar algjörs hruns í Evrópu er nokkuð sem gæti haft skelfilegar afleiðingar í för með sér. Það er kannski þess vegna sem ráðmenn í Evrópu leggja sig jafn mikið fram til að halda sjó, eins og raun ber vitni.

Moggamenn vilja örugglega ekki sjá Evrópu molna í sundur. Við skulum allavegana vona það.

Svo lýkur leiðarahöfundur Mogga skrifum sínum með því að tala niður til alþingismanna: ,, Á Íslandi er veruleikafirringin slík að í fjárhagslegum þrengingum þjóðarinnar er eins flokks dilla látin ráða för í Evrópumálum og stórkostlegum fjármunum á glæ kastað. Fjármunum sem er hrópandi þörf fyrir á svo mörgum sviðum. Það sýnir þá eymdarstöðu sem Alþingi Íslendinga hefur komið sér í að þar virðist ekki örla á þreki eða þrótti til að taka á því máli. Ef þingmenn sæju hilla undir furðuframboð til þings myndu þeir hugsanlega vakna. Þó er það ekki einu sinni víst."

(Feitletrun: ES-blogg)

Athugasemdir

[Jón Frímann Jónsson, 8.6.2010 kl. 13:13]

Ég veit ekki hvaðan ritstjóri Morgunblaðsins fær sýnar upplýsingar, þær eru nefnilega rangar.

Eistland verður 17 aðildarríki sem tekur upp evruna sem gjaldmiðil. Sjá hérna.

Við þetta, þá eru allar líkur á því að það styttist í að Danmörk samþykki líka að taka upp evruna sem gjaldmiðil. Sjá hérna.

[Óskar Helgi Helgason (IP-tala skráð) 8.6.2010 kl. 14:10]

Komið þið sæl; Evrópusamtök !

Sízt af öllu; vildi ég styggja þann góða dreng, Jón Frímann, þó ég komi því til framfæris, að Kínverski Yuaninn komi til með, að spila stórt hlutverk hér; á Vesturlöndum, þá Evra og Bandaríkjadalur láta undan síga - meir og meir.

Heimsvaldasinnar; hér á Vesturlöndum, verða að átta sig á því, að áður niðurlægðir; fjarlægari heimshlutar, eru að sækja í sig veðrið, og þó; fyrr hefði verið, svo sem.

Minni ykkur svo á; hina miklu framþróun, sem er að eiga sér stað, í Ísrael og Persíu (Íran), nú um stundir, þó svo himinn og haf aðskilji þessi mætu lönd, af trúarkenninga ástæðum, um sinn, eins og þið vitið gleggst. 

Með ágætum kveðjum; sem fyrr /

Óskar Helgi Helgason

[Þorsteinn Briem, 8.6.2010 kl. 14:11]

Gengi evru er nú um 40% HÆRRA gagnvart bandaríkjadal OG sterlingspundi en í árslok 2001 en evruseðlar voru settir í umferð í ársbyrjun 2002.

Og evran kostar nú um 280 íslenskar krónur erlendis en fyrir tveimur árum kostaði evran um 100 krónur.

Íslenska krónan er því um ÞREFALT VERÐMINNI en evran nú en fyrir tveimur árum.

Hagvísar Seðlabanka Íslands - Maí 2010, sjá bls. 20 og 24

Danska krónan er BUNDIN gengi evrunnar, sænska krónan hefur FYLGT gengi evrunnar og Eistland TEKUR UPP upp evru nú um áramótin.

"The euro is the official currency of the Eurozone, 16 of the 27 Member States of the European Union (EU), and is the currency used by the EU institutions.

The eurozone consists of Austria, Belgium, Cyprus, Finland, France, Germany, Greece, Ireland, Italy, Luxembourg, Malta, the Netherlands, Portugal, Slovakia, Slovenia and Spain.

Estonia is due to join the eurozone on the 1st January 2011."
"... other EU memberstates have a direct peg [to the Euro] due to ERM II: the Danish krone, the Lithuanian litas and the Latvian lats."

"The euro is consequently used daily by some 327 million Europeans and over 175 million people worldwide use currencies which are pegged to the euro.

Over 150 million people in Africa use a currency pegged to the euro, 25 million people outside the eurozone in Europe and another 500,000 people on Pacific islands."

Evran - Wikipedia

[Þorsteinn Briem, 8.6.2010 kl. 16:42]

HÁLFUR MILLJARÐUR manna notar því evruna eða gjaldmiðla sem bundnir eru gengi evrunnar.

[Jónas Egilsson, 8.6.2010 kl. 21:31]

Sér bara þessi hugmynd um Evruna um sig sjálf? Þarf nokkuð að skrifa um þetta frekar?

Evran virðist, a.m.k. um þessar stundir, ekki fást staðist. Hins vegar fæst hún ekki lögð niður, því það þýddi endalok Evrópusambandsins.

[Þorsteinn Briem, 8.6.2010 kl. 22:49]

Evrópusambandið snýst nú um margt annað en evruna.

Bretland fékk til að mynda aðild að Efnahagsbandalagi Evrópu árið 1973 og hefur enn eiginn gjaldmiðil, sterlingspundið.

"The UK joined the European Economic Community (now the European Union) on 1st January 1973, along with Ireland and Denmark."

"In 1963, Norway and the United Kingdom applied for membership in the European Economic Community (EEC). When France rebuffed the UK's application, accession negotiations with Norway, Denmark, Ireland and the UK were suspended. This happened twice."