Tyrkir samþykktu stjórnarskrárbreytingar

Tyrkir samþykktu um helgina breytingar á stjórnarskrá landsins, sem miða að því að minnka áhrif hersins í landinu. Um 58% Tyrkja sögðu já á móti 42% sem sögðu nei.

Breytingarnar eru sagðar vera skref til þess að auðvelda mögulega aðild Tyrklands að ESB. Landið fékk formlega ,,kandídatstatus" árið 2005, en Tyrkir sóttu um aðild að ESB árið 1987.

Hinsvegar er mjög margt sem Tyrkir þurfa að bæta áður en aðild kemur til greina og ESB fylgist mjög vel með málinu.

EuObserver greindi frá þessu, en hér má lesa yfirlit yfir aðildarumsókn Tyrkja.

Athugasemdir

[Jón Valur Jensson, 14.9.2010 kl. 05:08]

Þetta lízt ykkur á, en um leið og islamistastjórnin þar (Erogan er slíkur og flokkur hans) breytir hlutum sem á ytra borði "uppfylla" ESB-standarda, þá er hún jafnframt að ásælast vald yfir dómstólum landsins. Þetta er þó minnihlutastjórn, sem í krafti ólýðræðislegra kosninga- og kjördæmareglna ræður yfir miklum meirihluta þingmanna á tyrkneska þinginu.

Evrópa verður að mínu mati seint búin að súpa seyðið af islamiseringu Tyrklands og inntöku þess í ESB, með öllum þess áhrifum á þjóðamassann í Evrópu, en síðast á liðnu kvöldi var fjallað um vandræðin sem í uppsiglingu eru í Þýzkalandi vegna sífelldrar fækkunar Þjóðverja og fjölgunar innflytjenda, einkum múslima. Þetta skrifa ég ekki fyrir kynþáttafordóma sakir, ég hef enga slíka, en þykist alveg taka eftir því, sem Þjóðverjar sjálfir eru farnir að tala hástöfum um.

Brusselmennirnir eru hins vegar meðvitaðir um, að vegna tímgunarleysis þjóða þeirra "neyðast" þeir til að taka inn Tyrkland, þótt síðar verði, enda búið að veita þeim ádrátt lengi. Ólíklegt er, að farið verði eftir viðvörunum Giscards d'Estaing í því efni.

[Jón Valur Jensson, 14.9.2010 kl. 05:11]

"... síðast á liðnu kvöldi var fjallað um ...," þ.e. í Speglinum í Rúv (hinn ágæti Arthúr Björgvin Bollason).

[Þorsteinn Briem, 14.9.2010 kl. 07:02]

"Þetta skrifa ég ekki fyrir kynþáttafordóma sakir, ég hef enga slíka."

[Jón Valur Jensson, 14.9.2010 kl. 12:28]

Glenntu upp ginið, Steini, það breytir engu um hitt, að ég hef ekki kynþáttafordóma. Dæmi, sem ættu að nægja venjulegum lesendum til að átta sig á því, eru m.a. í þessum vefgreinum mínum: HÉR! og HÉR! – Ég fordæmi fasisma, nazisma og allar ofbeldis- og öfgastefnur. Fordæmi líka græðgi stórvelda í að gleypa smáþjóðir.

[Þorsteinn Briem, 14.9.2010 kl. 15:11]

"... vandræðin sem í uppsiglingu eru í Þýzkalandi vegna sífelldrar fækkunar Þjóðverja og fjölgunar innflytjenda, einkum múslima."

Methagnaður þýskra fyrirtækja

Hagnaður þýska bílaframleiðandans Volkswagen fjórfaldast

19.8.2010:

"Þýski seðlabankinn, Bundesbank, spáir því að hagvöxtur í Þýskalandi verði 3% á þessu ári.

Spáin kemur í kjölfar niðurstaðna um að þýska hagkerfið, sem er það stærsta í Evrópu, hafi vaxið um 2,2% á öðrum ársfjórðungi.

