Líður að upphafi kynningarmála um ESB á Íslandi

Hægt og sígandi líður að upphafin hinna eiginlegu samningaviðræðna Íslands og ESB, en áætlað er að þær hefjist í marsmánuði, eða eftir 7-8 vikur. 

Í Fréttablaðinu í morgun stóð:"Þeir átta sem valdir hafa verið til áframhaldandi þátttöku í útboði Evrópusambandsins (ESB) um umsjón kynningarmála sambandsins á Íslandi vegna aðildarumsóknar landsins hafa frest til 7. febrúar til að skila inn lokagögnum.

Meðal umsækjenda í lokavali ESB eru bæði Háskóli Íslands og Háskólinn í Reykjavík, en aðkoma skólanna hefur verið gagnrýnd. „Hinar fyrirhuguðu upplýsingamiðstöðvar eru að sjálfsögðu áróðursmiðstöðvar. Hvers vegna halda menn að Evrópusambandið sé að eyða í þetta peningum?" skrifar Styrmir Gunnarsson, fyrrverandi ritstjóri Morgunblaðsins, á vef Evrópuvaktarinnar í desember.

Margrét Einarsdóttir, forstöðumaður Evrópuréttarstofnunar Háskólans í Reykjavík, bendir hins vegar á að í útboðsgögnum ESB sé skýrt tekið fram að reka eigi hér kynningarstarfsemi og stuðla að upplýstri og málefnalegri umræðu. Telur hún að aðkoma Háskólans í Reykjavík yrði fremur til að tryggja að sá háttur yrði hafður á. Skólinn sækir um með Evrópuháskólanum (e. College of Europe) í Brugge í Belgíu."

Öll fréttin 

Athugasemdir

[Sleggjan og Hvellurinn, 11.1.2011 kl. 18:53]

Af hverju komast Heimsýnar fólk alltaf upp með að ljúga að fólki án þess að neinn segjir neitt??

[Evrópusamtökin, www.evropa.is, 11.1.2011 kl. 19:14]

Er verið að meina Styrmi?

[Jón Frímann Jónsson, 11.1.2011 kl. 23:25]

Styrmir er í stjórn Heimssýnar, og það er fleira fólk í stjórn Heimssýnar. Þar á meðal Unnur Brá Konráðsdóttir, Jón Baldur Lorange, Gunnar Waag, Atli Gíslason og fleira fólk. Alla stjórn heimssýnar er hægt að skoða hérna (heimssyn.is).  

[Sleggjan og Hvellurinn, 11.1.2011 kl. 23:41]

Já Styrmir

"Hinar fyrirhuguðu upplýsingamiðstöðvar eru að sjálfsögðu áróðursmiðstöðvar" 

Þetta er náttúrulega lýgi.

Svo að ógleymdum Ásmundi Daða formann Heimssýn.

Vigdís Hauksdóttir er líka mikið fyrir að ljúga.

Það eru samt til fínir NEI-sinnar einsog Björn Bjarnason. Hann er allavega ekki að ljúga, ýkja eða koma með blekkingar. Bara ef fleirri NEI-sinnar mundu taka hann til fyrirmyndar. Maður nennir að hlusta á Björn... þó maður þarf ekki að vera sammála honum.