30 ár!

Í dag eru nákvæmlega 30 ár frá því Mark nokkur Chapman, skaut John Lennon til bana í New York.

Þetta er því sorgardagur.

John Lennon var friðarsinni og boðskapur hans kristallast kannski best í orðunum "Give peace a chance."

Kannski við hér á skeri ættum aðeins að hugsa meira í anda John Lennon og leyfa friði að njóta sín á meðal okkar.

Dægurþrasið hefur sennilega aldrei verið jafn mikið og á undanförnum tveimur árum.

Því eru orð Lennons kærkomin áminning og verð íhugunar.

Imagine!

Athugasemdir

[Gunnlaugur I., 9.12.2010 kl. 11:25]

Loksins er ég sammála ykkur hér á ESB síðunni.

John Lennon var mannvinur og mikill og einlægur friðarsinni !

En eins og ég hef margsinnis bent ykkur hér á síðunni ykkar þá verður hér aldrei neitt annað en sundrung og væringar og aldrei neinn friður á meðal þjóðarinnar meðan þessi ESB umsókn er haldið til streitu.

Hún aðeins elur af sér sundrungu og óeiningu meðal þjóðarinnar og hefur þannig unnið þjóðinni ómælt tjón.

Ef þið eruð þeir friðarsinnar sem þið segist nú vilja vera þá ættuð þið nú að leggja ykkar af mörkum í verki með því að styðja þá lýðræðislegu sáttatillögu sem Vigdís Hauksdóttir og fleiri þingmenn ætla að leggja fram fljótlega.

Það er um það að þjóðin fái beint og milliliða laust að segja álit sitt á því, hvort halda eigi þessum aðildar/aðlögunar viðræðum áfram við ESB, eða ekki.

Þetta væri góð tilraun til þess að einhver almennari sátt gæti skapast meðal fylkinganna og meðal þjóðarinnar allrar.

Þjóðin fékk aldrei neitt um það að segja hvort senda ætti þessa ESB umsókn inn.

Ef þessi þjóðaratkvæðagreiðsla fer fram og meirihlutinn segir já.

Þá væri umsóknin sjálf sterkari og það yrði mun meiri og víðtækari sátt meðal þjóðarinnar allrar að klára þetta ferli við ESB og kjósa svo um hugsanlegan samning.

Ef þessu verður hafnað afgerandi þá er þjóðin greinilega ekki tilbúinn eða vill ekki inní ESB sama þó enginn sérstakur samningur liggi fyrir. Það væri fyllilega lýðræðisleg niðurstaða.

Þá yrðuð þið bara að sætta ykkur við þá lýðræðislegu niðurstöðu og ásamt öðrum stuðla að sáttum og einingu meðal þjóðarinnar.

Þessi tillaga Vigdísar er stór áhætta fyrir okkur sem erum andsnúnir aðild með öllu.

Því að þeir eru svo sannarlega til sem eru á móti aðild en vilja engu að síður úr því sem komið er klára þetta samningsferlið og kjósa svo um samninginn.

Þannig mætti í raun segja að með slíkri þjóðaratkvæðagreiðslu hefðuð þið aðildarsinnar meira að segja talsverða forgjöf. 

Þannig að ef þið eruð sannir og lýðræðislegir friðarsinnar þá ættuð þið að styðja þessa sáttatillögu af öllum mætti !

[Evrópusamtökin, www.evropa.is, 9.12.2010 kl. 12:10]

@G: Gaman að þú sért loksins sammála okkur hér, en við erum ósammála um ESB-málið og það er lýðræði; að vera sammála um að vera ósammála! Reyndar var ritari nokkurn veginn viss um að þessi punktur um "sundrungu" myndi koma í sambandi við færsluna, og hann kom í fyrstu athugasemdinni!

Ákvörðunin um að sækja um aðild að ESB var tekin af meirihluta lýðræðislega kjörins Alþingis.

Þeir sem vilja bremsa tillöguna vilja því í raun bremsa fullkomlega löglega ákvörðun. Þeir virðast eiga erfitt með að sætta sig við þá staðreynd!

Að hafa þjóðaratkvæði um hvort fara eigi í viðræður þyrfti að hafa sem forsendu að almenningur væri búinn að kynna sér hvað ESB er, það væri eðlileg forsenda.

Er ekki betra að gefa fólki tækifæri til þess, fá samning og vega og meta þetta tvennt í þjóðaratkvæði um aðildarsamning eftir nokkurn tíma? Það teljum við.

Eins og við höfum bent hér á, þá tók Malta á sínum tíma það óheillaspor að frysta aðildarviðræður. Það eru allir sammála um að það hafa verið þeim til ógæfu og tafið málið. Malta hefur það fínt innan ESB í dag.