Styrmir og Spartverjarnir

Þær eru stundum vægast sagt skrýtnar, hugmyndirnar sem birtast á síðum Morgunblaðains þessa dagana. Nýtt slíkt dæmi er pistill Styrmis Gunnarssonar, fyrrum ritstjóra blaðsins og ESB-andstæðings í blaðinu um helgina. Styrmir skrifar undir fyrirsögninni: ,,Alltof mikil yfirbygging á fámennu samfélagi" :

,,Þeim fer fækkandi sem tala um hið nýja Ísland enda fáar vísbendingar um að það sé að verða til. En það þýðir ekki að þörfin fyrir umbætur og í sumum tilvikum byltingarkenndar umbætur sé ekki lengur til staðar. Þvert á móti. Hún er fyrir hendi. En það skortir pólitíska forystu til þess að leiða samfélagið inn á nýjar brautir.

Þjóðin missti stjórn á sjálfri sér um skeið. Nú er kominn tími til spartanskra lífshátta, bæði einstaklinga og þjóða. Þetta skilja landsmenn vel enda almúgamaðurinn yfirleitt raunsærri en þeir sem stjórna."

Spartanskir lífshættir? Eru það ekki evrópskir lífshættir? Spartverjar komu frá því svæði sem nú er Grikkland Makedónía og áttu Spartverjar sér glæsta sögu, enda voru þeir miklir stríðsmenn.

Styrmir slær á strengi þjóðernistilfinninga, eins og hans er von og vísa (og Morgunblaðsins). Það er rómantískur undirtónn í þessu og gefið er í skyn að þeir sem stjórni séu í fílabeinsturni og úr tengslum við almúgann.

Kannski vill Styrmir ekki bara að við snúum til ,,spartanskra lifnaðarhátta," heldur vill hann kannski bara snúa aftur til gamla landbúnaðarsamfélagsins og sjálfsþurftabúskapar?

Eða hvað vill eiginlega Styrmir? Fyrir komandi kynslóðir?

(Feitletrun: ES-bloggið)

 

Athugasemdir

[Þorsteinn Briem, 7.9.2010 kl. 05:58]

"Spartan - Ensk-íslenska orðabókin (um lífsstíl) einfaldur, spartanskur."

Styrmir Gunnarsson:

"Þjóðin missti stjórn á sjálfri sér um skeið.

Nú er kominn tími til spartanskra lífshátta, bæði einstaklinga og þjóða.

Þetta skilja landsmenn vel, enda almúgamaðurinn yfirleitt raunsærri en þeir sem stjórna."

Vinir mínir, Styrmir Gunnarsson og Björn Bjarnason, eru semsagt fulltrúar íslenskra almúgamanna.

"Við erum búnir að lifa á súrmjólk og Bónusmúslíi alla vikuna."

Mánaðartekjur Björns Bjarnasonar 830 þúsund krónur og Styrmis Gunnarssonar 1,4 milljónir króna árið 2009.

(Tekjublað Mannlífs 2010.)

"Þjóðin missti stjórn á sjálfri sér um skeið."

11.12.2009:

"Ég hef verið í þeim hópi sem hafði miklar áhyggjur af þróun mála hér á landi allt frá árinu 2003 og varaði við innan og utan Landsbankans," segir Yngvi Örn Kristinsson hagfræðingur.

"Lækkun bindiskyldu Seðlabankans á því ári [2003] skapaði um 800 milljarða króna útlánagetu hjá innlendum lánastofnunum. Sú útlánageta fann sér framrás meðal annars í íbúðalánum.

Hækkun lána og lánshlutfalls Íbúðalánasjóðs á árinu 2004 var olía á eldinn," segir Yngvi Örn í ítarlegu viðtali í helgarblaði DV.

"Tvennar stóriðju- og virkjanaframkvæmdir á árunum 2004 til 2008, sem juku innlenda fjárfestingu um 40 prósent á ári, hlutu að leiða til ofþenslu.

Tilslakanir í ríkisfjármálum, meðal annars lækkun skatta frá 2005 og miklar opinberar framkvæmdir, hlutu einnig að magna vandann."

Yngvi Örn Kristinsson hagfræðingur - Reyndi að vara þá við

[Evrópusamtökin, www.evropa.is, 7.9.2010 kl. 06:47]

Já, já, þetta eru einfaldir lifnaðarhættir, en það virðist vera sem að Styrmir vilji snúa við klukkunni. Það heitir að vera ,,reactionary" á enskri tungu.

Umbætur, sem eru framsæknar, er hinsvegar það sem þarf.