Þorsteinn Már í Fiskifréttum: Lítill fiskur í stórri tjörn

Einn reyndasti útgerðarmaður Íslands, Þorsteinn Már Baldvinsson, er umfjöllunarefni í athyglisverðri grein í nýjasta hefti Fiskifrétta. Er greinin byggð á erindi Þorsteins á aðalfundi Samtaka fiskvinnslustöðva, SF.

Aðalumfjöllunarefni greinarinnar (og fyrirlesturs Þorsteins) er samanburður á íslenskum og norskum sjávarútvegi. 

Hann bendir m.a. á að Norðmenn standi sig mun betur í markaðsstarfi en við. Hann segir einnig að Norðmenn séu mun umsvifameiri í fiskveiðum en við.

Við lestur greinarinnar fær lesandinn það á tilfinninguna að Þorsteinn sé e.t.v. að benda á það að kannski þvert á það sem menn halda, þá sé Ísland ekki risastór fiskveiðiþjóð: ,,Íslenskur sjávarútvegur er lítill í alþjóðlegu samhengi. Við erum nánast eins og lítill fiskur í stórri tjörn." Lesa má alla grein Þorsteins hér (á bls. 6-7)

En hvað kemur þetta ESB-málum við? Jú, við fulla aðild myndi íslenskur sjávarútvegur fá 100% tollfrjálsan aðgang að mörkuðum í Evrópu. Slík myndi t.d veita íslenskum sjávarútvegi forskot á Norðmenn í þessu samhengi.

Grein Þorsteins er afar áhugaverð. 

(Mynd: Viðskiptablaðið) 

 

Athugasemdir

[Aðalsteinn Agnarsson, 10.10.2010 kl. 11:15]

Það er ekki út í bláinn, að Færeyingar senda sína frystitogara

út fyrir 200 mílur, þjóðarhagur kallar á frjálsar handfæraveiðar.

Samanlagður bolfisk afli Íslendinga er aðeins, ufsi+ýsa+karfi+þorskur= 300.000 tonn. þetta er algjörlega

óásættanlegur afli af ríkustu fiskimiðum heims.

Horfist þið í augu við raunveruleikann.