Vigdís Hauksdóttir: Almenningsálitið skiptir ekki máli - Klúðrið algert!

Málið er mjög vandræðalegt! Í því afhjúpast örvænting Nei-sinna, kunnáttuleysi og flumbrugangur, sem miðar að því að hindra íslensku þjóðina í að fá að taka upplýsta afstöðu til aðildarsamnings að ESB.

Vigdís Hauksdóttir (Framsóknarflokki)  fór mikinn á Rás 2 seinnipartinn, en þar var hún að reyna að verja sig og sína samflutningsmenn í þessu hallærislega máli. Þetta "gleymdist" sagði hún og hún sagðist ekkihafa ,,munað eftir því" að þriggja mánaða frestur verður að vera frá því að þingályktunartillaga er samþykkt, þangað til að hægt er að greiða þjóðaratkvæði um hana. ,,Ég hefði átt að vita þetta," sagði Vígdís, sem er lögfræðingur að mennt og samþykkti sjálf lögin á sínum tíma, sem hún gleymdi að reikna með!

Það sama má segja um formann Nei-sinna, Ásmund Einar Daðason, sem einnig samþykkti þessi lög á sínum tíma.

Þá reyndi hún einig að skella skuldinni á starfsfólk Alþingis, sjá hér. Þaðverður að teljast ómaklegt.

Nú vill Vigdís láta breyta ný-samþykktum lögum um þjóðaratkvæði og láta breyta þeim, eins og hentar ÞEIM og ÞEIRRA áhugamálum! Svona gera menn ekki, eins og einhver sagði!

Vigdís sagði að í raun snerist þetta ekki um ESB, heldur að rjúfa kyrrstöðuna í samfélaginu. Hún fullyrti að það ,,væri svo mikið álag" á stjórnkerfinu að það réði ekki við ESB-málið líka!

Málið er í góðri vinnslu hjá Utanríkisráðuneytinu, en þeir sem leggja kannski helst stein í götu málsins eru ákveðnir ráðherrar, sem virðast vera búnir að ákveða að þeirra ráðuneyti og þeirra svið verði illa undir aðild búin, ef til aðildar kemur!

Vigdís sagði almenningsálitið litlu máli skipta í þessu samhengi, en samkvæmt könnunum vill meirihluti Íslendinga láta viðræðurnar hafa sinn ganga og greiða síðan atkvæði um aðildarsamninginn.

Þetta þola Nei-sinnar ekki. Þessvegna er gripið til þessara ráða. Þeim ferst það bara ekki betur úr hendi en raun ber vitni. Mál Nei-sinna er algjört klúður!

 

Athugasemdir

[Þorsteinn Briem, 20.10.2010 kl. 18:13]

Úr kosningastefnuskrá Framsóknarflokksins fyrir alþingiskosningarnar í fyrra:

"Við viljum að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar, líkt og kveðið er á um í skilyrðum síðasta flokksþings framsóknarmanna.

Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu."

Kosningastefnuskrá Framsóknarflokksins fyrir alþingiskosningarnar í fyrra, sjá bls. 4

[Björn Birgisson, 20.10.2010 kl. 18:28]

Réttast væri að Vigdís Hauksdóttir segði af sér þingmennsku eftir þetta stórheimskulega upphlaup, sem er ekkert annað en lýðskrum af verstu gerð og opinberun á vanþekkingu og ótrúlegri vankunnáttu. Almennilegur formaður mundi reka hana úr flokknum, væri honum á annað borð annt um flokkinn sinn. Það gerist auðvitað ekki.

Þessi stúlkukind er einn af mörgum smánarblettunum sem draga virðingu Alþingis í svaðið um þessar mundir.

[Ybbar gogg (IP-tala skráð) 20.10.2010 kl. 19:38]

Svo beit hún höfuðið af skömminni með því að segja að "skammtímaminnið hefði brugðist" sér! Skammtímaminni nær ekki mánuði aftur í tímann...!

[Gísli Ingvarsson, 20.10.2010 kl. 19:47]

Vigdís hleypur á sig fyrir hönd Sjálfstæðisflokksins. VG og Framsókn virka einsog framvarðarsveit fyrir Sjálfstæðismenn í Heimssýn sem eru rúnir trausti.

[Sigurgeir Jónsson, 20.10.2010 kl. 20:36]

Setja þarf tímamörk á viðræðurnar.Jón Bjarnason neitaði því ekki á fundi hjá LS, 14/10 ,að það yrði gert.Nei við ESB.

[Sigurgeir Jónsson, 20.10.2010 kl. 20:40]

Ef breytingar verða gerðar á stjórnarskrá þarf slík breyting að fara fram í gegnum tvær Alþingiskosningar, þannig að það styttist í að hægt verður að kjósa um hvort gefast eigi upp á aðildarviðræðunum í lengsta falli innan tveggja ára.Nei við ESB.

[Jón Frímann Jónsson, 20.10.2010 kl. 20:46]

Sigurgeir. Þú væntanlega gerir þér grein fyrir því að aðildarríki ESB eru langflest ríki vestur Evrópu. Þar vantar bara inn í Ísland (umsóknarríki), Sviss (sóttu um ESB aðild árið 1992) og Noreg (felldu aðild árið 1994).

Þú getur skoðað þetta kort hérna því til staðfestingar.

Þjóðrembur eins og þú eru ennfremur til skammar og almennra leiðinda. 

[Evrópusamtökin, www.evropa.is, 20.10.2010 kl. 22:19]

Þótt mönnum sé heitt í hamsi viljum við samt benda á að spara stóru orðin, en ræða málin á málefnalegan hátt!

[Björn Birgisson, 20.10.2010 kl. 22:30]

Ef mitt innlegg, seinni partinn í dag, fellur undir "stóru orðin" má það mín vegna hverfa af þessum vef. Bendi lesendum á síðuna mína, þar fær þessi tillaga Vigdísar, um þjóðaratkvæðagreiðslu, verðskuldaða útreið. Á minni síðu er pempíuhátturinn í lágmarki og allir eru þar velkomnir.