Gunnar Hólmsteinn: ESB-ræða,semja,kjósa (MBL)

Stjórnarmaður í Evrópusamtökunum, Gunnar Hólmsteinn Ársælsson, ritar grein í Morgunblaðið í dag um ESB-málið og fjallar þar meðal annars um komandi samningaferli, sem að öllum líkindum hefst í sumar. En Gunnar segir einnig:

"En ESB-málið er annað og miklu meira en bara fiskur. Það snýst einnig að stórum hluta um það hvar landið ætlar að skipa sér í flokk í alþjóðakerfinu. Eða hvort Ísland ætlar að standa eitt og sér með einhverja illa skilgreinda utanríkisstefnu með óljósum markmiðum. Eða enga alls kannski?

ESB-málið er líka hagsmunamál fjölskyldna landsins og hins almenna neytanda. Að ná til dæmis niður vöxtum og verðbólgu, að halda þessu tvennu niðri og komast þannig hjá verðtryggingu, er talið spara íslensku samfélagi um 70-80 milljarða á ári. Komist þetta á til framtíðar er til dæmis talið að margur Íslendingurinn sleppi við að borga mun meira en fólk í nágrannaþjóðunum fyrir það að koma sér upp þaki yfir höfuðið, svo dæmi sé tekið.

Hið sama á einnig við um atvinnulífið sem áratugum saman hefur borgað okurvexti og starfað í umhverfi óðaverðbólgu sem gerir alla skipulagningu og áætlanagerð ómarktæka. Eiginlega má líkja íslensku efnahagskerfi að mörgu leyti við jó-jó sem fer upp og niður í sífellu."

Alla grein Gunnars má lesa hér. 

Athugasemdir

[Jón Valur Jensson, 9.3.2011 kl. 17:59]

Hér vantar ekki, að lofað sé upp í ermina!

[Sleggjan og Hvellurinn, 9.3.2011 kl. 18:15]

Nei sinnar segja aft að Ísland mun greiða meira til sambandsins heldur en þeir fá til baka. Talan er á bilinu 1-2milljarðar.

En með því að spara 70-80milljarða þá er þessi svokallaði kostnaður ekki mikill.

[Jón Valur Jensson, 9.3.2011 kl. 22:50]

Þvæla í ykkur, gersamlega ósannaður uppspuni þetta rugl um 70-80 milljarða; jafnvel fimmtungur af því væri gróflegt skrök. Þið hafið engin rök, bara fullyrðingar. Hvar er sjálfsvirðingin?

[Sleggjan og Hvellurinn, 9.3.2011 kl. 23:48]

Það var gerð rannsókn á þessu Jón Valur. Doktorsritgerð frá Hollandi. Ekki mikill uppspuni í því riti.

http://eyjan.is/2010/09/28/thjodarframleidsla-her-sogd-aukast-um-sjo-prosent-innan-evropusambandsins/

[Jón Valur Jensson, 10.3.2011 kl. 04:36]

Ég held þessi Magnús geti nú litlu spáð um það, sem verður eftir 1–2 áratgi. Ekki leizt mér gæfulega á málflutning hans í Silfri Egils, og engin skýr rök eru í Eyjufréttinni. Hafið þið nokkuð lesið þessa doktorsritgerð hans sjálfir? Ekki voruð þið að tíunda rökfærslur, heldur vísa á smá-frétt.

Svo kemur hér stór forsenda fyrir máli hans:

"Þetta er að því gefnu að góðir samningar náist um nauðsynlega vernd fiskistofna Íslands. – Segir Magnús að sjávarútvegsmálin snúist ekki fyrst og fremst um hverrar þjóðar þeir eru sem veiða fiskinn heldur fyrst og fremst að ekki sé gengið á auðlindina."

Jæja, merkilegt, að þjóðarhagur sé ekki undir því kominn, hver veiði fiskinn! Honum virðist alveg sama um, að ráðherraráðið, þar sem við fengjum 0,06% atkvæðavægi (sjá hér!), getur kastað, þegar það lystir, "reglunni" óstabílu um hlutfallslegt stabílítet fyrir borð og opnað miðin erlendum togurum – nóg eiga spænskir af þeim – og hlakkar til!

Þá kemur fánýt Hafró-trú fram í orðum Magnúsar – hann er greinilega ekki með puttann á púlsinum á fiskigengd við Ísland. En að spá 20 ár fram í tímann ... það telur hann sig geta!

PS. Og auðvitað yrði hvalveiðum, selveiðum og hákarlaveiðum útrýmt við Ísland – af ESB! – eykur það kannski þjóðartekjur?

[Jón Valur Jensson, 10.3.2011 kl. 04:42]

Svo spáir hann öllu fögru á grunni evru, sem ekki er eini sinni víst að lifi af hálfan þennan áratug!

[Jón Valur Jensson, 10.3.2011 kl. 04:43]

... einu sinni ...