Enn ræður Jón....

Fram kemur á www.visir.isað Jón Bjarnason, hæstvirtur sjávarútvegs og landbúnaðarráðherra, hefur ráðið Gunnfríði Elínu Hreiðarsdóttur í starf aðstoðarmanns. Var þetta starf auglýst? Það kemur ekki á óvart að Gunnfríður er ekki kjarneðlisfræðingur, heldur búfræðingur. Hún er einnig með meistaragráðu í erfða og kynbótafræðum. Spurning hvernig það nýtist henni í ráðuneyti Jóns Bjarnasonar?

Frétt Vísis er hér

Í Spegli kvöldsins var viðtal við Gunnar Helga Kristinsson, prófessor, sem gerði ráðningamál hins opinbera einmitt að umtalsefni. Hann var ekki par ánægður með það "ráðherraræði" sem ríkir á Íslandi. Heyra má viðtalið við Gunnar Helga hér.

Athugasemdir

[Júlíus Kristjánsson, 22.10.2010 kl. 22:39]

Von að svikurunum sé órótt.Haldi Jón Bjarnason ráðherra ,áfram á sömu braut,verður eftir 10-15 ár komin myndastytta af honum við hlið nafna hanns Sigurðssonar. á Austurvelli.

[Evrópusamtökin, www.evropa.is, 22.10.2010 kl. 22:58]

@JK: Hvaða svikurum?

[Sigurður M Grétarsson, 23.10.2010 kl. 11:04]

Ég er reyndar þeirrar skoðunar að starf aðstoðarmanns ráðherra sé í eðli sínu pólitískt starf enda fara aðstoðarmenn oftast út með ráðherrunum nema í einstaka tilfellum þegar samflokksmaður tekur við. Því tel ég eðlilegt að leitað sé í raðir flokksins til að ná þar í mann. Ég man ekki eftir því að starf aðstoðarmanns ráðherra hafi nokkurn tímann verið auglýst. Spurningin er í raun sú hvort eðlilegt sé að ráðherra hafi pólitískan aðstoðarmann eða ekki. Siðan er það alltaf spurningin hvort ráðinn hafi verið hæfasti maðurinn úr flokknum.

Hvað varðar styttuna af Jóni Bjarnasyni þá held ég að honum verði seint líkt við Jón Sigurðsson. Í framtíðinni þegar við erum komin í ESB og raddir, sem vilja okkur þaðan út verða þagnaðar þegar ljóst er hversu mikill ávinningur okkar af aðild er eins og gerst hefur í Svíþjóð og Finnlandi þá munu menn líkja Jóni Bjarnasyni við þá menn, sem börðust gegn því að einokun ríkisútvarpsins á sjónvarps- og útvapssendingum verði afnumið og einnig þeim mönnum, sem börðust gegn því að bann við sölu á bjór hér á landi yrði afnumið.

Það eru einhverjir, sem enn telja það hafa verið slæmar ákvarðanir að afnema einokun Ríkisútvarpsins og bann við sölu á bjór en þeir eru fáir og það heyrist lítið í þeim enda ekki margir, sem vilja bakka með þær ákvarðanir. Þegar fram líða stundir varða örlög ESB andsæðinga þau sömu.

[Gunnlaugur I., 23.10.2010 kl. 15:20]

Vitleysan í Sigurði M. Grétarssyni. Meirihluti Breta vill ekkert með ESB aðild hafa að gera og telja að hún hafi skaðað Breskt samfélag.

BRETAR !

Þeir verða hinns vegar aldrei spurðir og voru reyndar aldrei spurðir.

Það var hin spillta og ofhaldna stjórnmálaelíta Bretlands í öllum flokkum sem vélaði Bretland inn í ESB Ríkjasambandið gegn alþýðu þjóðarinnar, til þess eins að geta haldið úti atvinnumiðlun fyrir útbrunna og spillta pólitíkusa úr sínum eigin röðum.

Sama hugsar nú Samfylkingin um sína útbrunnu s.s. *Össur og Ingibjörgu Sólrúnu (Sem er ekki þjóðin) og fleiri slíka af því spillta og hrokafulla sauðahúsi.

ESB er ekki fyrir fólkið heldur aðeins Elítuna. Til dæmis er talið að ef Ísland gengur í ESB þá þurfi að ráða 80 ráðstefnutúlka á ofurlaunum og með ótal sporsum, hótel og ferðakostnaði. Jafnast sjálsfsagt á við allan kostna af Alþingi Íslendinga.

Þetta er hryllingur !

[Jón Frímann Jónsson, 23.10.2010 kl. 16:28]

Gunnlaugur I, Bretar voru í raun spurðir og þeir ákváðu að vera innan ESB (þá EEC) þegar kosið var um það hvort að Bretland ætti að draga sig úr EEC á sínum tíma.

Þú getur kynnt þér það mál hérna. 

[Sigurður M Grétarsson, 24.10.2010 kl. 17:39]

Gunnlaugur. Allt aðljóða- og fjölþjóðasamstarf kostar peninga. Það fylgja því hins vegar oft ávinningar að vera í slíku samstarfi. Í tilfelli ESB munu ávinningar af því samstarfi verða mun meiri en kostnaðurinn.

Þú talar nú eins og við þurfum ekki neina til að túlka eða þýða okkar samskipti við aðrar þjóðir þó við göngum ekki í ESB. Við þurfum nú þó nokkra skíka vegna EES samstarfsins og einnig munum við þurfa slatta af þeim ef við tökum upp tvíhliða samstarf við ESB, það er að segja ef okkur stendur slíkt yfir höfuð til boða.