Pirringur meðal Nei-sinna

Þeir eru strax orðnir pirraðir, Nei-sinnarnir, yfir því að þeim sjálfum fækkar og þeim sem aðhyllast aðild að ESB fjölgar, en þetta kemur fram í nýrri könnun Capacent fyrir Samtök Iðnaðarins.

Einn hinna pirruðu er "ráðuneytismublan" Bjarni Harðarson, eins og hann kallar sjálfan sig á bloggi sínu.

Hann segist hafa lagt stjórnmálabloggið mikið til á hilluna eftir að hann var ráðinn i ráðuneytið, enda orðinn virðulegur starfsmaður innan stjórnsýslunnar!. En Bjarni segir jafnframt að hann geti ekki haldið aftur af sér þegar ESB er annars vegar.

Já, ESB vekur tilfinningar! En tölur Capacent tala sínu máli, hvað sem pirraðir Nei-sinnar segja.

Athugasemdir

[Helga Kristjánsdóttir, 10.3.2011 kl. 23:30]

Er Bjarni Harðar á móti icesavekúguninni? Pirringur er ekki ámælisverður,eða hvað? Miklu fremur framgangan,þegar óheiðarleiki,svik eða tryggðarrof,af völdum hans, sannast. Síðan er hin hliðin pirrandi að sjá menn snúa gegn fyrri sannfæringu sinni.Það er beiskur biti að kyngja. Kv.

[Bjarni Harðarson, 11.3.2011 kl. 08:26]

Ekki má nú mikið kæru vinir, en takk fyrir tilvísunina í bloggið mitt!

[Anna Sigríður Guðmundsdóttir, 11.3.2011 kl. 10:13]

Er pirringur meðal já-sinna. Hvernig væri að rökræða í staðinn fyrir að vera með skítkast út í Bjarna Harðarson? Snýst ESB-aðild um Bjarna Harðarson?

 Ég vil svo gjarnan kynna mér þessi mál frá öllum sjónarhornum. En það gengur ekki vel þegar umræðan er ekki dýpri og málefnalegri! Ég er bara engu nær um ESB eftir að lesa þetta? Er ekki hægt að fá umræðuna á eitthvert málefnalegt skiljanlegt plan fyrir almenning í landinu?

 M.b.kv.

[Stefán Júlíusson (IP-tala skráð) 11.3.2011 kl. 10:22]

Mér finnst innleggið hans Bjarna Harðar alveg frábært.  Það sýnir okkur svart á hvítu að "hörðum" andstæðingum ESB fjölgar þrátt fyrir að okkur já-sinnum fjölgar einnig.

Anna:  Ég svaraði þér fyrir einhverju síðan hvað ESB sjálft varðar.  Líklega er best að horfa til annara ESB ríkja og sjá hvernig umræðan um ESB er þar.  Hún er ekki svona öfgakennt eins og á Íslandi.

Íslensk umræða hefur alltaf snúist um andstæði "öfl", komma og kapítalista hérna áður, en nú um þjóðerniselskandi andstæðinga ESB og landráðaliðið sem vill ganga í ESB.

Þess vegna er erfitt að taka þátt í umræðunni á Íslandi.

Ég hef rætt mikið við vini mína í Berlín um umræðuna á Íslandi.  Þeir eru steinhissa á umræðunni.  En ef þeir koma til landsins til að kynna ESB eins og það er, þá eru þeir hluti af "landráðafylkingunni".

[Haraldur Líndal Haraldsson, 11.3.2011 kl. 14:00]

Hvar er hægt að nálgast þessa könnun?

[Stefán Júlíusson (IP-tala skráð) 11.3.2011 kl. 14:03]

Haraldur:  Smelltu á Bjarna Harðar hér í blogginu hjá okkur Evrópumönnum;)

[Evrópusamtökin, www.evropa.is, 11.3.2011 kl. 14:06]

@ASG: Skítkast út í BH? Í færslunni eru notuð hans eigin orð! Lestu betur áður en þú hrapar að ályktunum!

Annars er áhugavert að velta fyrir sér orðinu "mubla" í þessu samhengi. Annaðhvort notar maður jú mublur, eða þær eru hafðar til skrauts!

En BH kaus s.s. sjálfur að nota orðið "ráðuneytismubla" um sjálfan sig! 

[Haraldur Líndal Haraldsson, 11.3.2011 kl. 14:10]

En hvar er hægt að sjá um könnunina því ekki finnst hún á capacent.is

[Stefán Júlíusson (IP-tala skráð) 11.3.2011 kl. 14:11]

Bjarni Harðar er ansi hlutlaus.  Hann notar orð sem eru mikið notuð og ég er sáttur við þau.

Best að skoða bloggið hans.

[Haraldur Líndal Haraldsson, 11.3.2011 kl. 14:13]

Já, en ég hef séð annarstaðar að svarhlutfallið hafi ekki verið nema um 50%. Afhverju er verið að vitna í slíka könnun? Hún segir nákvæmlega ekki neitt um afstöðu fólks til esb.

