Guðmundur Andri í FRBL

17.8.2010 | 10:56

Guðmundur Andri Thorsson, rithöfundur, skrifar grein í Fréttablaðið í gær, um Vinstri græn og ESB, sem hefst svona:

"Þegar Davíð Oddsson talar um fræðimenn og stjórnmálaskýrendur sem sérhæft hafa sig í regluverki Evrópusambandsins kallar hann þá alltaf „sérfræðinga Samfylkingarinnar". Þar með gefur hann sínu fólki skilaboð um að taka aldrei mark á orði sem þessir fræðimenn kunna að hafa til málanna að leggja. Aldrei. Gildir þá einu hvað það er eða hversu mikið vit þeir hafa á málaflokknum: Aldrei. Þeir eru á vegum „andstæðingsins". Samfylkingarinnar. Gott ef ekki hreinlega Baugs.

Gamalkunnur dilkadráttur

Við þetta búum við. Eilífan drátt gamalla fjallkónga inn í gamla dilka. Óskandi væri samt að okkur tækist að ræða þetta mál án þess að þátttakendur þurfi að vísa í sífellu fram flokksskírteinum. Óskandi væri að umræðan um ESB snerist um málefni: þjóðarhag, lífskjör, stað Íslands í heiminum, krónuna, umhverfismál, stöðugleika, atvinnumál, eðli fullveldisins, vöruútflutning, tollamál, verð á matvöru…"

Öll greinin: http://www.visir.is/vinstri-graen-og-evropusambandid/article/2010368840296

Evrópusamtökin, www.evropa.is

Flokkur: Evrópumál | Breytt s.d. kl. 11:05 | Facebook

Athugasemdir

Það getur vel verið að DO hafi sinn hæðnisháttinn á í þessu máli sem svo mörgum öðrum.

En stóra sök á því vegna hvers þetta er svona er að bæði hér á Evrópusíðunni og af helstu áhangendum ESB trúboðsins er alltaf rekið upp ramakvein ef einhver skrifar á móti ESB fyrirheitna Stórríkinu þeirra og þeir sakaðir um að vera:

"Vondir Sjálfstæðismenn", "liðsmenn Davíðs Oddssonar" eða að við værum á mála hjá LÍU klíkunni eða Bændasamtökum, jú eða vera einhverjir últra kommúnistar eins og hinn þjóðlegi og íhaldssami Ragnar Arnalds" er talinn vera í þeirra herbúðum.

Þetta er svo fyrir utan allan skíta orðaflauminn sem sumir öfgafyllstu ESB innlimunarsinnarnir hafa ítrekað ausið yfir okkur andstæðinga ESB innlimunar Íslands s.s. að við værum: "þjóðernisöfgamenn", "fasistar" og "nazistar"

Þannig getur ESB liðið sjálfum sér um kennt að umræðan er í þessum hjólförum. Þeir ættu því að líta í eigin barm því að þeir hafa sumir hverjir alla vegana mest stuðlaða að henni sjálfir.

Þetta ESB Búmmerang hittir ykkur því illa fyrir sjálfa.

Gunnlaugur I., 17.8.2010 kl. 11:39

Gunnlaugur I, Andstæðingar ESB á Íslandi eru búnir að gera í buxunar fyrir löngu síðan og rökleysið lekur af þeim.

Hinsvegar er það áhugaverð staðreynd að andstæðingar ESB á Íslandi taka við skipunum frá Davíð Oddssyni, enda er línan gefin þaðan og henni er fylgt. Það er nefnilega þannig að Davíð Oddsson er valdagráðugur maður og vill stjórna einhverju. Núna stjórnar hann Morgunblaðinu og er þessa stundina að leggja undir sig baráttuna gegn ESB aðild Íslands.

Jón Frímann Jónsson, 17.8.2010 kl. 11:54

Það er alrangt hjá þér að DO sé einhver leiðtogi okkar andstæðinga ESB á Íslandi, síður en svo.

Við andstæðingar ESB erum nefnilega fjölmargir og eigum miklu og breiðu fylgi að fagna alllsstaðar að úr þjóðfélaginu og frá fylgismönnum úr öllum stjórnmálaflokkunum og ekki síst meðal þess fjölda fólks sem ekki styður neina flokka.

Við erum því ekki neinn einn samansúrraður sértrúarsöfnuður eins og þú og stór hluti ESB trúboðsins á Íslandi er.

En fyrir ykkur í örvæntingarfullu og málefnasnauðum áróðri ykkar þá teljið það passa ykkur vel í áróðursstríðinu að spyrða DO við okkur andstæðinga ESB aðildar.

