Ísland nálgast EVRU-viðmiðin

Eins og fram hefur komið í fréttum lækkaði Seðlabankinn vexti í dag um 0.75%. Í frétt á www.visir.is segir: ,,Peningastefnunefnd Seðlabanka Íslands hefur ákveðið að lækka vexti bankans um 0,75 prósentur. Vextir á viðskiptareikningum innlánsstofnana lækka í 4,0% og hámarksvextir á 28 daga innstæðubréfum í 5,25%. Vextir á lánum gegn veði til sjö daga, svokallaðir stýrivextir, lækka í 5,5% og daglánavextir í 7,0%."

Sem stendur er verðbólga í landinu um 3.3 prósent og hefur hún hrapað úr 18% í ársbyrjun 2009. Verðbólgumarkmið Seðlabanka er 2.5% Útlit er fyrir að verðbólga lækki frekar á næstunni.

Þetta leiðir hugann að viðmiðum Evrunnar, sem eru:

1. Halli á rekstri hins opinbera má ekki vera 3% af landsframleiðslu.
2. Skuldir hins opinbera mega ekki vera yfir 60% af landsframleiðslu.
3. Verðbólga sé ekki meiri en 1,5% umfram meðaltal í þeim þremur ESB-ríkjum sem hafa minnsta verðbólgu undangengið ár.
4. Langtímanafnvextir (á mælikvarða skuldabréfa ríkisins til 10 ára) séu ekki meiri en 2% umfram samsvarandi vexti í þeim þremur aðildarríkjum ESB sem hafa minnsta verðbólgu.
5. Að gengi gjaldmiðils umsóknarríkisins hafi ekki sveiflast umfram 15% vikmörk í kringum tiltekið viðmiðunargengi undangengin tvö ár."

Það er ljóst að Ísland er að nálgast Evru-skilyrðin aftur, að minnsta kosti varðandi vexti og verbólgu. Sem er mikilvægt.

Gjaldmiðilsmál okkar eru jú í ólestri með krónu í öndunarvél, sem menn þora varla að snerta.

Það gengur ekki til framtíðar, fyrir almenning og atvinnulíf!

En skuldir og hallarekstur á ríkissjóði eru vandmál.

 

Athugasemdir

[Þorsteinn Briem, 3.11.2010 kl. 20:39]

3.11.2010 (í dag):

"Áætlað er að skuldahlutfall hreinna skulda hins opinbera nái hámarki á þessu og næsta ári þegar það verður tæplega 60% af landsframleiðslu en taki að lækka frá og með árinu 2012 og verði orðið 49% árið 2013.

Við það mat á hreinum skuldum eru aðeins taldar til eigna handbærar peningalegar eignir hins opinbera í sjóðum. Hreinar skuldir þannig taldar eru ekki sambærilegar hreinum skuldum annarra landa, þar sem hefðbundið er að telja einnig til eigna aðrar peningalegar eignir.

Ef hreinar skuldir hins opinbera væru þannig reiknaðar væru þær 40% af landsframleiðslu. Vergar skuldir ná hins vegar hámarki í ár, þegar þær nema rúmlega 105% af landsframleiðslu."

Peningamál Seðlabanka Íslands 2010/4, sjá bls, 44

[Sigurgeir Jónsson, 3.11.2010 kl. 22:48]

Er þá ekki rétt að ESB, sýni hvað það ætlar að bjóða,svo hægt sé að kjósa um það.Nei við ESB.

[Þorsteinn Briem, 3.11.2010 kl. 22:56]

AFLAKVÓTI SIGURGEIRS JÓNSSONAR VERÐUR INNKALLAÐUR!!!