Nei-sinnar algerlega að fara á límingunum! Enda styttist í aðildarviðræður! Mögnuð "frétt" MBL!

Það er heldur nöturlegt að sjá hvernig andstæðingar aðildarviðræðnanna við ESB eru gjörsamlega að fara á límingunum, nú þegar styttist í upphaf SAMNINGAVIÐRÆÐNA Íslands og ESB.

Við erum að tala um forsíðu Morgunblaðsins í dag, þar sem sagt er frá því sú staða geti komið upp að samninganefnd ESB muni slíta viðræðunum! Orðrétt segir í frétt Agnesar Bragadóttur, undir fyrir fyrirsögninni Óttast örg viðbrögð ESB: 

"Ákveðnir viðmælendur Morgunblaðsins telja, að verði skilyrði Íslands í samræmi við greinargerð meirihluta utanríkismálanefndar, sem hljóti að teljast eðlileg krafa, geti sú staða komið upp, að samninganefnd ESB slíti viðræðunum við Íslendinga."

Hverjir eru þessir "ákveðnu viðmælendur" ? Hvaða véfréttadæmi er þetta eiginlega? Af hverju getur Morgunblaðið ekki komið eins og það er klætt til dyranna?

Trúverðugleikinn er ekkert rosalega hár í svona fréttum.

Og heldur Agnes virkilega að samningamenn ESB muni fara á límingunum þegar þeir sjá kröfur Íslendinga? Hreint kostulega hugmynd.

Sennilega er að finna vönustu samningamenn Evrópu innan Evrópusambandsins, sem á undanförnum árum hafa samið við fjöldamörg ný aðildarlönd, sem hvert og eitt hefur verið með sínar kröfur og hugmyndir.

Samningamenn ESB kalla því ekki allt ömmu sína í þeim efnum og það ætti jú ritstjóri MBL að vita!

Kröfur og markmið okkar Íslendinga hafa verið þekkt lengi, eins og bent var á hér á blogginu í gær.

INNIHALD FRÉTTAR MBL. ER ÞVÍ EKKI-FRÉTT!

Hér er því aðeins um að ræða enn eina tilraun Morgunblaðsins til að slá ryki í augu fólks í sambandi við ESB-málið. Allir vita jú hvaða "hagsmunir" eru að baki Morgunblaðinu!

Eigum við að hlæja eða gráta? 

Athugasemdir

[Valdimar Samúelsson, 12.1.2011 kl. 16:25]

Ég efast um að þið nennið að lesa nefndarálit utanríkismálanefndar. http://www.althingi.is/altext/137/s/0249.html  en stjórnin er komin langt framm fyrir það sem hún hafði umboð til. Þið ættuð að vita það og þetta er þar með tapað mál hjá ykkur og tími til að skrifa bók um þetta fals umsóknarmál.

[Evrópusamtökin, www.evropa.is, 12.1.2011 kl. 19:12]

Vertu ekki með þessi hortugheit Valdimar, geturðu ekki rætt málið eins og maður?

[Valdimar Samúelsson, 12.1.2011 kl. 20:00]

Ok afsaka. mér finnst bara að það sé sótt að okkur sem höfum aldrei beðið um inngöngu í ESB en ég líst þessu eins og her manna myndi setjast að í grænlandi og heimta að eyjaskeggjar þar færu í ESB. Spyr afhverju þurfa friðsamir landar að búa við það að vera í vörn dag og nótt út af því að einhverjum langar til að missa fullveldi til að vera partur af evrópu. Þetta er uppreisn af ykkar hálfu.