Það er af því að þið vitið að DO er mjög umdeildur og um þessar mundir frekar óvinsæll maður meðal stórs hluta þjóðarinnar.

Gæti vel trúað því að óvinsældir hans séu svona svipað og trú og óvinsældir landsmanna er á ESB apparatinu og ykkur innlimunarsinnum eða kannski svo að 1/4 hluti þjóðarinnar treysti DO og að ESB aðild væri til heilla fyrir þjóðina.

Í pólitískum áróðri framtíðarinnar verður það hið versta mál ef hægt verður á einhvern hátt hægt að spyrða einhvern stjórnmálamann Íslands við að hafa einhverntímann hér áður fyrr fylgt eða stutt málstað ESB trúboðsins.

Svona álíka smjörklípa og þið reynið nú með DO í örvæntingu ykkar yfir aumkunnarverðu fylgisleysi ykkar og ESB trúboðsins á Íslandi.

Gunnlaugur I., 17.8.2010 kl. 12:55

Gunnlaugur I, Þú ert búsettur á Spáni, sem er ESB ríki. Það er augljóst að þú hefur minnstu hugmynd um það hvað er að gerast á Íslandi þessa stundina.

Jón Frímann Jónsson, 17.8.2010 kl. 13:04

Hver er eiginlega boðskapur þessarar blogfærslu? að D.O. sé vondur karl sem ekkert vit hefur á heimsmálum og er aldeilis ekki í uppáhaldi hjá G.A.T.?

Kjartan Sigurgeirsson, 17.8.2010 kl. 14:00

17.8.2010 (í dag):

"Sérfræðingar, sem Reutersfréttastofan leitaði til, spá því að peningastefnunefnd Seðlabankans muni ákveða á morgun að lækka stýrivexti bankans um 0,5 prósentur, úr 8% í 7,5%.

Reuters hefur hins vegar eftir sérfræðingunum að óvíst sé með frekari vaxtalækkun á þessu ári vegna óvissunnar í Icesave-málinu, sem gæti leitt til þess að þriðja endurskoðun Alþjóðagjaldeyrissjóðsins á efnahagsáætlun Íslands tefjist.

Stýrivextir Seðlabankans fóru hæst í 18% í kjölfar bankahrunsins haustið 2008 en hafa lækkað jafnt og þétt síðustu misseri. Sérfræðingar Reuters segja, að svigrúm sé fyrir bankann að lækka stýrivextina um að minnsta kosti 0,5 prósentur til að örva efnahagslífið.

Seðlabankinn mun tilkynna um vaxtaákvörðun í fyrramálið. Þá kemur einnig út ársfjórðungsrit bankans, Peningamál."

Spá 0,5% stýrivaxtalækkun hérlendis á morgun

Þorsteinn Briem, 17.8.2010 kl. 15:39

Andstæðingar aðildar er fjömennur og dreifður hópur. En því er ekki að neyta að margir af NEI-sinnum hafa ekki sjálfstæða skoðun. Heldur gera allt sem davíð segir.

Sleggjan og Hvellurinn, 17.8.2010 kl. 18:38

LÍFSGÆÐI Í 100 LÖNDUM - AF 29 EFSTU LÖNDUNUM ER 21 Í EVRÓPU.

16.8.2010 (í gær):

"Er best að búa í Finnlandi af öllum löndum í heiminum? Það er að minnsta kosti niðurstaða rannsóknar bandaríska fréttatímaritsins Newsweek, sem lagði mat lífsgæðin í 100 löndum. Ísland er ekki tekið með í könnuninni.

Tímaritið lagði mat á menntun, heilbrigðismál, efnahagslíf og stjórnmálaumhverfi og fékk sérfræðinga til að leggja sér lið.

Niðurstaðan var sú að nýfætt barn eigi mesta möguleika á að lifa heilbrigðu, öruggu og hamingjusömu lífi í Finnlandi."

Í öðru sæti er Sviss, Svíþjóð í þriðja, Lúxemborg í fimmta, Noregur í sjötta, Holland í sjöunda og Danmörk er í áttunda sæti.

Þýskaland er í 12. sæti., Bretland í 14., Frakkland í 16., Írland í 17., Austurríki í 18. Belgía i 19., Spánn í 21., Ítalía í 23., Slóvenía í 24., Tékkland í 25., Grikkland í 26., Portúgal í 27., Króatía í 28. og Pólland er í 29. sæti.

Newsweek -Lífsgæði í 100 löndum