Óvinir óvina minna eru vinir mínir!

ESB-málið getur tekið á sig furðulegar myndir. Styrmir Gunnarsson, pistlahöfundur MBL og Björn Bjarnason fyrrum alþingismaður, hafa sett á fót sína eigin gælusíðu um Evrópumál, kölluð Evrópuvaktin. Um er að ræða sömu síðu og AMX, nema bara með "Evrópu-innihaldi" Umsjónamaður er einnig sá sami og rekur AMX. Þetta er því næstum því sami grautur í sömu skál!

Um helgina kom þýðing á efni frá Noregi á síðu Styrmis og Björns. En það kom ekki frá neinu hægri-riti, heldur KLASSEKAMPEN (STÉTTABARÁTTAN!). Um er að ræða málgagn og dagblað vinstri-sinna í Noregi!

Hvenær hefði t.d. Mogginn notað efni úr Öreiganum eða Fréttum frá Sovétríkjunum?

En hér gildir hið fornkveðna: Óvinir óvina minna eru vinir mínir!

16.6: Uppfærsla: Á vef sínum segja Styrmir og Björn að ES-bloggið sé að VARA VIÐ Evrópuvaktinni!

Við erum einfaldlega að benda á hvaðan þessir landsþekktu hægri-menn eru að taka sitt efni, það verður að teljast athyglisvert. En þeir færa í stílinn, félagarnir. Hér er ekki varað við einu eða neinu!

Og hvað aldur ritara varðar,eins og þeir gera að  umtalsefni, þá var hann 23 ára þegar múrinn féll. Svo er bara að reikna!

Athugasemdir

[Jón Frímann Jónsson, 16.6.2010 kl. 01:21]

Þessi bloggfærsla fór verulega fyrir brjótið á þeim sem standa á bak við Evrópuvaktina. Það er reyndar ekkert nema gott mál að mínu mati.

Reyndar tek ég mun harðar á þessu en blogg Evrópusamtakana. Það er hægt að sjá hérna og hérna. Reyndar hef ég skrifað fleiri blogg um sama málefni, en þetta ætti að duga fólki.

[sandkassi (IP-tala skráð) 16.6.2010 kl. 03:48]

Sýnist þetta vera fínasti vefur hjá þeim félögum.

[Gunnar Heiðarsson, 16.6.2010 kl. 04:59]

Þið hefðuð alveg mátt láta koma fram að í þessari grein þeirra félaga kemur skýrt fram að þýðingin er úr blaði vinstrisinna í Noregi.

Annars er þetta nokkuð gott framtak hjá þeim.

[Stefán Júlíusson (IP-tala skráð) 16.6.2010 kl. 07:12]

Hrikalega er verið að gera allt tortryggilegt á þessum vef.

Svo rakst ég á frétt hjá þeim.  Hún er áhugaverð.  Þar er sagt frá því að Kínverjar eru að gera fjölda viðskiptasamningja við Grikki.  

Hluti af áróðri esb-andstæðinga er að Ísland má ekki gera neina viðskiptasamninga nema í gegnum Brussel.

Hrikalega er þetta allt þreytt.  Geisp.

[Gísli Ingvarsson, 16.6.2010 kl. 12:10]

Viðskiptasamningar eru eitt, það er ekki endilega alltaf á skjön við ESB ef rétt er að farið en milliríkjasamningar sem skuldbinda gagnkvæm réttindi og skyldur samningsaðila verða að fara að reglum EES að sjálfsögðu. Það er til dæmis að því er virðist hola í löggjöf um orkuréttindi þar sem dótturfélag fyrirtækis skráð í Kanada getur eignast orkuréttindi á Íslandi. Þetta verðum við að skoða vel í aðildarviðræðum. Já aðildaviðræður eru nauðsynlegar.

[Jón Baldur Lorange, 16.6.2010 kl. 22:17]

Ég sem hélt að Evrópusamtökin fögnuðu allri upplýsandi umræðu um Evrópumálefni. Evrópuvaktin er vönduð vefsíða. Hún er öflugur vettvangur fyrir upplýsta umræðu. Þar eru sett fram andstæð sjónarmið en koma fram á þessari vefsíðu. Allir vita að þeir sem þarf skrifa skoða aðild Íslands að Evrópusambandinu með gagnrýnu hugarfari. Það er fínt mótvægi við umræðuna á þessum vef sem berst fyrir aðild Íslands að Evrópusambandinu. Evrópusamtökin hafa hvatt til og fagna í orði fræðslu um ESB en á borði greinilega harmar hana ef hún er ekki sett fram með jákvæðum hætti í garð aðildar.

Styrmir Gunnarsson og Björn Bjarnason eru þungavigtarmenn í umræðunni um Evrópusambandið og búa að mikilli reynslu og þekkingu á viðfangsefninu. Og þeir skjóta ekki á andstæðinga sína úr skúmaskotum heldur koma fram undir fullu nafni.

[Jón Frímann Jónsson, 16.6.2010 kl. 22:39]

Jón Baldur, það er nú bara þannig að það kemur ekkert upplýst frá Strymi, Birni Bjarnarsyni (fyrrverandi dómsmálaráðherra) og Davíð Oddssyni sem er tengdur þessum samkvæmt mínum grunsemdum. Einnig eru þarna líklega Hannes Hómsteinn og feiri menn sem tengast þessari sérhagsmunaklíku sterkum böndum.

Hérna er fyrirtækið sem er skráð fyrir evropuvaktin.is, það þarf að fara rannsaka þetta fyrirtæki. Þar sem það framleiðir ekki neitt, en virðist engu að síður standa í ströngu á hinum ýmsu sviðum þjóðlífsins. Ekki bara í andstöðunni við ESB á Íslandi.

 whois evropuvaktin.is
% This is the ISNIC Whois server.
%
% Rights restricted by copyright.
% See http://www.isnic.is/copyright.php

domain:       evropuvaktin.is
descr:        Vefmiðlun ehf
descr:        Skipholti 50C
descr:        IS-105 Reykjavík
admin-c:      VE233-IS
tech-c:       VE233-IS
zone-c:       VE233-IS
billing-c:    VE233-IS
nserver:      ns0.vefmidlun.is
nserver:      ns1.vefmidlun.is
created:      April 21 2010
expires:      April 21 2011
source:       ISNIC

role:         Vefmiðlun ehf
address:      Skipholti 50c
address:      IS-105 Reykjavík
phone:        [phone]
e-mail:       [e-mail]
nic-hdl:      VE233-IS
created:      May 26 2004
source:       ISNIC