Ráðuneytisstjóri í danska utanríkisráðuneytinu: Skilur ekki "aðlögunarumræðuna" um ESB!

Á Eyjunni stendur: ,,Ráðuneytisstjóri í danska utanríkisráðuneytinu segist ekkert skilja í þeirri umræðu á Íslandi, að aðildarviðræður við Evrópusambandið séu aðlögunarviðræður. Bendir hann á að Ísland hafi með þátttöku í Evrópska efnahagssvæðinu (EES) tekið virkan þátt í innri markaði Evrópu og því sé ekkert nýtt í því ferli sem nú stendur yfir.

„Ég skil satt að segja ekki umræðuna, af því að Íslendingar hafa með þátttöku sinni í EES til margra ára, en þar hafa þeir verið með frá upphafi í byrjun 10. áratugarins, tekið upp reglur innri markaðar Evrópu,“ sagði Klaus Grube í fréttum Sjónvarpsins í kvöld.

Þá sagði hann Íslendinga hafa ráðið ágætlega við að laga sig að Evrópska efnahagssvæðinu undanfarin einn og hálfan áratug, en það hafi ekkert með fullveldi landsins að gera.

„ESB skiptir sér ekki af því hvernig stjórnarfyrirkomulag þjóðanna er.“

Öll frétt Eyjunnar 

Ps. Nei-sinnar eru náttúrlega með öllu þessu aðlögunartali sínu að slá ryki í augu fólks! Rökleg fátækt þeirra er slík!

Athugasemdir

[Gunnlaugur I., 8.12.2010 kl. 09:07]

Bara enn ein hégómleg silkihúfa ESB- Elítunnar með "aðalstign" og á mjög rausnarlegum ævilífeyri til æviloka. 

Er nú dreginn hér uppá dekk af hinum "hlutlausu" íslensku Ríkisfjölmiðlum landsins til þess að reyna að slá á andstöðuna og slæva og lokka fólk til fylgilags við fyrirætlanir ESB Elítunnar um tafarlausa innlimun Íslands í ESB kerfið. 

Ekki orð að marka svona hálaunaðar silkihúfur ESB Elítunnar ! 

[Jón Frímann Jónsson, 8.12.2010 kl. 16:43]

Gunnlaugur I, Hættu þessari þvælu. Þetta er danskur sérfræðingur í málefnum ESB. Það er ennfremur engin "ESB elíta". Þetta er bara orð sem þú hefur fundið upp til þess að reyna krydda ruglið sem frá þér kemur.

Þú átt heima í Spáni, sem er aðildarríki að ESB.  Það sem ég skil ekki afhverju þú ert ekki farinn til Bandaríkjanna eða Kanada víst að þú kannt svona illa við ESB.

Þú ert ómarktækur maður með meiru og hefur alltaf verið það.

[Stefán Júlíusson (IP-tala skráð) 8.12.2010 kl. 18:37]

Best þykir mér síðasta setningin í greininni:

„Ég held ekki að við getum haft of miklar áhyggjur af þessu. Íslendingar sjálfir verða að ráða þessu og íslenskir stjórnmálamenn og íslenskur almenningur verða að ákveða hvað þeir vilja – þannig lítur ESB á málið.“

ESB er alveg sama hvort Ísland gengur í ESB eða ekki.

Ef við getum ekki uppfyllt núverandi samninga við ESB, þá þurfa ESB andstæðingar ekki að hafa neinar áhyggjur.

Ísland gengur ekki í ESB að svo stöddu.

Því miður.

Gunnlaugur:  Þú þarft líklega að hafa engar áhyggjur af því að Ísland gangi í ESB.  Njóttu bara góða veðursins á Spáni og sjáðu hvernig ESB viðræðunum verður klúðrar á Íslandi.  Ætli við getum þá ekki báðir verið sáttir.  Þú vilt ekki að Ísland gangi í ESB og ég vil ekki að ESB takið við Íslandi að svo stöddu.