Damanaki vill nýja stefnu gegn brottkasti - Benyon vill hindra viðræður

Í The Guardian er sagt frá því að Maria Damanaki (mynd), yfirmaður fiskveiðimála hjá ESB, hyggist beita sér fyrir því að unnið verði gegn brottkasti á fiski innan ESB, en þetta er vandamál þar. Hún segir að það sé þörf á nýrri stefnu í þessum málum. Fréttin er hér.

Í annarri frétt segir frá því að sjávarútvegsráðherra Bretlands, Richard Benyon, vilji hindra eða stöðva aðildarviðræður Íslands að ESB vegna makrílsins. Benyon segir að Ísland og Færeyjar verði að setjast niður við samningaborðið í stað þess að taka sér kvóta einhliða.

Líklegt er að það verði gert. En þetta sýnir ef til vill ágætlega að sjávarútvegsmálin verða þýðingamikið viðfangsefni í SAMNINGAVIÐRÆÐUM Íslands og ESB, sem hefjast á næstum vikum. 

Athugasemdir

[Sigurgeir Jónsson, 5.2.2011 kl. 23:15]

Eðlilegast er að Grænland, Ísland Noregur og Rússland setjist niður og ræði framtíðarsýn á það sem er að gerast með hlýnun sjávar og hugsanlegri breytingu á fiskigöngum í Norður Atlantshafi og Íshafinu.Númer eitt er að ESB verði ekki hleypt að þeim viðræðum.Líka mætti hugsa sér aukið samstarf allra þessara þjóða á sviði efnahagsmála.Rússland er vaxandi efnahagsveldi og samstarf þess við rísandi efnahagsveldi önnur en ESB er augljós.Áróður einangrunarsinna um að við eigum að bindast ESB og láta stjórnast af því er áróður fyrir fátækt.Nei við ESB.