Össur "utanríkis" : Makríllinn orðinn íslenskur þegn (DV)

Í DV segir eftirfarandi: ,,Makríllöndin, þar á meðal Evrópusambandslöndin, geta sjálfum sér um kennt því þau komu lengi vel í veg fyrir að Íslendingar fengju að koma að borðinu þar sem menn semja um veiðarnar,“ segir Össur Skarphéðinsson, utanríkisráðherra, í tilefni bréfs þriggja framkvæmdastjóra Evrópusambandsins til hans og Jóns Bjarnasonar út af makríldeilunni. Össur og Jón hafa þegar svarað bréfinu sameiginlega.

,,Annars er þetta stormur í vatnsglasi. Ég held að þessir þremenningar í Brussel séu fyrst og fremst að friðþægja gagnvart reiðum Skotum sem sjálfir hafa með öðrum veitt 200 þúsund tonn af makríl umfram það sem heimilt er. Þá er nú ótalið það sem ekki kemur fram í löndunartölum. Okkar tölur eru þó öruggar, og hægt að treysta þeim, en það vita allir, og Evrópusambandið best, að tölur þeirra eru ekki þær nákvæmustu í heimi,” segir Össur.

Hann segir að við blasi að makríllinn sé búinn að „slá tjöldum sínum við Ísland til frambúðar“. Það sjáist af því að hann hrygni nú kringum allt land.

,,Þar með er makríllinn orðinn íslenskur þegn, og eðlilegt að Íslendingar vilji veiða hann í samræmi við það,” segir utanríkisráðherra."

Öll frétt DV, sem á líka myndina!

Athugasemdir

[Charles Geir Marinó Stout, 10.10.2010 kl. 15:00]

Jahá.. eins sjaldgæft og það er, er maður sammála Össuri :)

[Gunnlaugur I., 10.10.2010 kl. 16:32]

Tek undir með Charles Geir að loksins lyftir Össur hendi gegn yfirgangi og hroka þessa Yfirráðabandalags.

Hvenær skyldi Össur sjálfur átta sig á því að hagsmunum Íslands sé best borgið sem sjálfstæðrar og fullvalda þjóðar án þessa ESB Elítu helsis og þeirrar gjörspilltu valdaklíku allrar!

[Þorsteinn Briem, 10.10.2010 kl. 20:32]

MAKRÍLL ER FLÖKKUSTOFN og Ísland er þar svokallað STRANDRÍKI, þar sem makríllinn gengur inn í okkar fiskveiðilögsögu.

Og íslensk samninganefnd undir forystu Tómasar H. Heiðars þjóðréttarfræðings nær trúlega nú í vetur samkomulagi við Evrópusambandið, NOREG OG FÆREYJAR um heildaraflakvóta íslenskra skipa úr makrílstofninum.

RÚV 8.9.2010: Viðtal við Tómas H. Heiðar þjóðréttarfræðing um makrílveiðar

[Þorsteinn Briem, 10.10.2010 kl. 20:34]

Íslensk fiskiskip veiða einnig úr flökkustofnum í erlendri lögsögu, samkvæmt samningum við önnur ríki, og við Íslendingar munum AÐ SJÁLFSÖGÐU semja við önnur ríki um veiðar úr makrílstofninum, enda ber okkur SKYLDA til þess samkvæmt Hafréttarsamningi Sameinuðu þjóðanna.

Hafréttarsáttmáli Sameinuðu þjóðanna - United Nations Convention on the Law of the Sea