DV: Þorgerður sögð heit fyrir nýju hægri-afli

DV skrifar í dag að Þorgerður Katrín Gunnarsdóttir, sé mjög heit fyrir nýju hægri-afli í íslenskum eftir úthýsingu Evrópusinna á síðasta landsfundi, en þá varð öllum ljóst að Sjálfstæðisflokkurinn hefur ekki bolmagn eða umburðarlyndi til að hafa Evrópumál innanborðs.

Frétt DV er stutt, svo við tökum okkur það bessaleyfi að birta hana alla, vonum að DV fyrirgefi okkur:

"Sjálfstæðismenn hafa af því miklar og rökréttar áhyggjur að klofningur blasi við í framhaldi af því að Evrópusinnar voru reknir út á gaddinn með landsfundarsamþykkt um að aðildarviðræðum við ESB skyldi þegar í stað hætt.

Á fundi Evrópusinna innan flokksins mátti sjá þingkonurnar Ragnheiði Ríkharðsdóttur og Þorgerði Katrínu Gunnarsdóttur þungbúnar vegna stöðunnar. Ekki er talið ólíklegt að báðar muni þær ganga til liðs við nýtt, frjálslynt stjórnmálaafl ef til kemur.

Ragnheiður þykir vera ólíkindatól og til alls vís. Þorgerður Katrín hefur aftur á móti engu að tapa innan Sjálfstæðisflokksins þar sem frami hennar er á enda. Hermt er að hún sé sjóðheit fyrir því að komast í oddvitastöðu hjá nýju hægraafli."

Athugasemdir

[Gunnlaugur I., 3.7.2010 kl. 10:15]

500 milljóna Kúlulánadrottningin verður að finna sér annan starfsvettvang og annan flokk sem sættir sig við að taka við svona spillingarliði bara ef það er tilbúið að berjast fyrir innlimun lands og þjóðar í ESB yfirráðaklúbbinn og fá syndakvittun frá Brussel í staðinn. 

Jón Ásgeir, Björgólfur Thór og aðrir auðrónar og bankaglæponar sem komu landinu á vonarvöl en berjast nú hörðum höndum við að véla land og þjóð undir ESB Elítuna munu sjálfsagt líka verða framarlega í framvarðarsveit þessarar landráðafylkingar.

Fylgisleysið við ESB innlimun mun ekkert lagast við það !