Bjartar horfur í Svíþjóð

RÚV birti þessa frétt í dag: "Efnahagur Svía mun vaxa um tæp fimm prósent í ár samkvæmt spá SEB bankans, sem telur horfur mjög góðar. Segir í spá bankans að útflutningur aukist, eftirspurn innanlands sé mikil, ríkissjóður standi vel og húsnæðismarkaðurinn sé traustur. Nýjar tölur sýna að atvinnuleysi minnkaði úr níu komma fimm prósentum í júní í átta prósent í júlí. SEB bankinn gerir ráð fyrir að enn dragi úr atvinnuleysi á næstu mánuðum. Þessar tölur eru taldar vatn á myllu hægristjórnar Frederiks Reinfeldts, en þingkosningar verða í Svíþjóð 19. september."

Heimild: http://www.ruv.is/frett/godar-efnahagshorfur-i-svithjod

Athugasemdir

[Ólafur Eiríksson, 31.8.2010 kl. 22:37]

Íslenska hagkerfið dó ekki þó að ofvaxnasta bankakerfi jarðar hryndi í hausinn á því. Dönum og Norðmönnum gengur vel og nú berast góðar fréttir frá Svíþjóð. Þau eru alveg ótrúlega sterk norrænu krónuhagkerfin.

[Þorsteinn Briem, 31.8.2010 kl. 23:07]

Ólafur Eiríksson,

Danska krónan er BUNDIN gengi evrunnar, sænska krónan hefur FYLGT gengi evrunnar, Finnar eru með evru og hún kostar nú hátt í tvöfalt fleiri íslenskar krónur en fyrir tveimur árum.

Og gengi evrunnar er um 40% HÆRRA gagnvart Bandaríkjadal OG sterlingspundi en í ársbyrjun 2002, þegar evruseðlar voru settir í umferð.

Þar að auki eru viðskipti ALLRA Norðurlandanna aðallega við Evrópusambandslöndin.

[Ólafur Eiríksson, 1.9.2010 kl. 04:39]

Blessaður Steini Briem.

Þetta allt mjög fróðlegt fyrir þá sem vissu þetta ekki, en ég átta mig ekki á því hvernig þessar upplýsingar tengjast þeirri einföldu skoðun minni að norrænu hagkerfin séu ótrúlega sterk. 

[Þorsteinn Briem, 1.9.2010 kl. 05:08]

Ólafur Eiríksson,

Norrænu hagkerfin eru flestöll sterk þar sem meirihluti af viðskiptum allra Norðurlandanna er við sterk hagkerfi í Evrópu og þau hagkerfi nota nú að miklu leyti evruna, sem er sterkur gjaldmiðill, enda þótt hann hafi tekið dýfu í heimkreppunni, eins og fleiri.

Og Noregur hefur olíuna. Hins vegar er íslenska krónan örmynt, sem ýmist hefur verið alltof sterkur eða alltof veikur gjaldmiðill.

Og lífskjör okkar Íslendinga myndu BATNA GRÍÐARLEGA með aðild að Evrópusambandinu og upptöku evru.

[Sleggjan og Hvellurinn, 1.9.2010 kl. 12:54]

Allar Norrænu krónurnar eru nothæfar..... nema íslenska krónan. Hún er handónýt því miður.