Jón Sigurðsson: ESB umsókn skynsamleg

"Það er skynsamleg ákvörðun að Íslendingar leiti aðildar að Evrópusambandinu. Í EES erum við áhrifalaust annars flokks fylgiríki og sú staða er allsendis ófullnægjandi til lengdar. Í annan stað erum við um þessar mundir að taka nýja viðspyrnu til framtíðar eftir alvarlegt hrun. Því er einmitt tímabært að taka aðild að ESB inn í stefnumótun þjóðarinnar núna. Þetta gerum við sem frjáls og fullvalda þjóð."

Þetta er upphafið á grein eftir Jón Sigurðsson, fyrrum Seðlabankastjóra og iðnaðarráðherra, sem hann birtir í Fréttablaðinu í dag. Greinina er einnig að finna á www.pressan.is

Athugasemdir

[Jónatan Karlsson, 15.6.2010 kl. 12:26]

Þessi grein Jóns er eitthvað það aumasta safn af fáránlegum rökum fyrir að Íslendingar ættu að sækja um aðild að þessu bandalagi sem vaggar um á veikluðum brauðfótunum. Í mínum augum hefur Jón þarna illan málstað að verja og er greinilega af veikum mætti að vinna fyrir "kaupinu" sínu. Þarna í næsta nágreni við þetta greinarskrípi var einhverskonar dálkur sem átti að gefa einhverja innsýn í skrif bloggverja á netinu og voru þeir bútar sama eðlis og fyrrnefnt stagl Jóns.

Það markverða við þennan aula-áróður er nú samt hvað mig snertir það að nú fór Fréttablaðið endanlega yfir strikið. Það er óþægilegt að fá þennann pésa með sínum lævísa samfylkingar áróðri inn á gólf alla daga, án þess að vita nákvæmlega hver fjármagnar snepilinn. Ég hef þar að auki límt miða á bréfa lúguna hjá mér þar sem ég skrifaði: "Ekki Fréttablaðið, takk" en þrátt fyrir greinileg skilaboðin, þá var gangurinn fullur af blöðum, þegar ég kom úr fríinu og það síðasta stóð eins og endranær hálft út úr lúgunni, sem augljós skilaboð til ummheimsins að þarna væri enginn heima.

Ef nú einhver er vakandi á þessu mogga-bloggi, þá skal ég heita því að gerast áskrifandi að (illa innrættum) Mogganum, sem maður veit þó hvaðan kemur, í a.m.s.k einn mánuð, ef ég fæ með fyrsta eintakinu greinilegan og vel hannaðann plast líummiða sem passar á bréflúguna hjá mér, sem á stendur: EKKERT FRÉTTABLAРHINGAР

[Elle_, 15.6.2010 kl. 12:51]

Já, allt sem Jón Sigurðsson skrifar þarna er lævíslegt og rakalaust.  Við erum núna fullvalda og sjálfstætt ríki  og verðum fullvalda og sjálfstætt ríki með því að halda okkur utan Bandaríkja Evrópu sem við höfum enga þörf fyrir og mun valda okkur miklum skaða og ræna okkur fullveldinu. 

Það hefur oft komið fram að þeir eru að sækjast eftir landinu okkar, fiskimiðunum, orkunni, siglingaleiðunum, vatninu.  Hvað þarf til að hin undarlegu Evrópusamtök og þeirra fylgilið skilji það??  Við afsölum okkur ekki fullveldinu og lögunum fyrir Evru.  Við sameinumst ekki stórríki þar sem við munum ekki hafa neitt vægi og þar sem gömlu heimsveldin og nokkur stærstu löndin munu ráða nánast öllu og hin,  21 með tölu og yrðu 22 með Íslandi, munu hafa undir 30% vægi samanlagt.   Við gefum ekki landið okkar fyrir Evru og yfirráð stórvelda. 

[Þorsteinn Briem, 15.6.2010 kl. 13:26]

Ályktun flokksþings framsóknarmanna í fyrra um aðildarviðræður við Evrópusambandið:

"Markmið

Að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar.

Þá er fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum.

Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu.

Skilyrði

• Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti aðildarsamnings.

• Staðfest verði að Íslendingar einir hafi veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.

• Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.

• Viðurkennt verði að íslenskur landbúnaður sé heimskautalandbúnaður.

• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.

• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.

• Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.

• Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.

• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB."

Ályktun flokksþings Framsóknarflokksins um aðildarviðræður við Evrópusambandið

[Elle_, 15.6.2010 kl. 18:29]

Það eru engin rök og engin vissa fyrir neinu sem þú ert að skrifa þarna, Steini, heldur fjarstætt svona eins og það hafi komið beint frá samfylkta liðinu. 