[Stefán Júlíusson (IP-tala skráð) 11.3.2011 kl. 14:19]

Haraldur:  Er þetta ekki eðlileggt svarhlutfall í könnunum?

Þetta er svona og við verðum að sætta okkur við það og vinna út frá því.

Við verðum að finna leiðir til að sína ESB út frá því sem ESB er en ekki út frá því sem stór hluti Íslendinga heldur að það sé.

[Viðar Freyr Guðmundsson, 11.3.2011 kl. 14:21]

Já tölurnar tala svo sannarlega sínu máli. Það eru tveir ESB andstæðingar fyrir hvern einn ESB ástmann. Það segir ansi mikið.

[Haraldur Líndal Haraldsson, 11.3.2011 kl. 14:27]

Málið er að þegar brottfallið er svona hátt, þeim mun hærri verða vikmörkin eða skekkjumörkin. Þess vegna segir þessi könnun okkur ekkert um afstöðu þjóðarinnar til ESB. Það eina sem hún segir okkur er það hver afstaða þeirra sem tóku þátt í henni er. Það er regla að kannanir með brottfall meira en 30% eigi ekki að birta og æskilegra er að brottfallið sé minna. Svo dregur það úr vægi könnunarinnar að þetta er internetkönnun. Hvort sem þetta er eðlilegt svarhlufall eða ekki þá gerir það þessa könnun ekkert trúverðugri fyrir vikið. Hefði svarhlufallið verið þetta á bilinu 70-80% hefði verið hægt að hafa hana til hliðsjónar.

[Stefán Júlíusson (IP-tala skráð) 11.3.2011 kl. 14:51]

Strumpur og Haraldur:  Já, það er eiginlega áhugavert hversu lítið svarhlutfallið er.  Það er áhugavert hversu oft svarhlutflallið er lágt.  Af hverju?  Á kanski næst að segja að verið sé að spyrja fyrir Moggan? ;)

Við fáum að vita þetta í þjóðaratkvæðagreiðslunni sem búið er að lofa okkur.

[Haraldur Líndal Haraldsson, 11.3.2011 kl. 15:04]

Já við fáum að vita það þá, en þess vegna þarf að hafa fyrirvara á þegar vitnað er í slíkar kannanir og hafa umræðuna málefnalega svo fólk geti tekið upplýsta ákvörðun.

[Stefán Júlíusson (IP-tala skráð) 11.3.2011 kl. 15:09]

Haraldur:  Við skulum ekki taka ákvarðanir út frá könnunum, heldur staðreyndum.

Þá mæli ég með fréttamiðlum þeirra landa sem eru í dag í ESB.

[Haraldur Líndal Haraldsson, 11.3.2011 kl. 15:17]

Hægt er að hafa kannanir sér til hliðsjónar, en umræðan þarf að vera málefnanleg og það þarf að velta fyrir sér kostum og köllum þess að vera inn í esb  eða utan þess.

[Stefán Júlíusson (IP-tala skráð) 11.3.2011 kl. 15:19]

Haraldur:  Það er ekki til málefnanleg umræða um ESB í dag. 

Það er því miður söguleg staðreynd.

Þess vegna mæli ég með erlendum fjölmiðlum.

[Haraldur Líndal Haraldsson, 11.3.2011 kl. 15:30]

Þess vegna segi ég að umræðan þarf að vera málefnanleg og fólk einfaldlega kynni sér málin. Í gegnum erlenda fjölmiðla og skrif fræðimanna.

[Árni Gunnarsson, 11.3.2011 kl. 22:15]

Hví í ósköpunum ættum við Íslendingar að kasta því frá okkur sem er okkur meira virði en unnt er að reikna til verðs?

Við eigum stórt og gjöfult land með hreinan bústofn og verðmætan vegna margháttaðrar sérstöðu ásamt því að verð á framleiðslu okkar fer hækkandi með hverju ári. Við eigum alla möguleika á að vernda landið fyrir glæpasamtökum og óæskilegum innflutningi af ýmsum toga vegna landfræðilegrar einangrunar. Og síðan eigum við allan heiminn að markaðssvæði ef við höfum vit á að gera samninga.

Þið ESB sinnar: Hvers vegna flytjið þið ekki bara inn í sæluríkið og látið okkur hin í friði? 

[Evrópusamtökin, www.evropa.is, 11.3.2011 kl. 22:43]

ÁG: Þetta er svipað sjónarhorn og birtist hjá formanni norsku bændasamtakanna, sem segir að "ESB sé bara lítill hluti af heiminum" Fjöldalega séð er það nokkuð nærri lagi, en ESB er annað mesta viðskiptaveldi heims!

Eigum við að vera fyrir utan ESB af því að formaður norsku bændasamtakanna vill það?

Við getum jú reynt að skríða inn í torfkofana aftur og látið eins og umheimurinn sé ekki til!