Tónninn úr Hádegismóum

Tónninn frá Hádegismóum vegna ESB verður harðari og harðari, á sam tíma sem fréttir berast af því að eigendur blaðsins dæli inn peningum í reksturinn. Hér er eitt lítið dæmi:

,,Öfugt við íslenska lygalaupinn sem segir þvert gegn því sem fyrir liggur að engar aðlögunarviðræður eigi sér nú stað eru hinir evrópsku talsmenn evrópska stórríkisins opinskáir og hreinskilnir. Þeir fara ekki í launkofa með hvað fyrir þeim vakir og hvað það er sem þeir telja heiminum og Evrópu fyrir bestu. Væru þeir spurðir »hvað væri í pakkanum« utan um Evrópu framtíðarinnar myndu þeir svara hreinskilnislega: »Öflugt evrópskt stórveldi stýrt frá Brussel án truflandi áhrifa smáríkja á jaðri þess.«

Í leiðaranum var annars fjallað um Evruna. Það sem vekur hinsvegar athygli er orðfæri ritstjórans, þar sem hann kalla Össur Skarphéðinsson, utanríkisráðherra Íslands, "lygalaup." 

Það mætti halda að það sé "sturlungi" sem sitji í ritstjórastólnum, það er reitt hátt til höggs og hér skortir alla fínstillingu. 

Kannski er ritstjórinn verulega gramur yfir því sem gerðist hjá VG um helgina, þegar talsmenn þess að hætta aðildarviðræðum við ESB urðu að játa sig sigraða? 

Athugasemdir

[Þorsteinn Briem, 24.11.2010 kl. 22:09]

Guðbjörg Matthíasdóttir keypti 31% hlut í Árvakri fyrir 200 milljónir króna

[Þorsteinn Briem, 24.11.2010 kl. 22:14]

21.10.2010:

Árvakur rekinn með 667 milljóna króna tapi árið 2009

[Þorsteinn Briem, 24.11.2010 kl. 22:17]

Skuldir Árvakurs hf., útgáfufélags Moggans, 4,4 milljarðar króna:

Skýrsla Árvakurs um skuldir fyrirtækisins og fjölmiðlamarkaðinn

Steini Briem, 22.1.2009

[Þorsteinn Briem, 24.11.2010 kl. 22:18]

Lánasamsetning Árvakurs hf.:

Glitnir: Lán vegna prentsmiðju 2,76 milljarðar króna, veðlán.

Glitnir: Önnur veðlán 444 milljónir króna.

Glitnir: Fjárfestinga- og rekstrarlán 332 milljónir króna, óveðtryggt með ábyrgð eignarhaldsfélaga hluthafa.

Landsbankinn: Fjárfestinga- og rekstrarlán 897 milljónir króna, óveðtryggt með ábyrgð eignarhaldsfélaga hluthafa.

Samtals 4,433 milljarðar króna.

Steini Briem, 22.1.2009

[Þorsteinn Briem, 24.11.2010 kl. 22:19]

Þórsmörk ehf. - Litla Ísland.net

25.2.2009: "Þórsmörk ehf., félag í eigu Óskars Magnússonar og fleiri, hefur gengið frá samkomulagi við Íslandsbanka [áður Glitni] um kaup á útgáfufélagi Morgunblaðsins.

Auk Óskars eru Gísli Baldur Garðarsson, Gunnar B. Dungal, Pétur H. Pálsson, Þorgeir Baldursson, Þorsteinn Már Baldvinsson og Guðbjörg Matthíasdóttir hluthafar í Þórsmörk."

Þorsteinn Már Baldvinsson á sjávarútvegsfyrirtækið Samherja á Akureyri og var síðasti stjórnarformaður Glitnis, sem varð gjaldþrota.

Skattakóngur Íslands

"Þorsteinn Már var nokkuð áberandi í upphafi bankahrunsins haustið 2008 þegar Seðlabankinn yfirtók Glitni en Þorsteinn Már var mjög ósáttur við þá atburðarás og sagði meðal annars í viðtölum að það hefðu verið stærstu mistök lífs síns að leita til Davíðs Oddssonar seðlabankastjóra.

Sagt er að Þorsteinn Már hefði verið því mjög mótfallinn þegar Davíð var ráðinn ritstjóri Morgunblaðsins árið 2009 en Þorsteinn Már er einn af eigendum blaðsins."

Guðbjörg Matthíasdóttir á sjávarútvegsfyrirtækið Ísfélag Vestmannaeyja og er nú einn af eigendum Moggans, sem einnig varð gjaldþrota.

Heppnasta kona hrunsins

Steini Briem, 21.7.2010

[Þorsteinn Briem, 24.11.2010 kl. 22:23]

11.11.2010:

Lestur Morgunblaðsins aldrei mælst minni

[Sigurgeir Jónsson, 24.11.2010 kl. 22:32]

Morgunblaðið hefur trúlega aldrei verið meira blað allra landsmanna en nú um stundir.70% þjóðarinnar styður stefnu Morgunblaðsins í ESB málinu.Morgunblaðið er að ná sínum fyrri áttum í að vera málsvari frelsis einstaklingsins og frelsis þjóðar og lands.Lifi Morgunblaðið.Líf Morgunblaðsins er líf íslands.Nei við ESB.

[Þorsteinn Briem, 25.11.2010 kl. 14:48]

Einungis 5,5% landsmanna lesa eingöngu Morgunblaðið.

[Gunnlaugur I., 25.11.2010 kl. 15:05]

Morgunblaðið er eini fjölmiðillinn sem berst fyrir fullu sjálfstæði og fullveldi þjóðarinnar og gegn ESB helsinu.

Aðrir fjölmiðlar og þar með Ríkisfjölmiðlarnir sérstaklega eru uppfullir af ESB áróðri og lygum og blekkingum um listisemdir þessa yfirráða bandalags.

Alveg sama hverjir eru ritstjórar eða eigendur blaðsins.

Þá segi ég bara með miklum feiginleik að það er gott að við sem teljumst til 70% þjóðarinnar og erum andsnúnir ESB aðild þurfum nú einmitt mikið á því að halda að til sé einn góður fjölmiðill eins og Morgunblaðið sem við getum treyst að sé ekki á mála fyrir ESB Elítuna, heldur stendur með sinni eigin þjóð.

Lengi lifi Morgunblaðið og barátta þess fyrir áframhaldandi fullu frelsi, sjálfstæði og fullveldi íslensku þjóðarinnar, gegn þessu yfirgengilega ESB helsi. 

[Sleggjan og Hvellurinn, 26.11.2010 kl. 00:48]

Sigurgeir og Gunnlaugur     LOL  :D