Endaloka alræðis minnst í Eystrasaltsríkjunum - löndin aftur orðin eðlilegur hluti af Evrópu

Um þessar mundir eru liðin 20 ár frá því Eystrasaltsríkin brutust undan járnhæl Sovétríkjanna, sem sjálf voru þá komin á grafarbakkann.

Þessara atburða, sem kostuðu blóðsúthellingar, er nú minnst í Lettlandi, Litháen og Eistlandi.

T.a.m var Jón Baldvin Hannibalsson, viðstaddur athöfn í Vilnius (Litháen) nú í vikunni, þar sem þess var minnst að sovéskir hermenn myrtu 15 almenna borgara, sem annaðhvort voru skotnir eða lentu undir sovéskum skriðdrekum.

Þessir atburðir gerðust við sjónvarpsturninn í borginni, þar sem mannfjöldinn hafði safnast saman til að mótmæla alræðinu.

Jón Baldvin studdi frelsisbaráttu Litháa dyggilega og er m.a. ein gata Vilnius skýrð í höfuðið á honum.

Ísland var síðan fyrsta landið til að viðurkenna sjálfstæði Eystrasaltsríkjanna. 

Hér má heyra viðtal við Jón Baldvin á Rás tvö um málið. Símasambandið var hinsvegar ekki gott.

Ríkin þrjú; Eistland, Lettland og Litháen, gengu síðan öll í ESB árið 2004, einmitt til þess að tryggja til framtíðar fullveldi og sjálfstæðið.

Löndin eru aftur orðin eðlilegur hluti af Evrópu.

Video frá atburðunum 1991 (Vörum við innihaldi myndanna!)

 

Athugasemdir

[Gunnar Heiðarsson, 15.1.2011 kl. 12:01]

Jón Baldvin stóð sem hetja í þessu máli og var Íslandi til mikils sóma þegar hann tók þá ákvörðun að lýsa yfir samþykki við sjálfstæði þessara þjóða í nafni Íslands.

Þessi heiður verður aldrei frá honum tekinn, en þar með er líka afrekssaga hans upp talin.