[Þorsteinn Briem, 15.6.2010 kl. 18:45]

Þetta er ORÐRÉTT ÁLYKTUN flokksþings FRAMSÓKNARMANNA í fyrra um aðildarviðræður við Evrópusambandið og er enn í fullu gildi.

Ég er ekki í Framsóknarflokknum, enda þótt langafi minn hafi stofnað flokkinn, verið fyrsti formaður hans og formaður SÍS.

Er reyndar ekki í nokkrum stjórnmálaflokki og hef aldrei verið.

Hins vegar er fólk í ÖLLUM íslenskum stjórnmálaflokkum fylgjandi aðild Íslands að Evrópusambandinu.

Fyrst að lesa, svo að kvarta og kveina, elskan mín.

[Elle_, 15.6.2010 kl. 19:04]

Get ég bent ykkur á að 11 þúsund börn í landinu líða nú vegna fátæktar foreldranna.  11 þúsund saklaus börn.   Og hinum forhertu djöflum í ríkisstjórninni er nákvæmlega sama.  Ríkispeningar og skatttekjur foreldranna SKULU fara í að borga fyrir bankana, glæpamennina og fáráðsumsóknina inn í Bandaríki Evrópu sem stærstur hluti landsmanna VILL EKKI.  Núverandi ríkisstjórn er fársjúk og gjörsamlega ómanneskjuleg.

[Þorsteinn Briem, 15.6.2010 kl. 19:46]

Mér er alveg sama hvað þér FINNST um ríkisstjórnina.

Nú er HEIMSKREPPA, sem hófst árið 2007, og fjöldinn allur af Íslendingum tók GLÓRULAUS LÁN áður en íslensku bankarnir urðu gjaldþrota haustið 2008.

Fjölmargir íslenskir krakkar eru þar að auki AKFEITIR og hafa gott af góðri megrun í nokkur ár, í stað þess að graðga í sig sælgæti daginn út og daginn inn.

[Þorsteinn Briem, 15.6.2010 kl. 19:57]

Og ég hef ENGA samúð með fólki sem tekur lán til að kaupa bíl.

Það getur gengið eða tekið strætó, í stað þess að skæla úr sér augun út af bílalánum.

Ef fólk getur ekki lagt fyrir til að kaupa bíl hefur það heldur ekki efni á að greiða afborganir af bílaláni.

[Elle_, 15.6.2010 kl. 23:52]

Glæpir voru framdir í bönkunum og þú ert ekki að ná því að skuldir fólksins flugu óeðliega upp þess vegna, skuldir grunlaussa skuldara.  Glæpabankar tóku stöðu gegn ísl. genginu sem kol-féll og verðbólga flaug upp við fall gengisins.  En hin forherta Jóhönnu-stjórn kýs að misnota skuldara.   En ég efast ekki um að þú hafir enn svar til að verja hið ríkisstudda rán.

[Þorsteinn Briem, 16.6.2010 kl. 01:15]

Verðbólga hérlendis hefur OFT verið MUN MEIRI en undanfarin ár, til að mynda 84% árið 1983.

Verðbólga á Íslandi 1940-2008

Og hér hefur áður verið töluvert atvinnuleysi, til dæmis á síðasta áratug.

Atvinnuleysi á Íslandi 1957-2004, sjá bls. 58

Og ENGINN skyldaði hér fólk til að taka lán í annarri mynt en það hafði tekjur í undanfarin ár.

Ef barþjónn otar víni að manni á barnum er það ekki barþjóninum eða eiginkonu mannsins að kenna ef hann kemur drukkinn heim.

Bankar eru milliliður á milli sparifjáreigenda og lántakenda og þeir síðarnefndu verða að greiða RAUNVEXTI af lánum sínum til að greiða kostnað við rekstur bankanna, arð til eigenda þeirra og raunvexti sparifjáreigendanna.

Annars færa þeir peninga sína í aðra banka, til dæmis erlendis, kaupa íbúðir og leigja þær út til að fá ARÐ AF EIGN sinni eða fjárfesta í steinsteypu, eins og menn gerðu hér á 8. og 9. áratugnum þegar andvirði 20 þúsund þriggja herbergja íbúða í Reykjavík voru fluttir frá sparifjáreigendum til lántakenda.

Það var LÖGLEGUR STULDUR, aðallega frá börnum og gamalmennum, en þá var GLÆPUR hér að eiga peninga erlendis.