Fyrri spá bankans gerði ráð fyrir 1,9% hagvexti á þessu ári.

Bundesbank sagði að hagstæðar aðstæður, bæði á heimamarkaði og í öðrum löndum, hefðu gert það að verkum að hagvöxtur væri meiri en spáð var."

Spá 3% hagvexti í Þýskalandi á þessu ári

9.8.2010:

"Vöruskiptaafgangur eykst enn mikið í ÞÝSKALANDI, sem bendir til að VÖXTUR á öðrum ársfjórðungi gæti hafa verið SÁ MESTI FRÁ SAMEININGU LANDSINS fyrir 20 árum.

Frá Þýskalandi, sem er NÆSTMESTA ÚTFLUTNINGSHAGKERFI HEIMSINS á eftir Kína, berast nú þær fregnir að útflutningur hafi farið upp í 86,5 milljarða evra í júní, það mesta frá því í október 2008.

Innflutningur náði einnig nýjum hæðum í 72,4 milljörðum evra.

Það er MESTI INNFLUTNINGUR Í EINUM MÁNUÐI FRÁ ÞVÍ MÆLINGAR HÓFUST ÁRIÐ 1950.

Þetta þýðir að afgangur á vöruskiptum Þýskalands við útlönd jókst um 44% frá maí og fram í júní, um 14,1 milljarð evra."

[Jón Valur Jensson, 14.9.2010 kl. 16:01]

Já, "vandræðin sem í uppsiglingu eru í Þýzkalandi vegna sífelldrar fækkunar Þjóðverja og fjölgunar innflytjenda, einkum múslima," þetta er vart hægt að efast um. Ekki gekk það vel með Austurríki-Ungverjaland til lengdar að vera með afar ósamstæða þjóðernis- og trúarhópa, og ef þú spáir Þýzkalandi og ESB velfarnaði að fjölga múslimum um tugi milljóna á næstu áratugum, á sama tíma og þýzk hjón virðast mörg hafa þá fjölskyldustefnu að eiga eitt barn og einn hund, þá er ég harla hræddur um, að fáir finni þörf til að vera sammála þér. Viltu ekki spyrja Þjóðverjana sjálfa? Og ekki skaltu kenna þessa hlutlægu greiningu við "kynþáttafordóma", ég hef þá enga hér, ekki frekar en varðandi Austurríki-Ungverjaland á sínum tíma.

Svo ertu hér með efni sem kemur þessari vefgrein um Tyrkland ekkert við!

[Þorsteinn Briem, 14.9.2010 kl. 16:48]

Múslímar hafa EKKI verið meira vandamál í heiminum en kristnir.

Tyrkir hafa átt stóran þátt í velgengni Þýskalands og innflytjendur hafa haldið sjávarútveginum hér gangandi.

Og það yrði ekkert sérstakt vandamál ef múslímar yrðu fjölmennari en kristnir í Þýskalandi.

Turks in Germany - Wikipedia

[Jón Valur Jensson, 14.9.2010 kl. 17:03]

"Múslímar hafa EKKI verið meira vandamál í heiminum en kristnir," fullyrðir Steini. Við erum að tala hér um komandi tíma og samtímann. Einhver helztu vandræði samtímans eru tengd baráttu múslima, milli Indvderja og Pakistana og í Indlandi sjálfu (fjöldi hryðjuverka), víða í Mið-Austurlöndum, í Nígeríu, á Filippseyjum og jafnvel Thaílandi og Indónesíu, m.a.s. þeirri friðsömu eyju Bali, sem og í Alsír (hrikaleg fjöldamorð), einnig hryðjuverk í Evrópu, einkum fjöldamorð lestarfarþeganna í Lundúnum og Madríd, ennfremur tilraunir til slíkra þar, s.s. til að sprengja upp Eiffelturninn og síðast í gær í Kaupmannahöfn (áætlun sem beinist að húsi Jótlandspóstsins), einnig dráp á tveimur hollenzkum stjórnmálamönnum, að ógleymdum ódæðisverkunum 11. september 2001 í Bandaríkjunum. Og Steini ungi virðist ekkert vita!

