Baldur Þórhallsson: Hvað varð um vestræna samvinnu?

Baldur Þórhallsson, stjórnmálafræðiprofessor, skrifar hugleiðingu í Fréttablaðið í gær um vestræna samvinnu og örlög hennar. Baldur skrifar:

"Á kaldastríðsárunum bar vestræn samvinna, sem byggði á grunngildum lýðræðis, mannréttinda og friðar, sigurorð af alræðisstjórnum í Mið- og Austur-Evrópu. Samvinna lýðræðisríkja innan NATO og ESB lagði grunninn að þessum sigri. Samvinna Evrópuþjóða innan Evrópusambandsins hefur í dag tekið við því hlutverki sem vestræn samvinna gegndi svo giftusamlega í um hálfa öld. Samvinna þjóða innan ESB byggir á grunngildum lýðræðis, mannréttinda, markaðshagkerfis og réttláts ríkisvalds."

Öll grein Baldurs

 

Athugasemdir

[Hjörtur J. Guðmundsson, 7.7.2010 kl. 10:05]

Jæja, er það nýjasta söguskýringin að Evrópusambandið hafi sigrast á kommúnismanum? :D

Þess utan er einfaldlega ekki hægt að tala um vestræna samvinnu án þess að taka Bandaríkin inn í þá mynd.

[Þorsteinn Briem, 7.7.2010 kl. 11:33]

KÚBA er við bæjardyr Bandaríkjanna og landið hefur verið KOMMÚNISTARÍKI í hálfa öld.

Kúba - Wikipedia

Og stærsti lánardrottinn Bandaríkjanna er KÍNA, sem hefur verið KOMMÚNISTARÍKI frá árinu 1949, þegar Atlantshafsbandalagið (NATO) var stofnað.

Kína - Wikipedia

Þar að auki TÖPUÐU Bandaríkin stríðinu í VÍETNAM árið 1975 og allt landið er nú KOMMÚNISTARÍKI.

Víetnam - Wikipedia

[Gísli Ingvarsson, 7.7.2010 kl. 23:30]

Skammastu þín Steini að setja svona ofan í við Hjört. Hann á kannski bágt.

[Þorsteinn Briem, 8.7.2010 kl. 00:00]

Örugglega. ;)

[Kjartan Sigurgeirsson, 8.7.2010 kl. 11:09]

Veit ekki betur en að Ísland sé í þokkalegu viðskipta sambandi við vestur Evrópu, Bandaríki Norður Ameríku og Kanada, hefur dugað okkur vel fram að þessu, sé ekki ástæðu til að gefa einhverjum hluta þessara samstarfslanda okkar fullt vald yfir okkur og okkar högum. 

Auk þess erum við í vaxandi samstarfi við Rússa, Kínverja og ýmsar aðrar þjóðir.  Viðskiptasamningur okkar við Kína kemur ekki í veg fyrir fríverslunarsamning við önnur lönd, en að því er mér skilst telur ESB sig þess umkomin að stjórna því við hverja við skiptum.

[Þorsteinn Briem, 8.7.2010 kl. 12:19]

Kjartan Sigurgeirsson.

Evrópusambandslöndin, sem eru öll sjálfstæð og fullvalda ríki, eiga að sjálfsögðu viðskipti við lönd utan Evrópska efnahagssvæðisins, til að mynda Kína, en Evrópska efnahagssvæðið greiðir einfaldlega hæsta verðið fyrir íslenskar vörur og þaðan koma flestir erlendir ferðamenn.

Í fyrra, árið 2009, komu 65% af innflutningi okkar Íslendinga frá Evrópska efnahagssvæðinu og þá fóru um 84% af útflutningi okkar þangað.

Árið 2009 fóru einungis 3,9% af vöruútflutningi okkar til Bandaríkjanna, 2,3% til Kína, 1,2% til Rússlands og 0,5% til Kanada en þá komu einungis 6,9% af vöruinnflutningi okkar frá Bandaríkjunum, 5% frá Kína, 1,9% frá Kanada og 0,7% frá Rússlandi.

Utanríkisverslun okkar Íslendinga með vörur árið 2009

Um 70% af erlendum ferðamönnum hér búa á Evrópska efnahagssvæðinu en einungis um 10% í Bandaríkjunum, 2% í Kanada, 1% í Kína og enn færri í Rússlandi.

Þar að auki ferðumst við Íslendingar aðallega til Evrópska efnahagssvæðisins og Íslendingar í námi erlendis stunda langflestir nám á Evrópska efnahagssvæðinu.

"Erasmus er flaggskip Evrópusambandsins á sviði menntasamstarfs og á hverju ári gerir Erasmus um tvöhundruð þúsund evrópskum stúdentum kleift að nema eða vinna erlendis."

Erasmus - Flaggskip Evrópusambandsins á sviði menntasamstarfs

The Erasmus Programme

Erlendir gestir um Leifsstöð 2002-2010

Ferðaþjónusta á Íslandi í tölum - Febrúar 2010