[Þorsteinn Briem, 15.9.2010 kl. 00:23]

"Þetta skrifa ég ekki fyrir kynþáttafordóma sakir, ég hef enga slíka."

Semsagt ENGIN vandræði vegna KRISTINNA manna í til dæmis fyrri heimsstyrjöldinni, seinni heimsstyrjöldinni og á Norður-Írlandi!!!

[Jón Valur Jensson, 15.9.2010 kl. 01:04]

Já, það er ekki allt vandræðalaust hjá kristnum, en hvorug heimsstyrjöldin var af trúarlegum rótum sprottin. Um N-Írland: IRA: kaþólsk samtök? – nei, marxísk! Þó fekk andúð á (prótestantískri) valdastétt N-Írlands útrás hjá kaþólska hlutanum, sem afskiptur var, en inn í þetta koma líka þjóðernismálin; kaþólskir vildu sameinast lýðveldinu (Eire) og litu á prótestantana sem stuðningsmenn brezkra yfirráða, enda var mikill hluti þeirra ættaður frá Skotlandi (og Englandi). Eitt er á hreinu: Erjurnar og hryðjuverkin á N-Írlandi voru ekki einhæft trúarbragðastríð, og mestu öfgasamtökin meðal 'kaþólskra' voru ekki með trúarlegar áherzlur, heldur veraldlegar: frá Marxistum.

Og taktu svo mark á því, sem ég segi í þeim orðum, sem þú endurtekur eins og mér til háðs, en nenntirðu þá nokkuð að lesa tilvísuðu vefslóðirnar?

[Þorsteinn Briem, 15.9.2010 kl. 08:04]

KROSSFERÐIRNAR.

"Krossferðirnar voru herfarir kaþólskra Evrópumanna á hendur þeim sem þeir töldu heiðingja á seinni hluta miðalda.

Aðallega voru það múslímar sem urðu fyrir barðinu á krossförunum en einnig heiðnir Slavar, gyðingar, rússneskir og grískir rétttrúnaðarsinnar, Mongólar, Katarar, Hússítar, Valdensar, Prússar og pólitískir andstæðingar páfans.

Krossfarar sóru eið og hlutu syndaaflausn fyrir vikið.

Rétttrúnaðarkirkja austrómverska keisaradæmisins biðlaði eftir aðstoð til að verjast ágangi Seljúktyrkjanna í Anatólíu og fyrsta krossferðin var farin á 11. öld, að undirlagi Urban II páfa, með það að markmiði að hertaka borgina helgu, Jerúsalem og hið Heilaga Land.

Ríki Seljúk-Tyrkjanna teygði anga sína vel inn til Anatólíu þar sem Tyrkland er í dag og í austur alla leið til Punjab þar sem landamæri Pakistans og Indlands liggja í dag.

Krossferðir voru síðan farnar allt fram til á síðari hluta 13. aldar.

Krossferðir er líka notað um herferðir sem farnar voru fram á 17. öld á landsvæðum utan landanna við Austur-Miðjarðarhaf gegn heiðingjum, villutrúarmönnum, og öðrum sem fyrir einhverjar sakir voru í ónáðinni.

Ósætti bæði milli kristinna og íslamskra hópa urðu til þess að bandalög mynduðust þeirra á milli, til að mynda bandalag kirkjunnar við Soldánsdæmið Rûm á tímum Fimmtu krossferðarinnar.

Krossferðirnar höfðu gífurlegar stjórnmála-, efnahags- og félagsleg áhrif sem eimir af enn þann dag í dag.

Vegna innbyrðisdeilna milli kristinna ríkja og pólitískra valdhafa var takmarki sumra krossferða breytt frá því sem upphaflega var ætlað og þannig varð Fjórða krossferðin til þess að herjað var á Konstantínópel og Austrómverska keisaradæminu var skipt á milli Feneyja og Krossfaranna.

Sjötta krossferðin var fyrsta krossferðin sem farin var án formlegrar blessunar páfans.

Sjöunda, Áttunda og Níundu krossferðirnar enduðu með sigrum Mamluk- og Hafsidveldanna en þar með lauk krossferðunum."

Krossferðirnar - Wikipedia

[Þorsteinn Briem, 15.9.2010 kl. 08:31]

SEINNI HEIMSSTYRJÖLDIN.

"Seinni heimsstyrjöldin hófst í Evrópu en breiddist út til annarra heimsálfa og stóð í tæp sex ár.

Meirihluti þjóða heims kom að henni með einhverjum hætti og var barist á vígvöllum víða um heim.

Talið er að um 62 milljónir manna hafi fallið (sem á þeim tíma var 2,5% alls mannkyns) en mun fleiri hafi særst og Seinni heimsstyrjöldin er mannskæðasta styrjöld mannkynssögunnar."

"Þær skýringar sem helst eru gefnar á upphafi styrjaldarinnar eru aukin þjóðernishyggja, herframleiðsla og óleystar landamæradeilur.

Fasískar hreyfingar komust til valda á Ítalíu, Spáni, Portúgal og Þýskalandi í þeim efnahagslega óstöðugleika og kreppu sem einkenndi þriðja og fjórða áratuginn."

Seinni heimsstyrjöldin - Wikipedia

[Þorsteinn Briem, 15.9.2010 kl. 09:10]

ÞJÓÐERNISHYGGJA.

"Þjóðernishyggja (eða þjóðernisstefna) er sú skoðun að þjóðir séu grunneiningar í samfélagi manna, að þær séu eini lögmæti grundvöllurinn fyrir ríkjum og að hver þjóð eigi rétt á eigin ríki.

Ekki má rugla þjóðernishyggju saman við ættjarðarást.

Þjóðernishyggja er trú á að ein sameinuð þjóð í hverju ríki sé besta fyrirkomulagið, þar sem andstæðan væri þá ríki með mörgum þjóðum þar sem óeining ríkir, samkvæmt þeirri skoðun.

Þjóðernissinnar vilja oftar en ekki aðlaga útlendinga að samfélagi sínu og gera þá að sama þjóðerni og þeir.

Andstæðingar þeirra, sem oft eru kallaðir fjölmenningarsinnar, vilja hins vegar að útlendingar haldi sínu þjóðerni og í ríkjum búi margar þjóðir.

Ekki má blanda saman orðunum þjóðernishyggja og kynþáttahyggja, enda þótt þessar stefnur hafi stundum fylgst að.

Kynþáttahyggja gengur venjulegast út á að einn kynþáttur búi í viðkomandi landi.

En þjóðernishyggja gerir ekki endilega mun á kynþætti, samanber þjóðernishyggju Bandaríkjamanna, sem eru af ýmsum kynþáttum.

Oft fylgir þjóðernishyggju sú skoðun að blöndun þjóða sé af hinu illa og sér í lagi að sumar þjóðir séu "æðri" öðrum þjóðum.

Þessi skoðun eða stefna hefur verið grundvöllur ofsókna þjóða gegn öðrum um aldir og er enn mjög áberandi víða í heiminum.

Margar styrjaldir hafa verið háðar vegna þessarar stefnu.

Skemmst er að minnast borgarastyrjaldarinnar í fyrrum Júgóslavíu og eilífra deilna Ísraels og Palestínu.

Til eru ýmsar kenningar um þjóðernishyggju, orsakir hennar og afleiðingar.

Kenningum um þjóðernishyggju er skipt í tvo flokka:

Annars vegar að þjóðernishyggja hafi einfaldlega verið búin til af rómantískum höfundum á 18. og 19. öld og hins vegar að þjóðernishyggja eigi sér eldri rætur í ættbálkasamfélögum, enda þótt hún komi fyrst fram sem kenning á rómantíska tímabilinu."

Þjóðernishyggja - Wikipedia